اللي متزوجه وتدرس إنتظام بالجامعه... تدخل ... عندي كم سؤال

انا كنت ادرس بالكليه سنتين كنت فيها متزوجه والاخيره اعتذرت علشان الحمل وكملت السنه ياللي بعدها وكليتي ما فيها انتساب وكنت اتمنى انتسب لاني اتعب مع ولدي ما يخليني انام هو صحيح مستواي قل شوي عن اول لاني اول كنت من المتفوقات وبعد الطفل تأخرت شوي بسبب الغياب المتكرر والسهر ولا اقدر اجمع بين شغل البيت ومدارات الولد وابوه ووو
بس نصيحه كملي دراستك وحاولي تتدبرين امورك وانا اشوف الحاسب جدا ممتع ومفيد وله مستقبل بالنسبه للوظيفه

والله يكون في عونك ويوفقك ويسهل لك

حبيبتي لولي.. انا ادرس حاسب ومتزوجه من سنه وماعندي اطفال للحين
بصراحه الحاسب مو سهل.. لازم تضغطين على نفسك شوي.. لا تفكريني اخوفك لكن مو سهل ابدا
والحمدلله قدرت اوفق بين البيت والدراسه خلال هالسنه واحس ان الوضع ما تغير عن وضعي عند اهلي.. لكن لو عندك شغاله فبتوفرين وقت كثير جدا.. يمديك تذاكرين.. اشوف صديقاتي بنفس القسم معاي وعندهم اطفال وشغاله ومع كذا ماشاء الله متفوقات.. اذا ناويه تشدين حيلك فسمي بالله وسجلي.. ماراح تفيدك جلست البيت وبيجيك وقت وتتحسفين. اكيد الان انك تقولين لو اني مكمله بعد الثانوي كان انا على وجه تخرج.. فما بالك بعدين؟ تخيلي نفسك بعد 10 سنوات من الان.. وش بتقولين؟ نصيحه لوجه الله.. كملي كملي كملي.. سواء حاسب او غيره.. لا تعتذرين بالزوج والاولاد.. لو تجلسين بالدراسه عشر سنين وانتي تدرسين وترسبين وتعيدين مو مشكله.. ولا جلستك بدون فايده.. صدقيني بتحسفين.. خاصة اننا بوقت الكل فيه دارس.. والان اللي معاه دبلوم ننظر له على انه اقل مستوى فما بالك باللي اقل!! ادري كلامي حار شوي.. لكن والله اكلمك زي اختي.. والله مالك مصلحه من جلسة البيت.. نصيحه شدي حيلك وسجلي.. واسفه اذا ثقلت عليك بالكلام.. وبالتوفيق

الله يعطيكم العافيه يا بنات ... حمستوني للدراسه ...

بس مشكلتي في قومة الصبح ما ادري راح اتغلب عليها والا لأ ... لاني ما انام الا متأخر ...

فيا اخت قمرا ... هل واجهتك صعوبة بعد الجلسة في البيت ...

وبالنسبة للحسوفه على الجلسة ثلاث سنوات ... فانا ندمانه قد شعر راسي ...

ومشكورين ...

حبيبتي وشحليلي ...

ما تشوفين اني لو درست حاسب راح يكون صعب علي كثير خاصة اني ناسيه الدراسه والمناهج...

ويقولون ان الحاسب يعتمد على الرياضيات ... وغير كذا فيه فيزياء وكيمياء ومواد رياضيات ...