اللي يخاف من العفريت يطلع له؟؟

مساء الخير على احلى عضوات بالمنتدى
اليوم وانا اتصفح المنتدى قريت موضوع للاخت جمانه الروح
بعنوان آآآآآآآآه فاااااااااار
وبعدماقريت ردود الاخوات بدات بتذكر سالفه قد مضى عليها
مايقارب السنتان
>>>>>>>اقول فكينا وتكلمي وش عندك :huh:
هذا ياحبيباتي انا اكره الصراصيرموووووووووت يعني
اني اشوف صرصار بالبيت
ممكن يصير لي انهيار عصبي
هذا غير اني اقوم اتحكحك والوجه يصير شوارع ملتويه
والملامح تتغير وكاني ابتحول لكائن فضائي غريب :eek:
والشئ هذا معاي منذ ومبطي..
ودايما الوالد طول الله بعمره يقول لي:
يابنتي اللي يخاف من العفريت يطلع له.. :30:
واقول له ياابتي هذا غصبن عني يعني شئين مو باليد.. :unhappy:
ماعلينا وتجري الايام ويزداد الرعب الداخلي الى ان تزوجت
وربي رزقني بزوج قمه بالنذاله عرف نقطة الضعف
حتى اني صرت افضل اني مااعطيه خبر ان البيت فيه صرصار :(
ولو تشوفوني اذا لقيت صرصار بالبيت علبة بف باف كامله عليه
يعني انواع الخساير...
وياويلي وسواد ليلي لو كان سي السيد بالبيت وشاف صرصار يطرد وراه مو عشان يبي يذبحه :dry:
لا لا لا لا
ولكنه غرض في نفس يعقوب عشان هذاك اليوم الجيران كلهم
والعماير اللي جنبنا يسمعون صراخي وانا وياه مطارده بالبيت :icon33:
والين تعب رماه بالزباله الله يكرمكم
وجلس مرتز يقهقه قهقهات عاليه :icon20:
وانا الدموع اربع اربع
وانواع التهزئ لكن مافيه فايده يقول تسكتين :D والا اروح اجيبه
شفتوا المذله... :ohwe:
نجي للسالفه الاساسيه ومحور الحديث
>>>>>>>>>كل هذا وماقلتي السالفه :16:
في يوم من الايام كانت اختكم مهرة الليل قد قررت
انها تسوي لنفسها حمام مغربي ودلع عمرها
المهم بعد ماخلصت الحمام المغربي
وجاءت مرحلة الشطف الاخيره
>>>>>>>>حشا غساله مو ادميه
قمت امشي بدلع الى البانيو واحط رجلي الاولى
بعدين الثانيه
وافتح المويه
الين صارت دافيه واقدر ادخل تحتها
وبكل دلع دخلت تحت الدش وياليتني مادخلت :eek:
وآآآآآآآآآآآآآآآآآه عاللي بيحصلي واللي بيجرالي
دي حاقه ماكنتش لا عالبال ولا عالخاطر
والمويه تنزل على جسمي ماحسيت
الا وذاك الصرصار الحجم العائلي على ظهري
وقدام عيوني في المرايه :icon810:
لا لا لا لا
الا هذا
كل شئ مقبول :humm:
الا هذا
صرصار على ظهري :ohmy:
عيني عينك
وماحسيت فيه الا وهو على ارض البانيو
وانا انواع المطامر والمناقز بالحمام
وصلت لباب الحمام في نص ثانيه
ولاول مره بحياتي احس اني مو دبه الا وزن الريشه وانواع الصياح
يممممممممممه
باسم الله
باسم الله علي
قمت ادور بغرفتي واتحكحك من كثر القرف اللي انا فيه وفي غمضة عين كنت بالحمام الثاني وافتح الدش
>>>>>>>>>تاكدت ان مافيه صرصار ثاني :)
وادخل تحت المويه والاقي قدامي علبة ديتول
وامسكها واصبها على ظهري من كثر ماتقرفت من نفسي :30:
>>>>>>>>>>اشوى مالقيت اريال والا كلوركس
واخلص واخذ المنشفه واروح لغرفتي والبس ملابسي بعدين تذكرت ان المويه بحمام غرفتي مازالت مفتوحه واروح وانا يدي على قلبي متخيله انه من النوع الطيار عاد وش اسوي بعمري وقتها وامشي على اطراف اصابعي واطل براسي والاقيه قدامي بالبانيو
وووووووووووووووووووووع :eek:
من جد من خاف من العفريت طلع له :(
قصدي من خاف من الصرصار ركب فوق ظهره
>>>>>>>>>>من الروعه صارت تقول حكم
بعدها قفلت المويه وطلعت من الحمام
حتى ذاك اليوم مانمت بغرفتي
نمت بغرف الكمبيوتر والله لايوريكم يابنات كل شوي وانا اصحى مرعوبه
والى الحين هالسالفه
كلما ذكرتها احس بقشعريره بجسمي
والحين بعد السالفه الطويله العريضه هذي اتمنى انكم ماتخافون من الصراصير عشان مايصير فيكم مثل ماصار فيني
وياليت تعذروني ترى الاسلوب مشي حالك لكن حبيت انكم تشاركوني
ذكرياتي المرعبه :)