اللي يحبون المخللات يدخلون ويدعون لي..

مرحبا..
بنزلكم طريقه مخللل تجننن وانظف من المحلات والازين انها سريعه

اخذتها من ام ريما511 الله يجزاها خير.. وانا اضفت من عندي
هاذي المقادير والطريقه:

مخلل الجزر السريع
نحتاج الى:
٥حبات جزر مقطعه مكعبات
علبة شطة كريستال وسط
فنجال خل
٦فصوص ثوم
ملعقه كبيره حبه سوداء
الطريقة :
نسلق الجزر في ماء مغلي دقيقتين نصفيه ونتركه يبرد شوي
نضعه في وعاء واسع ونضيف له الشطه والخل والثوم المفروم والحبه السوداء ونقلب ونضعه في علبه وندخلها الثلاجه يؤكل ثاني يوم وكلما طول كلما كان الذ مدة حفظه بحدود الشهر تقريباً..

انا سويتها نفسها المره الاولى والمره الثانيه اضفت زهره مسلوقه والثالثه اضفت شمندر مسلوق سلقته وقطعته مكعبات وسويته ومويته اللي سلقته فيها طبعا مويه صحه. عبيتها في اكياس مكعبات الثلج واستخدمها مع البرتقال لفقر الدم ..
وبس واللي عندها اي استفسار انا حاضره..
واستنوني في شغله ثانيه❤️❤️