هل يصلح اعطي ابني العسل الطبيعي عمره ثمان شهور حتى انا ابغاه يكون مربرب وعجزت معه حتى البس مايلوق عليه

الطفل ماتعطينه العسل قبل السنه لانه فيه احياء دقيقه ممكن تكون السبب في تسمم الطفل...

جربي لما توكلينه شربيه ماي او عصير طبيعي ورى كل لقمه تقريبا :)
والله يحفظه

والله انا نصيحتي دامنه بصحة وعافية لا تسمنين ولاشي...لأن المسأله هاذي تكون نتيجة بنية
الطفل ونادرا ما يكون الأكل هو السبب...
انا ولدي من يوم انولد وصحته تتحسن الي ما خلص الأربعين ما شاء الله وهو تقولين ولد 3او 4 شهور..مع انه ما يشرب غير حليب..لا اعشاب ولا حلبه ولا غيره...
بس انا عكسك..كنت اتأزم لأنه في العائلة كذا وحده ولدت معي واذا اجتمعنا صار الفرق
واضح ..وصاروا يقولون لي ولدك ينفع يسوي اعلانات..من كثر ما يشبه اطفال بامبرز
وسيريلاك وطقتهم...والله اني اقرى عليه قبل اطلع واخلي ابوه يقرى عليه..واحاول
اني انومه عند الناس علشان لا يلفت النظر...
العين حق...ودامك تقولين كثير يعانون من نحف اطفالهم ..فأنا انصحك خلك مع الكثير
الله يحفظ ولدك وولدي وعيال المسلمين اجمعين من كل شر...

انا عيالي سمان ومربربين والطفل اذا كان مربرب يطلع شكله جنان وودك تاكلينه

انا ارضعهم حليب اس26 ,, مع سيريلاك ولما يخلصو الشهر الثلث ابدأ بالعصيرات الطازجه مثل التفاح والجزر بداية كميه قليله وبعدين ازيدها ,, والزبادي جدا ممتاز ,, واهرس ربع موزه مع عصير برتقال لان الموز لوحده ممكن يسوي امساك فالبرتقال يخليها وجبه معتدله

واسلقلهم خضار, ولازم تلاحظي اذا كان عندهم الله يكرمك اسهال اسلقلهم بطاطس او رز مصري
واذا امساك اكثر لهم من العصيرات واهمها البرتقال

حاليا عندي بنت عمرها خمس شهور ولو تحمليها راح تتعب ايدك من وزنها ماشاالله عليها دبدوبه ,,,

واي اسئله انا حاضره عزيزتي ,, وترى حليب اس26 يسمن مع الاهتمام بنوعية الاكل

واتوقع ان الوراثه تلعب دور,, لي صور وانا صغيره مررررره دبه ,