صدقتى اختى على كل كلمه قلتيها .............انا لي سنه وخمس شهور متزوجه وربي مارزقني بس انا عادي مو متاثره لن عندي احساس كبيرلدددددددددرجه كبيره اني راح ربي يرزقني واحمل...واحس الموضوع عادي بلعكس اذا احد سالني عندك اطفال اقول لا ويسالوني كم سنه متزوجه واقولهم وانا بكل ثقه لني حاسه ان ربي راح يرزقني بس الي الاحظه بعد اسالتهم يقولو لي الله يرزقكي وانتي لسه صغيره وتهني انتي عروس ويقلوها بكل حزن كانهم يجبرون بخاطري ويحسسوني اني بمصيبه او فاقده شى كبير ....لدرجه كانت لي صديقه اعزها وهي تعزني ايام ماكنت مخطوبه هي متزوجه وعندها بنات ونقطعت فتره طويله عنها وقابلتها وسالتها عن البنات واني مشتاقه لهم وقلت لا وبشركي جاني ولده ومره فرحت لها قلت وينه قالت نايم وخذتني لغرفته ويوم دخلنا غطت ولدها وقالت قبل ادعي بهاذا الدعاء.....وبعدين رفعت البطانيه عنه ....حسيت انها خايفه احسدولدها وعلى طول قلت بسم الله عليه وطلعت من الغرفه .............هاذا وهي العزيزه على

ولا الي اذا شافتكي رفعت صوتها وقالت بجمعت الحريم لين الحين ماحملتي ...واذا رديت قالت الله يرزقك يعني ماله داعي تكونين باخر المجلس وترفعين باعلى صوتك وتساليني والمجلس كله حريم منهمالي نعرف ومنهم الي مانعرفه بس اش اقول احنا اللاسف في مجتمع هاذا تفكيره .............ولا سلفتي الي اقوم واجلس معها يوم حملت كلن درى الا انا ومااقالت لي حتى حمواتي كانن عارفات ولا قالولي لجل افرح معهن والمشكله كلن يسالني عنها وانا على نيتي اقول مستحيل تكون حامل وماقلتلي لننا طول الوقت مع بعض
اااااااااااااااااااااخ بس حسبي الله ونعم الوكيل .

من جد موضوع متعب

أختي انا صفيني معاك لاكن مو ضمن المتاخرات بالحمل ( عروسات لوقت طويل )

دايم اقول دام ماجبت عيال انا عروسه وبيني وبينك اواسي نفسي

واقولها حق الي تزوجو وعقبي وجابو عيال وبدوا يطبون بالحكي السخيف والنغزات

اقولهم انا عروس لحد الين اتدلع مع زوجي وطلع ودخل على كيفي ومريحه دماغي لين ربي يكتب لي رزق

وبصراحه مجتمعنا مزعج جدا يعني تجلسين بمجلس عام تجي وحده ما تشوفينها الى بالمناسبات مسويه

مراا الحبيبه مهتمه الامرك وروحي لدكتور لفلاني وعليك بالممرخه الفلانيه وبعدين فجئه تطب الى انتي وشقالك الدكتور
وشعلتك ليه ماحملتي ( بقلبي اقول عله بقلبك ) بالله هذي مهتمه الامري ولا بس لقافه تبي تعرف السالفه

من جد انجرح والدمعه تحير بعيني وماعرف وشارد ساعتها

ولا الي توها تولد تقولي يحضك ماعندك مسئوليات ولا الاطفال شقى وماوراهم الى التعب
واذا ضحك الطفل قدامي تقول غريبه عاد هو نكدي وبس يصيح لا تحطين عينك عليه الحين ليتك تشوفينه باليل

لاحول ولا قوة الى بالله يقالك خايفه من عيني

صرت ولله اقول انا ماعرف اشيل الصغار ولا احبهم عشان ما يحرجوني ولا تنحرج الام وهي ماودها تطلع ولدها قدامه
يقالك اول وحده تجيب عيال وانا ماعرفي شفت بزر غير ولدها

من جد موضوع يحرق القلب

هم لو فكرو انا كل الامور بيد رب العالمين الي حرمنا يقدر يعطينا والي عطاهم يقدر يحرمهم
لاكن توزيع الرزق بيده وكل شي فيه حكمه والحمدلله على كل حال

ياليت الناس تتوعى اكثر وتحاسب مشاعر البشر

طيب هم مافكرو اني احس بالرحمان وانا زينه الحياة الدنيا هم الاطفال
ماعتقد انا في حرمه بالعالم ماتحلم بالامومه هذي فطره وربي سلبنا اياها وهو ارحم فينا عنده حكمه
ليه يشلونا شقا وهم زود ماحنا متاثرين

معليش اختي استرسلت بالموضوع

الله يرزقني ويرزقك ويرزق كل محرومه عاجل غير اجل

الله يرزقنا من فضله يارب
المواقف اللي تجرح لا بد تصير بكل مكان وزمان
يطنش الواحد ويحتسب الاجر عند الله
و يارب ترزقنا جميعاً بالذريه الصالحه
ادعو بهاليله ربي يرزقنا ولاتنسوا بكره الدعاء عند الافطار

يارب ترزقنا الذريه الصالحه تعبنا من تجريح الناس00

والله انك صادقه بكل كلمه قلتيها الله يرزقني ويرزقك وكل محرومه بالطفل يارب شوفي انا كنت زيك والحين صرت

اطنش عشر سنين وانا اسمع الله رزقك واعقبالك والله ارد الدعوه امين يارب لاكن موتك من الي تحاول التجريح

زي ماقلتي مثل هاالموقف الي صار لي مره كنت زياره صديقتي وصديقاتي يعرفون اني اتحسس فنادر مايجيبون

الطاري عشان مايجرحوني بس هاذي من جارات صديقتي واول مره اشوفها اسألتني عندك اطفال قلت لا قالت توك

متزوجه قلت لا من عشر سنين بس ربي مارزقني للحين قالت ياشيخه والله الحمل والولاده غثا واالله عيالي متعبيني

عشانهم تحت بعض وانتي الصراحه الي مرتاحه .......................زاستغفرالله وماقلت شي بس ابتسم وغيرت

صديقتي الموضوع وسكتت وبعدها رجعت لنفس السالفه وانك ليش ماراجعتي وبعد ماسقطتي ليش وليش وانا اسولف

وودي بسرعه يمر الوقت وافتك من التحقيق معي وكني مجرمه وكني جالسه وحاطه يدي على خدي مدري هالناس

وش جاهم ووحده عندها ثلاثه بعد ماولدت بنتها الأخيره تعالي شوفي قدام البنات كل شوي تلتفت على بنتها وبعدين

تناظرني زي ترا عندي اطفال وانتي لا استغفر الله اصلا ولاهمني الحمد الله ربي الي رزقهم يقدر يرزقنا الحمد

الله انا مؤمنه بقضاء الله وقدره وما جزعت مجرد تأخر لأسباب طبيه تتعالج والحمد الله انه تاخر حمل مو مرض

مزمن يصعب او ماله علاج