SWEET CAKE :

انا بنتي الان عمرها 13 و لاحظنا في صغرها انها ماتنطق حرف السين زين و ما اهتمينا بالموضوع و لما صار عمرها 7 سنوات تقريبا لاحظنا انها ما تسمع بعض الاصوات مثل رنين الهاتف او الساعة و لما نكلمها احيانا ماترد علينا و حسبناها تطنشنا و كان مستواها كويس في المدرسة و لكن اتذكر ان معلمتها في الصف الثالث الابتدائي قالت اني الاحظ انها احيانا ما تسوي الشي الا اذا سووه زميلاتها ووديناها للحبيب للكشف و كشف الدكتور عليها خارجيا و قال البنت سليمة ما فيها اي شي لكن لما شاف شكوكنا قال نسوي لها اختبار سمع وكانت المفاجاة اللي حتى الدكتور انصدم فيها و هي انه عندها ضعف شديد في سماع اصوات التردد العالي مثل س ............. وتحتاج لسماعة و لاينفع معها العملية وانه عندها ضعف في العصب ومن اسبابه نقص الاكسجين عند الولادة (وكان هذا معاها) او حرارة شديدة(يا كثر ماجاها)و ترددنا بالاول و بعدين جبنا لها سماعات في الصف السادس وكانت تلبسها في المدرسة لمدة شهرين تقريبا ثم تركتها و لم تلبسها و تقول انها تضايقها لما تصفر احيانا و قالتلي المعلمة ان الطالبات ضحكوا مرة عليها لما طلع الصفير و احيان تقول خلوهم يعلون عليها لاني ما اسمع فيها زين و اللحين بنتي باولى متوسط و رامية السماعة من اكثر من سنة و نطفش منها احيانا لما ما ترد عليناو لما نتذكر وضعهانرحمها و دايما انبه المعلمات لوضعها.و احب انصح اخواتي:لا تاخرين ولادتك لاكثر من41 اسبوع لان هذا قد يسبب نقص في الاكسجين-اذا لاحظتي ضعف في سمع طفلك لاتكتفي بالكشف الخارجي و انما اطلبي اختبار سمع- انتبهي من الحرارة.علمي ابنائك بان لا يضحكوا من اي شخص عنده عاهة. الله يعافي ابناونا و بناتنا و جزى الله خير صاحبة الموضوع.

انا بنتي الان عمرها 13 و لاحظنا في صغرها انها ماتنطق حرف السين زين و ما اهتمينا بالموضوع و لما...