اللي كانت ماتحب زوجها وتغيرت وحبته تدخل تعطيني امل

السلام عليكم


دايم ادخل اتفرج على عالم حواء واشوف المشاكل اللي فيها واشوف نفسي في نعمه الحمدلله أنا مشكلتي إني ماحب زوجي ولا احس بالانسجام معه واحس اتنرفز منه بسرعه واعصب من اتفه شي هو شخص مستفز حبتين اذا سولفت معه مايدخل معاي جو بالسالفه وتسمج السالفه من كثر مايقاطعني ويعارضني على وجهة نظري


احيانا احس بكراهيه له بس هذا الشي بدا يخف شوي شوي
اتمنى اعيش معه بسعاده وحب لكن ميته من داخل مااشتاق له اذا سافر بالعكس احسني افرح بخرجته
فيه وحده مثلي كانت وتغيرت مادري فيه أمل أتغير؟؟
للمعلومية انا لي سنتين متزوجه ومعي بنت وزوجي مطلق اسباب طلاقه زوجته راعية مكالمات وخرابيط ماكمل معاها سنه مادري احيانا اقول في نفسي يمكن هي كانت مو مرتاحه معاه فراحت تدور متنفس مابغى اظلم زوجي مسكين ودي اسعده واخدمه بنفس
ماحس بالألفه معه ادعووولي ربي يألف بيننا ويرزقنا السعاده والتفاهم