استغفر الله وأتوب اليه ..

بسرعة حكمتي ع نفسك ماتبين اطفال ؟ تخيلي انك خلفتي طفلين معاقين راح تبقين ماتجيبين غيرهم او انك جبتي بنتين ورى بعض وزوجك يبي ولد ماراح تخلفين بعض كلامج مو حقيقي للاسف لانج بعدج بنت مو عارفة الزواج عدل قولي اللهم ربي رقني الذرية الكاملة الخلقة وادعي ربك مو تقعدين تتدلعين على نعمة ربك موفقة

التعدد شرع الله شئنا ام أبينا ..نحن الان لن نتكلم عن قضيه شرعيه..نتكلم عن امور نفسيه التعدد له سلبيات كثيره على المرأه خلونا واقعيين لا يوجد امرأه تقبل ان يشاركها احد في زوجها تلك فطرة الله لها ومن هذه الفطره ينبع كرهها للتعدد ولا تلام على ذلك ونساء الانبياء عليهم السلام قبلن بالتعدد لكن لم يستطعن التغلب على الغيره وهذه احدى سلبيات التعدد..انتي الان لم تفكري في الغيره كثر مافكرتي بمصلحتك كونك موظفه..الغيره ممكن تلخبط جميع حساباتك..والشي الثاني كمان الغيره تجعل منكن اعداء واصعب شي ان يتشاركن الاعداء بشي واحد وهذا الشي هو محور حياة المرأه وهو الزوج .والاهم من ذلك ان القوامه والطاعه للرجل والرجل غالبا لايقدر مشاعر الغيره بين النساء وهذا هو الدمار النفسي بحد ذاته..
الله عزوجل عندما وضع الواجبات والمحرمات لم يترك لنا فرصه لتحكيم العقل لانه يعلم ان ذلك من مصلحتنا .لكن عندما خلق المباحات ترك لنا الفرصه للتفكير بالعقل ليس كل مباح يصلح للجميع فربما يكون لبعض الناس حل وللبعض الاخر دمار ..وفي هذه النقطه القي اللوم على كل واحده تنتقد من توضح سلبيات التعدد ..فالله عزوجل لم يوجبه حتى نجزم بأن فيه مصلحه لكل فرد..حبيبتي الزواج قسمه ونصيب وقضاء لن يرده إالا الدعاء ادعي الله عزوجل ليلا ونهارا ان يرزقك بمايصلح لك وان يرزقك بزوج اعزب وفق ماتريدين..فالدعاء بالاعزب ليس حرب للتعدد بل هو ثقه بالله ان الله قادر على رزقك بالافضل ولا يختلف اثنان ان الاعزب الخلوق افضل بمئات المرات من المعدد ولو كان خلوقا..فصدقيني حتى لو كان عادل ممكن سياسة تكرهك بنفسك عند مثلا صاحبتي روجه ثانيه ..زوجها عادل جدا لكن كرهها بعيشتها بقوانيه بيتها واولاد زوجها 24 ساعه عندها فليلتها ومايخلي زوجاته يقفلن بيوتهن حتى لو ماهن موجودات..حتى كل وحده تقدر تدخل بيت الثانيه لو احتاجت شي بغيابها...اولاد الزوج حكايه ثانيه ...بالنسبه إلي انا زوجه وحيده وزوجي فيه سلبيات كثيره لكن حريتي معه وتفرغي أضعاف مضاعفه من حريتي يوم كنت بنت فبيت والدي المعدد.سياسة والدي الله يسامحه كرهتنا فيه وبأنفسنا ومافيه اي حريه ولا أي خصوصيه..وبالعكس ترتاحين من اولادك يجونك اولاد زوجك.وشوفي انا لحد الان وانا متزوجه ومفتكه الا اني احمل هم امي ..الاشياء اللي كانت تصير فبيت الوالد سببتلي أزمه نفسيه لحد اليوم ومو بس أنا اخواني كلهم...الزواج قسمه ونصيب بس الدعاء يرد القضاء

الله يعين اللي بياخذك بعد ماجاء الخطيب وقدك تتشرطين وتتوعدين

شكلك عنيده مره نجيبك يمين تروحين يسار

عموما انتي شكلك موافقه ومقتنعه على المتزوج اللي جاي يخطبك فالله يبارك لك فيه
واما كيف حياه الزوجه الثانيه يختلف من وحده للثانيه انتي بتعيشين وبتجربين بنفسك

وبالنسبه للراتب مثل ماقالوا الاخوات اشرطي اثناء العقد يكون من حقك فقط وماله فيه ريال

والله يوفقك