صراحة كلام الأختين فيونكة حمراء وحرة على كف صقار وردود الأخت صاحبة الموضوع نقاش في منتهى الروعة وفكر راقي وناضج ماشاءالله تبارك الله

حبيبتي اذا ع التنظيف والكرف جيبي شغاله ولا حتى 2 لو بغيتي
يعني مبرراتك للقبول بزوجه ثانيه مبررات واهيه
بعدين توك تقولين ان من ضمن اسباب رغبتك بمتزوج انك تبين واحد مايتفرغ لك ويكون عنده بيت ثاني ينشغل عنك شوي بس هالشخص اللي متقدم لك من كلامك ان زوجته تتركه معظم الوقت وجالسه عند اهلها. يعني بتصير مهامك ومسؤولياتك زي الزوجه الوحيده. يعني وش استفدتي بتكونين اخذتي الشرهه ع الفاضي…

بصراحه كلامك ومبرراتك غير مقنعه ولو تبين افندها لك واحد واحد بس الاخوات كفوا و وفوا
وبصراحه انا حاسه ان سببك الرئيسي للزواج منه انه غني ومقتدر ماليا بما انه يشتغل وكيل شرعي لان الوكلاء ع حد علمي يدخلون بالتجارة مع موكليهم ويتجرووون ماشاءالله. واحد من اقاربي كذا والله رازقه من وسع عن هالطريق الله يزيده ويهنيه

غريبة موظفة وماخطبك اعزب الموظفة هالايام سوقها ماشي  بس تبغين نصيحتي  لاتاخذين متزوج لمصلحتك انتي مو عشان زوجته الاولى لا والله بس لان الرجال يعتبر الزوجة الثانية استبنة كفرة احتيتكية متة مابغاها خاها ومتى ما كرههها  وراح لزوجته تركها  ليش تخلين نفسك لهالوضع المخزي  الرجال المعددين اغلبهم ضالمين يالاولى تنظلم  يالثانية  تنظلم وهذه حياتهم مشاكل وبلاوي الواحد يدور راحته و تعاسته  كثير زوجات ثانيات ندمانات شد الندم ن الضلم الي شافوووه   استخيري وفكري بعقلك مو بعاطفتك او عمرك او اي ظرف اخررر

صدقيني الرجال مؤ واحد يأمل فيه رجال متزوجين مراااهقين وعزاب عاااقلين والعكس صحيح وكثير أشوف بنات أخذو متزوجين ومبسوطين ودلع عالاخر أشوف. بنت عمي أخذت لها متزوج وولها يمكن عشر سنوات يحبها وتحبه وأمورهم تمام لان هي طيبه وهو أطيب منها وبنت جيراننا أخذت متزوج وجلست معه كم شهر وطلقها مع أنها صغيره وملكة جمال ليه طلقها لانه كان متزاعل مع زوجته الأولى وحب يقهرها بس 

دامك مقتنعه بالمتزوج بقوه وين المشكله جربي حظك وتجارب الاخرين ليست قاعده تبنين عليها قراراتك والرجال يختلفون مثل ما النساء يختلفن