ام راجح بنت عتيبه :

قلوب عندنا وعندك خير ناس منافقه ناااااااااااس لها مصالح ناس تبيك تجينها بس ماتجيك اوقات الواحد يكره نفسه من الاشكال هذي بس صعبه يجلس لحالهم هذاا غير الي ماعندها اطفال ولاتبي جلست الامهات المشكله كل وحده معاها واحد مو كثاار بس الله يعين

قلوب عندنا وعندك خير ناس منافقه ناااااااااااس لها مصالح ناس تبيك تجينها بس ماتجيك اوقات...

um hana2 :

ذكرتيني بالذي مضى اول ماجيت بريطانيا كنا في ادنبره .. وتقريبا كنا نجتمع كل جمعة تقريبا 10 بنات في البيوت وكل وحده تجيب طبق يامالح ياحالي وفتره كان النادي يجمعنا اسبوعيا وكان فيه ترابط بين السعوديين هناك بشكل ماشاءالله عليهم اي وحده كانت تولد نسوي قطه ونشتري لها هديه محترمه وأي وحده مسافره نهائي نفس الشي نقط ونسوي لها حفله ونهديها شي حلو هي تتمناه من زمان مثلا وللاسف نقلنا واغلبهم رجعوا السعوددية والحين ماشاءالله كثروا السعودين هناك صار كل واحد وجاره ويالله يالله واول ماجيت مانشستر التحقت بمجموعة روعه ماشاءالله تبارك الله واسبوعيا برضو بس كل مره كان العشا على وحده والاجتماع في صاله وبعدها صار في البيوت بعد فتره رجعت السعودية و ولدت وانشغلت وللاسف ماصرت اجتمع معهم ولين الحين الي بقى منهم يجتمعون حاليا ماعندي دورية حسب الفضوة انا وجاراتي كل اسبوع او اسبوعين نجتمع والي عندها الجمعه تسوي قهوه وشاهي واي شي معاه او مو لازم شي عادي .. من 8 الى 12 او 1 .. هو صراحة زحمه اذا صارت شقه لكن الحمدلله الضيق في النفوس مو في البيوت على فكرة يابنات انا لاحظت شي دائما يصير خاصه للبنات الجدد وانا نفسي جربته فتره ... اذا صار فيه مجموعه معينه او معارف بعضهم يكتفون ببعض وماعاد برغبون باحد غريب صح من حقهم بس احيانا تعتبر انانيه مجموعه تجتمع وجارتهم قريب منهم مالها احد وكثير ودها تبدأ دورية وهي توها جديده ولا تلقى تفاعل اما لان البنات مو مقتنعين بفكرة الدوريه نفسها او فيه اشخاص معينين ماتفضلهم وهذا من حقهم اتوقع لكن عموما احسن افضل واحلى حل تلقين لك مجموعة يكون زوجك متعرف على ازواجهم لان سبحان الله الرجال احيانا لهم طرف في الموضوع .. وممكن تتتعرفين على الجدد مثلك وتكونين مجموعه مع الوقت لان بصراحة الناس في الغربه احيانااااااااااااا تتخوف انها تتعرف على اي احد واي ما كان .. صداقه الغربه غيرررررررررر مره وبعدين اذا انتي مو مقتنعه من اول ممكن تصير مشاكل بعدين فالواحد يكون حذر في معارفه والله يرزقنا ويرزقكم بالصحبه الصالحة

ذكرتيني بالذي مضى اول ماجيت بريطانيا كنا في ادنبره .. وتقريبا كنا نجتمع كل جمعة تقريبا 10 بنات في...

أم دحومي الحلو :

أم هنو صدقتِ من ناحية الشلل مع اني ما أعتبرها أنانية لأني مريت بهالموقف تجي لي جارة جديدة وتنرحم والله تصير جنبي بس مو جنب صديقاتي (بيوتنا مو جنب بعض) بس ما أقدر أفرضها على شلتي ولا أقدر أمشيها معنا في الدايرة فتصير العلاقة بيني وبينها فقط وأكيد انها ما تستمر بشكل منتظم لأن لي جدولي وطلعاتي بس أحاول قد ما أقدر مع انه متعب وما تقدرين ترضين العالم على حساب حياتك وأشغالك وزوجك وتتشتتين وترضين جميع الأطراف مرررة صعب واللي يشره ولا يعذر صراحة متعبة صداقته .. :35: فيه نقطة مهمة المفروض البنات الجدد يفهمونها وأكيد أنا مريت فيها لا تحاول البنت الجديدة تدخل في شلة واضح انهم متماسكين وقروب خاص إلا إذا شافت منهم قبول ونفس حلوة لو تشوفهم لاهين عنها لا تلومهم ترا صدق الواحد تغيب عنه هالأمور وأنا لاحظتها في بنات لما كنت جديدة .. وما كنت أحسه شيء يزعل لأنهم في الواقع مو مكفولين فيني اللي تبي الناس تحاول تجذبهم لا تحتريهم يعزمونها هي تعزم وتبادر وعلى قولتك الأفضل للجديدة لو ما قدرت تتواصل مع شلل معينة انها تتعرف على جدد مثلها لأن ظروفهم وحدة والله يسخر للجميع الصحبة الصالحة

أم هنو صدقتِ من ناحية الشلل مع اني ما أعتبرها أنانية لأني مريت بهالموقف تجي لي جارة جديدة...

غريبه من بعد عينك :

الله يالييت القى جارات وصديقات نسوي مع بعض جلسات بس للاسف ماتعرفت على بيصير لي سنه وما تعرفت على احد وانا اموت بذي الحركات والسوالف الحمدلله على كل حال

الله يالييت القى جارات وصديقات نسوي مع بعض جلسات بس للاسف ماتعرفت على بيصير لي سنه وما تعرفت على...