هتتعودي مادام الرجال كويس لاتردي نصيبك، لي من اهلي سنوات طويله سافرت واتغربت وبعدت عنهم وبيننا مسافات طويله ، صح متعبه بس هتتعودي وتقبلي بالوضع بالذات اذا زوجك ابن حلال

البنت بعد الزواج مالها الا بيت زوجها حبيبتي مدام الرجال زين خلاص وافقي الشوق اول الايام بس بعدين عادي وكل شهر روحي عند اهلج

والله مو سهل الموضوع وراح تعانين واجد وخاصة اذا شفتي جمعات اهلك وطلعاتهم وانت وحدانية او مع اطفالك الصغار
موب سهل ابد الحرمان من الام ولكن
يضطر اللضرورة احكام
حسب عمرك ،، و عدد الاشخاص اللي تقدموا لك قبل هذا خذي قرارك
ان كنتي صغيرة في اول العشرينات وسبق جاك عرسان فالاولى ان تصبري عسى الله ان يرزقك بمن هو في مثل مواصفاته وعند اهلك
اما اذا كنتي 26 وطالع ولم يتقدم لخطبتك احد عليه القيمة قبل هذا الشخص فلا تفوتي الفرصة ولكن ،،،،
اشرطي عليه زيارة اهلك بما لا يقل عن مرتين في السنة بالطائرة يرسلك وخاصة في الاعياد

والله سالفه البعد مو حلوه و صعبه لكن ممكن فتره وتتعودي
بس اشوف صديقاتي ساكنين بعيد عن اهاليهم و ياخذون فتره طويله ما يروحون الا بالمناسبات او اذا خلاص طقت كبدها
استخيري و لو وافقتي تكلمي معه في النقطه هذي انه تروحين لهم كل فتره

على حسب حبك لأهلك ومدى تعلقك فيهم
في اولاد يحبون اهلهم وفيه اولاد يعشقون اهلهم
في بنات واولاد البعد يتعبهم بالاول وبعدين يلتهون بالحياة الجديدة
والبعض مايتأقلم ويظل يعاني
مالك بكلام احد لا صديقتك ولااخواتك
انتي بتعيشين الوضع مش هم شوفي انتي وش يناسبك
بالنسبة لي الوالدين مقدسين
اذا البنت بتشوف حياتها وتمشي ورى زوجها والولد بيشوف حياته ويمشي ورى زوجته
اجل مين بيرعى الوالدين بكبرتهم ؟؟ مين بيكون عندهم ؟؟
هذي سنه الحياة نعم بس مازال لازم احد يكون معهم يسندهم
مع اني ما اعرف وش قصدك ان العريس ماينرد ؟؟؟
وش المميز فيه اذا مايقدر يدفع ثمن تذكرة كل ما اشتقتي لأهلك