أم دحومي الحلو :

مع صديقاتي (سابقاً) كنا تقريباً 6 بنات (راحوا الحين كلهم الله يذكرهم بالخير) كانت جمعاتنا أسبوعية يوم الجمعة من 7 أو 8 إلى الساعة 2 تقريباً وأزواجنا طلعتهم يوم الجمعة عشان كذا اجتماعنا الجمعة والسبت نخليه طلعات عائلية ما كنا نجتمع فيه و كل مرة عند وحدة بالدور إلا ان صار فيه ظروف راعية البيت تسوي طبق رئيسي مع سلطة فقططط يا رز يا مكرونة (طبعاً مع لحم أو دجاج) مع عصائر وما نسوي حلى عشا إلا ان كان راعية البيت نفسها ودها تسوي أو جابت شيء جاهز بس مرة مو ضروري يكفي الشاهي أما القهوة نقدم معها التمر والقشطة فقط ومو لازم حلى وان بغت تجيب صاحبة البيت جاهز أو شوكولاتات عادية اللي يريحها وأحياناً صاحبة البيت ما تكون بادية بالطبخ قبل ما نجي يا طالعة أو بدري عالعشا فنطبخ مع بعض ونقطع مع بعض ونغسل المواعين يعني اللي عندها البنات تاخذ راحتها يوم الجمعة تطلع من البيت وتتمشى مو تنحجر عشان عندها اجتماع هذا بالنسبة لصاحبة البيت أما البنات اللي يجونها ما يجيبون شيء أبددد إلا ان كانت فيه وحدة مشتهية تجيب معها حلى قهوة أو أي شيء بس غالباً ما نسوي شيء اجتماعنا أحياناً يبدأ بوجبة العشا على طول أول ما نكتمل وبعد ما نتعشى ونعشي العيال نجيب القهوة والحلى ونروووووق عليها عشان ما تشبعنا وتشبع عيالنا عن العشا الصحون والملاعق والكاسات كلها بلاستيك حتى لو كنا قليلين يعني بساااااطة وبس نقعد سواليف ووناسة لييييين نتفرق وقد سوينا جلسات تحفيظ قرآن نسمع لبعض أول ما نجتمع قبل ما نلهى في القهوة والسواليف :) وقبل ما نطلع نرتب البيت مع بعض ونكنسه ما يبقى لراعية البيت إلا النوم ههههه مرررة وناسة كانت أيام حلووووة الله يذكرهم بالخير :26: الحين ما أجتمع مع أحد بعد ما راحوا صديقاتي المقربات والوضع تمام ولله الحمد :42: أحس عندي أشغالي وجدولي الخاص :)

مع صديقاتي (سابقاً) كنا تقريباً 6 بنات (راحوا الحين كلهم الله يذكرهم بالخير) كانت جمعاتنا أسبوعية...

أم دحومي الحلو :

أم هنو صدقتِ من ناحية الشلل مع اني ما أعتبرها أنانية لأني مريت بهالموقف تجي لي جارة جديدة وتنرحم والله تصير جنبي بس مو جنب صديقاتي (بيوتنا مو جنب بعض) بس ما أقدر أفرضها على شلتي ولا أقدر أمشيها معنا في الدايرة فتصير العلاقة بيني وبينها فقط وأكيد انها ما تستمر بشكل منتظم لأن لي جدولي وطلعاتي بس أحاول قد ما أقدر مع انه متعب وما تقدرين ترضين العالم على حساب حياتك وأشغالك وزوجك وتتشتتين وترضين جميع الأطراف مرررة صعب واللي يشره ولا يعذر صراحة متعبة صداقته .. :35: فيه نقطة مهمة المفروض البنات الجدد يفهمونها وأكيد أنا مريت فيها لا تحاول البنت الجديدة تدخل في شلة واضح انهم متماسكين وقروب خاص إلا إذا شافت منهم قبول ونفس حلوة لو تشوفهم لاهين عنها لا تلومهم ترا صدق الواحد تغيب عنه هالأمور وأنا لاحظتها في بنات لما كنت جديدة .. وما كنت أحسه شيء يزعل لأنهم في الواقع مو مكفولين فيني اللي تبي الناس تحاول تجذبهم لا تحتريهم يعزمونها هي تعزم وتبادر وعلى قولتك الأفضل للجديدة لو ما قدرت تتواصل مع شلل معينة انها تتعرف على جدد مثلها لأن ظروفهم وحدة والله يسخر للجميع الصحبة الصالحة

أم هنو صدقتِ من ناحية الشلل مع اني ما أعتبرها أنانية لأني مريت بهالموقف تجي لي جارة جديدة...

*لموو* :

نفسي ومنى عيني يكون عندي صديقة مقربة مني أو جارة حبوبة لكن للأسف .. حاولت أسوي دوريه مع بعض الأخوات لكن ما يردون علي ..ويتهربون من الموضوع مع إني أعيد وأكرر عليهم إنا ما نبغى أكل وشرب نبغى نتجتمع ونسولف وبس .يعني قهوة وتمر وصينية حلا كفاية وممكن الحلا جاهز وكل وحدة بيجيها دورها بعد شهر ويمكن أكثر.بحسب عددهم..بس ما فيه تجاوب..بالإضافة إلى إني جديدة على بريطانيا ولا أعرف أدخل ولا أخرج .ولا عندي لغة.وهذا الشي يخليني جالسة في بيتي طول الوقت .إضافة لذلك إني أخاف أطلع لوحدي لأني مازلت متعودة على أسلوب الحياة في السعودية.وكنت مرات أقولهم إذا بتطلعون مكان خذوني معاكم لكن للأسف ما فيه تعاون من البعض أحس إن كل وحدة تقول ياالله نفسي ...لكن الله يفرجها ..يمكن ننقل لمدينة ثانيه وعسى يكون فيها خير..ويرزقني الله بجيران.. معليش حكيت لكم قصة حياتي من القهر إللي فيني..وأنا شاكرة لصاحبة الموضوع ..صراحة موضوعك حلو يجيب السواليف.

نفسي ومنى عيني يكون عندي صديقة مقربة مني أو جارة حبوبة لكن للأسف .. حاولت أسوي دوريه مع بعض...