اللي ماتعرف تسوي لقيمات .. الحل هنا بإذن الله ..

السلام عليكم ورحمة الله

كــل عآم وانتم بخير
ورمضآن مبارك ع الجميع ..


انا وحده كنت اتعب مع اللقيمات . اسوي واتعب واخر شي تصير يالينه مره او شاربه الزيت او تخرب و و و ...


فمابي ابخل في هالمعلومه بعد تطوراتي :pinklove:


انصح كل اخت ماتعرف للقيمات ابد .. تتعلم ب لقيمات القاضي اول شي وبإذن الله راح تكون ماهره باللقيمات المقادير



اول شي /
خوذي نص علبه القاضي .
نستخدم كأس وربع مويه دافيه + نص الخميره الموجوده + نص الكرتون .
اعجينهم سوا وخليها ساعه تختمر .
ثم خوذي ملعقة باسكن روبنز او كون زون وهي سر اللي تخلي القيمات دائريه ..
استخدمي زيت بصحن صغير .
شغلي المقلاه وفيها زيت غزير واذا حسيتي صار دافي حطي حبه لقيمات تكون تجربه واذا بدت تطلع رغوه من الحبه
اعرفي ان الزيت ممتاز للقلي وقصري ع النار تكووون هاديه مررره .

سكري يدك بعد مسحها كاملا بالزيت وفيها عجينه وطلعي دائره من بين الابهام والسبابه واغرفي العجينه بالملعقه المذكوره اعلاه ومبلله بزيت وعلى طوول ارميها بالزيت . واذا كان فيه عدد لاباس به . وقفي وحركي اللقيمات بالملاس
فوق تحت يمين شمال الى ماتستوي " وتحتاج رواقه " وبعدين علي للنار حتى الزيت يطيح من اللقيمات .
وحطيها ع ورق نشاف .. وهكذا ,

هالمره جربوها عجينه الكرتووون . ومع الايام ان شاء الله راح تبدعين بأي طريقة تشوفينها . واتبعي نفس الخطوات بالقلي .


ودعواتكم لي :biggthump