اللي يسجلون اسمهم بشركه عبر النت وتجيهم رواتب بدون ولا شغله

السلام عليكم
- ماشاء الله لا قوة الا بالله -
بنات هو غلط والا عادي ؟
اللي مثلاً وحدة طالبه
ويستفيدون الشركه من اسمها كسعودة للشركه
وهي ما تسوي شي بس تعطيهم اسمها
ومدري يعطوها بالمقابل مبلغ او ما يعطوها شئ مدري والله -

بنات انا ما فهمت شي بس وحدة بالقروب سالتنا وانا ابي اعرف منكم
ارسلت هالحوار بينها وبين واحد
وهذا هو مختصر اللي قال لها الشخص اللي كان يطلب اسمها /
تقول قال لها انتي بحافز ؟
وقالت لا طالبه, تقول ضحك بعدين قال لها :
ممكن صورة بطاقتك فقط عشان سعودة لمؤسستي
لازم سعودي مع أنا مؤسسة جديدة ما اسطيع اعطي احد رابت بعد ؟
قالت له : مافهمت ولا شي
قال لها : ههههههه
أنت تعرفي نظام السعودة صح ؟
قالت : عن اي مؤسسه تتكلم ؟ >> ( تقول انها هنا شكّت )
قال : تبعي أنا اسمها مؤسسة ..... الخ .
قالت : وين مقرها ؟
قال : الرياض
قالت : الرياض مدينه واسعه >> ( تقول ابي اشوف يكذب بخصوص المؤسسه او لا )
قال : لكن جديدة
لازم موظف سعودي في تأمينات أولا ثم استطيع كفالة غير سعودي
في حي ....... يا غالية
قالت : اها تستفيد من اسمي بما اني غير حافزيه >>
( تقول انها هنا عصبت وتذكرت ان هالطريقه يقولون مش كويسه,
وتقول حرقة قلبها كلمة غاليه خيييير ! )
قال : نعم بما أنك غير موظفة ولا مسجل في حافز
طبعا حق رسوم التأمينات 350 ريال شهريا أنا ادفعه
قالت : وانت تستفيد طبعاً !
>> ( تقول هنا تبي تكشفه هو ايش حكايته بالضبط ! )
قال : وانت تسفيدين بعدين في تقاعد فيما بعد
استفيد في سعودة المؤسسة
واسف على الطلب أول مرة صار بيننا التعارف
قالت : انما انا لست موزعه اسمي لكل محتاج !
قال : ههههههههههههههههههه
بارك الله فيك وآسف على الطلب
أنا الحمدلله لست محتاجا لكن لو هذبتِ ردك أفضل من هذا لكن أفضل
أنا طلبت منك بأدب منتظر منك نعم أو لا
هل طلبي في نوع من الاجرام ؟
>> ( تقول يحرقها لما يضحك يحسسها انها بزر ! )
قالت : ليس من حق احد الاستفادة من اسماء الغير -
قال : الكثير يفعل هذا أحيانا بالمقابل
واحيانا بدون مقابل
جميع الشركات والمؤسسات تعمل هذا
والان عندي الكثير اللي عارض علي 1000 و500 وغيرها >>
( تقول غثني مرة واثق من نفسه وكل شوي يمدح نفسه ! )
قالت : لنفرض اني ما كنت اعرف هذي الامور ! >> ( تقصد انهم يستغلون الضعَيفين )
ثم الكثير يفعلونها وليس الجميع !
قال : أنا اخبرتك لا يتسطيع أحد أن يفعله بدون ما يعرف صاحب الباطاقة
قالت : هل قانونياً وشرعاً يجوز ؟
قال : بل أقل لك الجميع
جميع الشركات
مسعودة والناس في منازلهم يدفعون لهم الرواتب
ومافي أحد سعودي له ابناء أو عائلة الى جاعلهم في المؤسسات وشركات
واذا كان له مؤسسة يفعل ذلك
وأنا اسف في طرح الموضوع عليك
قالت : اللي في منازلهم ظامنين مالهم مستقبل >>
( تقول قلت كذا لاني سمعت فيها قضايا )
قال : لأنك كما قلت لعلك لا تعرفي
ههههههههههههههه
أنت اختي علك ما تعرفي كلامي
اسئلة وتعرفي اكثثر
قالت : اوكي لنفرض اعطيتك صورة البطاقه ماهو نصيبي من ذلك ! >>
( تقول يوم حسيت اني ماشالله ضعت وتهت وما فهمت شئ قلت له كذا بس )
قال : نصيبك أختي أنادفع عنك 350 ريال
تبع التأمينات مثلا من عام1433 مكتوب لك فيها أنت موظفة
قالت : وانا ما استفيد شئ ! >> ( تقول والله ماعاد افرق الصح من الغلط )
قال : مثلا اذا توظفت في الحكومة مثلا
من قبل أنت محسوب لك المدة اللي سجلت في التأمينات ويحسب في تقاعد مستقبلا
واذا اردت الاستفادة منه اكثر اسجل اسمك ماشالله في الموارد البشرية
ومادفعه لي تحصل عليه كما هو ,
وتقول سكتوت وقت طويييل بعدين قال : انا في ناس اذا دورت عليهم ...
وما كمّل , تقول اللي فهمته انه يبغى يوصل لها انو مستغني عنها وفيه كثير غيرها .



تقول ما كمل - بس هي عندها معلومه مختصرة
ان هالطريقه غلط - تقول انها يوم عصبت شرح لها الشخص بهالطريقه اللي شفتوها ^
وانها سألته هي وش تستفيد وما فهمت من ردة شي ! هو يكذب والا يقول صدق ؟

بنات صدق كلامه ان كل الشركات والمؤسسات كذا نظامهم والا كيف ؟
ايش اسم هذي الحركه وهل هي محرمه شرعاً وهل تجي من وراها مصايب ؟
تقول ماشالله قبل ما يطلب صورة بطاقتها مدح نفسه واعطاها
ارقامه وايميله ورابط صفحته :icon19: وش الحكايه بالضبط :55: ؟
وتقول انه من البدايه قال لها انتِ متزوجه او لا ؟ تقول اثاريه قليل الادب
بيشوف لو كانت متزوجه ما كان بيطلب منها بطاقتها ,
وتقول سألها اهلك مشددين والا كيف ؟ كل اسئلته كانت البريئه تجاوبه
اثاريه بيعرف اذا يقدر ياخذ اسمها ويستفيد ماشالله بدون مشاكل او وراها زوج ووو .. !