ميبحبا بالجميع تيحيبتن تستاهلونها وماتغلى عليكم
شوفن يابعد من قام
وقعد
وبوبزوالحاله الاخيره واللي مبوبز
هي الحاله اللي لاهوب جالس ولا هوب قايم
بين الاولى والاخيره<<<< من سألتس اخلصي
والله اني بي قل صح من عقب حال المنتدى والتغيرات اللي صارت له
وماضاق صدري الا على اني ماصورت معه صوره للذكرى
خخخخخخخخخخخ
عاد هذا مازوع مبطي كاتبته يوم تخبرون يلقع تسبدنا المنتدى مايفتح
ويقول على قولت مصبوبه بالمنتدى بربلم << مشكله لغير الناطقين بالعنقليزي
هههههههههه
عندي لكن سالفه تبون تعرفون من خلالها جانب من شخصية اخيتكم أم تأبط شراً بس آخر السالفه
<<<<<<<<<<< اقول اهاه بس ويش انتي يا أم تأبط هاتي الهرجه
الله يسلمكم البابا الله يحفظه له قاعده بس مهوب القاعده اللي في بالي وبالك
لا ،، نــــو ،،NO ،، نهي ،،
قاعده بالحياة يمشي عليها
(( قاعد ته اذا دعيتوا اجيبوا)) عاد الله يخليه لنا اذا عزمه احد لازم يجيب دعوته ويقول :
ويش منتي على الداعي يعني ليش امن بأجابة الدعوة
وماكان يتعذر من احد و لو كنا حنا معه معزومين
ولايقصر يعل يومي قبل يومه اذا عزمه احد على دجاجه عزم اوبيي على دجاجتين ونصف
ايه ترى حاتم الطائي ابن آخي لامي هههههههههههه <<< ويش دخل ابوتس بأمتس
عــــــــــــــــاد اقولكم
من ضمن من عزم الوالد ولزم انه يجيب الفملي معه اللي هم حنا وكششنا
واحد الله يذ كره بالخير مصري
مع الوالد بالد وام
ولزم على ابوي اننا نتعشى عندهم
ماي بابا قال لماي ماما عن العزيمه
وقال لها ان زميلي المصري ملزم ان زوجته تتعرف عليكم ويبي نتعشى عندهم
ولايبي يغيب احد منكم<<< مهوب ازين له خخخخخخخخخخ
قامت اميمتي تحلبط مثل عادة الحريم
وشوله؟ رح انت بالحالك!!
مانعرفهم !!! ماودنا نروح!!
وحلابيط الحريم اللي تخبرون ماتقضي
وانا وخواتي مشافيح كنا نشجع ابوي يشخص على اميمتي
ونغمزله
اننا مؤيدين نبي نروح ونختب ونشوف عزيمة المصاريا وشلون!!!انتصرنا على امي ورحنا به وهي مالها نفس مغلوبه على امرررره
كان بيت عمو محمد الله يذكره بالخير بالديره عند المحكمه الكبرى هالحين
ساكن في عماره قديمه بالحيل
انتم تخبرون العماره اللي عليها لوحة شاهي البطه الحمراء ما ادري الوزه البنفسجيه
بيتهم حوله بذيك الدواعيس
رحنا للجماعه عقب او انه قبل صلاة العشاء المراد
اننا هجمنا عليهم بدري
ومن يوم مادخلنا للعماره وريحة الثووووووم تعايط يالله من فضلك
دخلنا الشقه بس هي مهيب شقه ولا شقيقه
غريفتين ومطبخ والله يكرمك ربع حمام صغينون
يعني الواحد مايقدر
يتفرك بالمكانوقال ايش جب الجيش اللي عندك
يحسب ابوي من اللي ينظم النسل
مادراء ان ابيي داعس
وعنده ربنا يخلي
هذا قول مدام عمو حماده
خخخخخخخخ قصروا الجماعه كل ما جوا يصكون بابهم
يدخل احد جديد منا عاد اقولكم
استقبلتنا طنط سونيا وكانت كنها نجفه من شدة البياض الظاهر والله العالم انه تسبح
بكلوركسعاد هي انتي ياطنط سونيا ماقصرت استلمتنا بالبوس
كل وحده تشبك فيها بالبوس ربع ساعهعنده براطم هزازه مشبوكه على خط 220 فولت
وعقب هالبوس والتجغيف ماشفنا الحريمه لين ما جت تنقل
وتنقيل العشاءوالله المسكينه ماقصرت ماهنا شي ما حطته
محشي وحمام بالفريك وفريك بالحمام ههههههه ومسئعه وصينية فراخ
كل حمولة أم الكتاكيت مقضبتهم ماخلتهم
وملوخيه بالارانب انا ما ادري وشلون طبخت كل هالطبخات وهي ما عنده الا قــز ويش صغره
مهوب مثلنا فرن ينام
داخله اخوي اذا صار فيه نوم كل هذا علشانيتغبى عن الوالد اذا قال الصلاة هههههههههههههههه
المهم اننا اكلنا وشبعنا واستانسنا مع ان البيت ضيق
ومع ذلك ماغير نبترم فيها يعني نتحرك
ونصول ونجولرجعنا لبيتنا وتلا قونهم قالوا لاعاده الله من عزيمه خخخخخخخخخخخ
عزمناهم حنا عقب فتره وفجعتهم امي
بالمطازيز والجريش عاد هم توحشوا من هاالكلات
ولا اكلوا الا رز وسلطه وماء
هاك الوقت مافيه خزعبلات مثل هالحين ببسي وما ادراك
لا كله اكل صحي بـــر وسنع وفواكه وخضار يالله من فضلك
مالت على التالين يعزمون على هنقرقر
ودجاج كنكاكي على قولت واحد بهاالدنيا
خخخخخخخخخخ
مهوب عبودي ولد اختي
لا واحد يشبه له هههههههههههههه
الحين قضينا من عزيمة المصاريا
ماتروحوا كد ولا كد
فاصل صغير وراجعين ليكم
بس اوعوا تغيروا بالريموت كنترول
يتبع
جاء يوم من الايام الوالد للوالده وقال لها :
اننا معزومين عند رفيق لي بالدوام وعلشان يختصر الوقت
قال لها انه سعودي من اول الامر مل من حلبطتها اللي كل مره
وقال لنا :
ان العزيمه يوم الخميس واني انا اصريت على رفيقي من عقب بيت محمد المصري
وضيقه ان تكون الجمعه بالبر انفه واوسع
ونبهنا البابا لمسأله وركز عليها وقال:
إن رفيقي اسمر شوي يعني اثقلوا واستحوا لاتفشلونا اوكيه انتم معي بالسالفه
ايه صحصحوا مابدناش نووووم
جاء يوم الخميس ورحنا للبر وجلسنا نتظر زميل الوالد يجي
وكان ابيي يعطينا دروس بالاحترام والتقد ير والواجب
قلبه قارصه
مايدري ويش يبي يصير!!!!
ومن ضمن مواعظه لنا
ذ كرنا بطنط سونيا وكيف كان استقبالها لنا بالبوس والاحضان
وكرر علينا ان رفيقه بشرته سمراء
انا حطيت في بالي استقبال طنط سونيا لنا وآخذها لنا بالاحضان والتجغيف (البوس)
وربطت ان لازم اللي يشوف احد اول مره كذا يستقبله
وقلت في نفسي :
الحين طنطي سونيا وهي ابيض منا ما منعها انها تقوم بواجب الاستقبال و تبوس بنا
واقنعت روحي ونفسي بهالشي وتوكلت على الله
المهـــــــــــم
وصل زميل ابيي ونزلوا العايله الكريمه من السياره وكانوا عباره عن حرمتين
وحده شابه والثانيه نصف عمر
وبزران صغار
خواتي وامي صافحوا الحريم بالـــيد بس سلام السنه
لكن أنا معطيه حيلي بالبوس قمت اجرجر بالحريم وأبووووووس
كانت الحرمه اللي نصف عمر أنا اجر فيها وهي تحاول تكتفي بالقد ر اللي جاها
من البووووس
وعلى محياها علامة الوناسه والفرح والاستبشار كلهن مع بعض الاستبشار مع الفرح
الظاهر الضعيفه ما كد احد بوسها ماتنعطي فيس ولا احد عطها وجه خخخخخ
المهم كان لهل العايله ولدين توائم عمرهم حوالي سنتين الا شوي <<<< كني منفستن امهم
هههههه بس وس ملحهم السعر فلافل بس والله يأخذون العقل
أنا بعد ماخلصت من الحرمتين استلمت هالصغنونين وهاتي يابوووووس بهم
حتى أن اختي اللي اصغر مني تقول:
الله يرجك وشلون تشتهينهم؟؟
لانهم بصراحه سمران بالحيل بس الله اللي حط في قلبي حب وراح وقتي ماغير اجغف هذا وأبوس هذا
وراح الوقت ما حسيت مستسلمين لي
واحسن مافيهم اني اذا حبيت وعطيت الواحد منهم بوووسه موهوب مثل عيالنا يمسح مكان البوسه
كأن فيك جرب اللهم ياكافي
لا مايخالفون كل سعابيلي على خدودهم تبلص خخخخخخخخخخخخ
الظاهر الحين عرفتوا الجانب من شخصيتي اللي قلت لكم انكم تبون تعرفونه !!!!
انا طالعه على عمتي الله يذكرها بالخير كانت ومــــــــــــــــا زلت تحب البوووووس
لو تطلع من الغرفه ثواني وترجع تقعد تبووووس بالموجودين
اللي ماقلت لكم والحين ابي اقولكم بس ياويل وياسواد ليل اللي تبي تضحك على أم دحومي
انتم تخبرون الحرمتين اللي قلت لكم قبل شوي ؟
ايه هذيك الحرمه ؟
ايه نفسه اللي جت مع رفيق ابوي ، اللي كانت نصف عمر ؟
عليكم نور ولمبه واباجوره وثريا الله يفتح على بصيرتكم ، ايه اللي كانت متشققه يوم كنت اسلم عليها واتللها
ومعطيه حيلي بالبوس
هذا الله يسلمكم يوم تواسينا بالجلسه ، ما تدريت الا الحرمه الشابه تقول للحرمه اللي نصف عمر :
روحي جيبي الاغراض من السياره!!!
استغربت أنا وقلت في نفسي : ياسماء لاتطيحين علينا !!!
الحين البنت ما تستحي وتقول لامها هالكلام ، وراء هي الله يعظم اجره ماتقوم ، ولا برجله نقش الحناء
تصير ان الحرمه الصغيره والشابه تأمر اللي اكبر منها ؟
كل هذا وانا ادربي راسي ما ادري ويش الطبخه !!!
عادا انتم بفطانتكم استوعبتوا من تكون هالحرمه !!!!
هاه عرفتوها؟
من تكون؟
من صارت؟
ايه وبكل فخر وسرووووووووور الشغاله الهنديه ؟؟
خخخخخخخخخخخخخخخخ هههههههههههههههههههه كع كع كع كع كع
ويش اللي ما بقى من انواع الضحك انتم كملوا بس بدون صوووووت وشماته
بسركم وببطونكم
زاد انا من دلاختي من الاول وشلون ما ميزت الملامح ما ادري؟؟
كل اللي في بالي طنط سونيا الله لا يعقل عد وه
ماتوا خواتي وامي وزوجة زميل ابوي
وانا ماغير دالقتن اثمي من اللي صار
بس مايخالف تعيشون وتأخذون مثلي
نسيت اقولكم ان الجماعه ما قصروا غدونا مفطح يستاهل أثامكم
وكانوا ناس طبيين الله يكثر خيرهم ويخلف عليهم والحق يقال :
ويش فيها(( اكرمك عند الله اتقالكم))
يوم جينا نمشي جلست الهنديه عندي تحوقص تبي الظاهر جغفة الودااااااااااااااع
بس معصي حامض على بوزه خخخخخخخخخخخخخخ
قبل ما اختم الموضوع
أنا استغرب من بعض الناس لايمكن انه يبوس احد اسمر
طيب ويش فيها ؟
هو موهوب انسان زينا
من اللي خلق هالاسمر وعطاه هاللون مهوب الله
وربنا ورب الاسمر واحد
والله كان لي زميله من ايام المتوسط
وكانت اول ايام الدراسه توقف مع باقي البنات علشان نسلم على بعض
يجون البنات ويسلمون على بعض وبالاحضان والبووووس
وهي اذا جاء دورها ماغير يصافحونها مصافح
ليش كذا؟
والله اني كنت اعانقها وابوسها زيها زي البنات
وش فرقها عنهم ؟
هي ما لها مشاعر واحساس
يعني مو نعاملها بالمواقف الثانيه واللي نبيها تكون زيها زي البنات
زي معك سلف ريالين ولا عطيني الدفتر انقل منه
ولا اكلم عليها ابي الواجب
والسلام والعناق والموده والتآلف نفرقها عنهم
ولا انتم مو معي بالنقطه ذي
عاد بكيفكم انا اقول قولي وكلن بعقله راضي
(( أعلان))
هنا بالموضوع تقبل وتعرض كل انواع البوس الجغفات الغريبه من نوعها ولا الشماته
ماتقبل هههههههههههه لان يجيكم يوم مثل يومي ما تدرون ياعالم!!!!
وتقبلوا تحيات محبتكم
أم لبراطمـــــــــــــــــــممم الهزازه