والله احنا مرة اخذونا على رحلة لمدرسة المكفوفين .. ايش اقول لك .. مستحيل تقولي ذولا ما يشوفون .. والله بعضهم بارعين اكثر منا

يعني كل اللي ممكن تتخيليه يسوونه .. يروحون المدرسة لوحدهم ويقطعون الشارع ويستخدمون وسائل النقل العامة يعرفون ارقام الباصات والقطارات ومواعيدهم ..

يطبخون ويستخدمون الكومبيوتر والانترنت ... وكمان شفت عندهم القران الكريم بصيغة برايل .. مع انهم مو مسلمين .. وعندهم اشغال فنية وحرف .. بجانب انو بعضهم يروحو الجامعة ومعاهم شهادات باكالوريوس وماجستير ..


يعني احنا متوقعين انو افضل مكفوف هو اللي يلبس ملابسة بنفسه ويساعد نفسه بالشاور .. بس هم متجاوزين هالمرحلة بكثيييير

ومو بس الكبار حتى الاطفال والله ..



انا عارفة انو كلامي كثير .. بس حابة ابين لك انو اهم شي بحالة ولدك التعليم ثم التعليم .. وكل ما بديتي من الصغر كل ما تطورت قدرات ولدك للافضل

قولي الحمدلله على كل حال .. اللي انولد كفيف افضل بكثييير من اللي طول عمره يشوف وفجأة يفقد نعمة البصر .. هذا اللي صعبه عليه يتأقلم ... واحنا كلنا معرضين لهالشي الله يكفينا الشر .. كل شي بايد الله


انتي استفسري الان عن افضل المراكز وروحي قابلي الاخصائيات .. علشان تعطيك فكرة عن كيف تدربي ولدك عالمهارات الاساسية


والله يحفظة ويخليلك اياه .. وتشوفيه معرس يارب :)

الحمدالله على كل حال

انا طفلي كفيف والحمدالله

لكن .. عنده اعاقه ذهنيه ..

.. يالغاليه .. من خبرتي البسيطه ..

دائما خليه يلمس وجهك لان يتعرف عليك عن طريق المس وكيف تكون ملامحك

حاولي دائما .. تنوعين بالاشياء الي يلعب فيها مثلا حاجه خشنه وانتي تلعبينه تقولين لها هذا خشن

وحاجه ناعمه .. طريه .. صلبه .. سائله .. مع ذكر الماده وهو يلمسها .. إلخ

واهم شيء

تعرفينه على اطرافه .. تخلينه يمسك اذنه ويلسمها وتقولين هذي اذنك .. القدم .. البطن .. ألخ


للعلم طفلك في مرحله لابد يتعرف على اجزاء جسمه وكيف يستخدمها ..

نصيحه خلي القرآن تسليته الوحيده .. وحديثك معه يكون دائما بوصف الاشكال والونها وبكل تفاصيلها مع استخدامه يده للمس

وكل ماكبر علميه بعدد الخطوات حتى يوصل للمكان الي يبيه ..

اما الان .. خليه يتعرف على سريره تكون المساحه كبيره له .. ويكون فيها بعض الألعاب المحببه له

وحاولي قدر المستطاع تجعلين اماكن الالعاب ماتتغير كل ماينتهي منها

لان سبحان الله .. عند طفلي قدره باخذ الاشياء ان لامست جسمه بصوره دقيقه رغم عدم استوعابه

فا مثلا في اول سنتين من عمره .. المصاصه دائما في فمه في حالت سوقطها منه وضربت كتفه مد يده بنفس مكان سوقطها واخذها ورجعها لفمه .. بدقه وبدون اي حركه عشوائيه كأنه يراها

سبحان الله ..

وحبيت ازيد نقطه .. خليه يتعرف على اثاث البيت واجزائه بلمس مع الوصف ايضاً وذكر ان كان خطر او أمن له

والله يعينك على تربيته ..

ويرزقج بالاطفال المتعافين الاصحاء والصالحين ان شاء الله

الله يخليه لك ترى المبصر اللى يبصر بقلبه مو بعيونه


مرة شفت برنامج على دبي ون اللى يرتبون المنازل وكان غرفة الطفل الكفيف فى معه معلمة

و وصتهم انهم ما يغيرون اماكن الاشياء بغرفته مهما صار لانه لما يتعود عليها كانه يشوفها



والله يعينكم على تربيته وتراه اجر كبير باذن الله

والله يوفقك وزوجك و ولدك

اسفة ع الازعاج
بس ودي اسأل ماسبب كف البصر يعني هل من الولادة والا شي صار له بعد الولاده...

الله يشفيه ويعافيه..ويرزقك بره ويعينك علي تربيته التربية الصالحة ...

ولا تنسين انه يقدر يميزك من بين الناس بريحتك سبحان الله... ربي اعطاهم قوة بالملاحظه ...الله يخليه لك ويحفظه..

sara
مشكورة يا عمري على النصيحة ان شاء اسأل اخصائيه

عازفة أوتار الأمل
مشكورة يا قلبي على المرور والدعوة

لا للخلطات
مشكورة يا قلبي على ذكر التجربة والنصيحة

جوري
ربي أراد يختبرنا في أغلى ما عندنا الحمدلله انا اللي مضايقني الحين انه صار يفضل النوم على الارض يتضايق لما اشيله والعب معاه وهو متأخر في المشي الحين يمكن بسبب حالته ومشكورة حبيبتي على النصايح جات في وقتها والله يشافي لك ولدك يارب

أسلوبي قهر غيري
جرح الورد
مشكورين حياتي على المرور والدعوة الحلوة