معقوووووووووولة فيه رجال يحبون السمنة والله غريييييب
ياليت زوجي من هالنوعية زوجي عالكرشة قاعد لي

شكراً لردودكم..

أنا ريلي من النوع اللي يحب السمن لكن أنا لأ ولأ ولأ

بقولج تجربتي حبيبتي
أنا عندي اثنين الله يحفظهم ولاحظت انه بعد الولاده الوزن ينزل بسرعه رهيبه وهذا طبعا اذا خففت الأكل ونصيحه انه تبتعدين عن الدهون والسكريات عن يزيد وزنج دبل
ولا تشربين عصاير وايد
وأنا بعد 6 شهور ولاده بديت الرياضه وهي المشي بس ماكان صراحه كل يوم بس النط كنت أنط كل يوم أكثر من 100 نطه ومب أقل في اليوم
وكنت صدق أحدد أكلي يعني مثلا جدامي برياني لحم آخذ قطعه لحمه جد كف اليد والرز ما أزيد عن 4 ملاعق وأوهم نفسي اني شبعت وأقوم بسرعه عن الأكل وكل ما يكون في خاطري آكل زياده اقول لأ عايبنج هالكرش وهالشحم كل اللي حواليج حلوين ورشيقين وانتي اللي دبه وشكلج غلط وتزيد الهمه وأنط أكثر وأخفف أكثر والله يا بنات في الاسبوع الاول من الولاده نزلت 7 كيلو هذا طبعا الوساخه مال الولاده مع وزن البيبي طبعا
وبعدين في شهر نزلت 7 كيلو بعد وبعدين عاد كل شهر كنت أنزل شويه لين وصلت للوزن الي قبل الحمل ولكن الحينه كسل على أكل على خرابيط وبلاليط زاد الوزن طبعا بس الأمل موجووود قاعده أسوي ريجيم والله يعين
سوري حبيباتي
كنت مكبوته وطلعت اللي في جعبتي

انا الحمد لله انزل بعد الولاده من غير رياضه وزوجي مايحبني اتخن لكن انتي حرام عليك لسا دوبك شهرين ارتاحي وابداي زي ماقالت الاخت بعد سته شهور سوي رياضه وولدك خوذيه معاك بالعربيه لانو لسا صغير فماراح يطفشك وبالتوفيق

بصراحه عن تجربتي اي وحده تبي بطنها يلصق في ظهرها عليها بالرضاعه الطبيعيه قد ماتقدر صدقوني تنحف وتشد الجسم بالذات البطن......انا رضعت 6شهور الثلاث الاولى متواصله وبعدين بديت ادخل الحليب الصناعي شوي شوي .. والنتيجه طلع جسمي احلى من قبل الحمل.