السلام عليكم ورحمة الله وبركاته
ربما يتبادر إلى ذهنك هذا السؤال ليش الغرب مايعرفون شي أسمه شغاله مع أن بيوتهم كبيره وعندهم عيال لا وبعد عندهم عزايم
لييييييييش ؟؟؟؟
ليش إحنا مانقدر نقوم بشغل بيتنا مثلهم ؟ ليش نشوف عندهم كل أهل البيت يقومون باالشغل حتى لو فيه عندهم كبار في السن؟ وحنا ماغير استقبل وودع في ها الشغالات ؟
تدرون ليه لأن عندهم قناعه بأن البيت هو مصدر سعادتهم مع أن هذا الشعور الأولى يكون فينا ياالمسلمين حتى أنهم يعودون أطفالهم على شغل البيت من وهم صغار مافيه شي عندهم أسمه
"ياااااااااااريتا لبسي حمودي جزمته"
تدرون أن هاالكلمه لها وقع فظييع على نفسية الطفل هو لما يسمع أمه تقول للشغاله هذا الكلام يشعر في قرارة نفسه أن أمه تنادي على الشغاله لتقوم هي بتنفيذ هذا العمل لأن أمه لاتستطيع فلذلك هو أيضا لايستطيع أوتستطيع ولكنها تتهرب إذا في كلتا الحالتين هو إما لايستطيع أويتهرب فيتربى على هذا الشي ويكبر عليه وإستحاله تغيرينه إذاكبر لذلك ينشأ لدينا هذا الجيل المعتمد على الخادمات في كل شيء
ليش على كثر مانسمع من بلاويهم ومشاكلهم الوحده منا تقوووووووووول وهذه مقوله مشهوره " اللي تعودت على الشغاله ماتقدر تقعد من دونها"
يابنات من دووون زعل واللي في بالها شي تقوله إحنا هنا نبي تجمع للي تبي بيتها من دون شغاله أما اللي ضد فكرتي فرجااااااااااااااااااااء عدم الرد باالكلام اللي ماله داعي:16:
يابنات انا كان عندي شغاله وسببت لي بلاء والحمد لله اللي شافاني طبعا أتفقت أنا وأبو الشباب أنا نبدأحياتنا باالتعاون وبلاش كل شي علي طبعا كنت موظفه وأخذت إجازه وعندي ثلاث أطفال بيتي دور أرضي أربع غرف وصاله ومطبخ وحمامين وحوش كبير
وكان هناك بنود كثيييره وجلسه مطوووووله وكله يابنات عشان بس أفتك من هالشغالات وسحرهم وبلاويهم والحمد لله أرتحت كثييييير يابنات
هذي البنود يابنات حطيتها لكم عشان تستفيدون وأي وحده عندها إضافه أو شي ودها تقوله أو خبره سوتها وفادتها تحطها عشان يستفيدون أخواتنا اللي مثلي ماعاد يبون الشغالات
طبعا البنود هي كاالتالي
أولا : أن يتعاون الزوج معك وأن لا يدقق في كل صغيره وكبيره وهذه كانت أول خطوه وأهم خطوه
ثانيا: إحضار البدائل التي تساعدني في شغل البيت غساله أتوماتيك نشافه ومكنسه تكنس باالماء السيراميك والفرش وجدا نفعتني في جو الرياض المغبر وطبعا كانت التكلفه تقريبا6000 ولكن كله عشان ماعاد ناخذ شغاله طبعا بقى علينا غسالة المواعين وإن شاء الله أني اخذها بس تعرفون الميزانيه أنهزت فقلنا لحد ماييسرها الله راح أبدأ باستخدام الصحون البلاستيك وشريت كرتون ملاعق وكرتون كاسات وكرتون صحون دائريه للرز وصحون للإيدام أو الشوربات والتكلفه فقط 300 ريال
ثالثا : وضع جدول للتنظيف وأستفدت كثثثثثثثير من جدول الأخوات اللي باالمنتدى عن النظافه وحطيت لي جدول للتنظيف
رابعا :إذا وجد الأطفال في البيت أنصحك أنك تشركينهم معك باالتنظيف وهناك مقابل مادي لكل غرفه نظيفه إذا فيه أولاد وبنات وحتى للي عيالها صغااااااااار تقدر تخليهم يشتركون معها كيف أنا مثلا أعطي كل واحد كيس واللي عندها عيال صغار وورى بعض مثلي راح تحس باللي أقوله فلما أعطيهم الأكياس أقول أكثر واحد يلقط ويعبي الكيس راح أعطيه هديه وهي عباره عن بسكويت أولعبه بسيطه وطبعا راح يلقطون لك كل شي مرمى في البيت أنا عاد بعد مايخلصون أجلس أفرد الأشياء اللي لقطوها وبها الطريقه أكون ريحت ظهري من اللقط ويترتب البيت بسرعه
إذا عجبكم الموضوع وحسيت فيه تفاعل راح أكمل باقي البنود
=================================موفقة =====================
نفسي اطلع الشغالة واسوي زيك بس زوجي مايرضى وتنسد نفسة بالصحون البلستك ماني عارفة اش اسوي