الله يرزقك ويرزق جميع المحرومات اللهم امين

والله اختى انا عندي اطفال وممكن تكون كل الغلطات اسويها الا اني اعاير وحده ما خلفت هذا امر الله

انا امي ما جابت غيري تخيلو اخواتها لمل كانو يحملو يدسو عنها خايفين منها

كلامك في محله مفروض الوحده ماتتكلم بشي عندها ومو عند غيرها وتحسس الاخرين بالنقص
بس للاسف الايام هذه صار كثير الي كذا وبعضهم متعمدات يجرحو الي حولهم ولايحسو في احد
والله مانسى موقف وحده اعرفها كانت متاخره بالحمل وفي وحده كبيره بالعمر يعني مو من سنها وجرحتها بكلمه عن الحمل
وكانت بعزيمه وتقول البنت دعيت عليها من قلبي لانها جرحتني وبعد فتره قصيره تعبت الحرمه بفشل كلوي
والبنت تقول حزنت عليها لاني احسه بسبب دعائي وانا اشوف ان الله استجاب دعائها لانها مظلومه
وسبحان الله دائما المتاخرات بالحمل تكون قلوبهم طيبه جدا وعندهم احساس بالاخرين

اتمنى تتقبلين رايي بصدر رحب وقبل اقوله احب اقولك انا تاخرت زيك
من كثر تفكيرك بالحمل وحياتك عباره عن حمل في حمل تتضايقين
اقولك انا ماعمري تضايقت بالعكس اضحك واقول انا اخذ مانع بتهنى ومابي جسمي يخرب
ولا اتذكر اني رحت ابكي واسوي مناحه
موقف السجاده اللي قلتيه عادي جدا واتوقع المره ماتقصد

وبصراحه اكثر انا اعتزلت الجلسات والجمعات من سنين لو تكلمنا بالرشاقه زعلت السمينه ولو تكلمنا بازواجنا زعلت المطلقه واللي ماتزوجت ولو تكلمنا بعيالنا زعلت المتأخره ولو تكلمنا بالمشتروات والسفر زعلت اللي ماعندها ولو تكلمنا بالدوام زعلت اللي ماتوظفت ولو تكلمنا بالشهاده زعلت اللي مادرست :o
وش نسوي قولولنا نتكلم بايش مايجرحكم وعلى فكره محد ناظركم ولا ركز عليكم هذا من حساسيتكم بس
الا في حالة وجود اعداء يتصيدون لك وبس

الناس ومو كل الناس لا اللي ماعندها احساس وترمي شروي غروي ولا همها لاحد ينصاب برصاص لسانهااااااا مايعجبها العجب لو ماخلفتي الله يعينك ولو خلفتي اللي تقول بدري كان انبسطتي واللي تقول ارنبه والله هذا انا واختي انا ماخلفت فترره كل الناس اكلتني واختي جابت عيالها ورى بعض ماششاء الله وبرضوا يقطعوها في نفس الجلسه اللي قطعوني فيها عشاني ماااااااخلفت