اللي يقول انا قصمنجي مثلي يجي 0000 فقط للقصمان يسمح الرد
--------------------------------------------------------------------------------
السلام عليكم ......
بما اني اول مره اشارك بالمنتدى الي تشرف اني صرت عضو به>>>>لاتخلينا كندليزارايس<<<<<وش دخله اقول لايكثر؟؟؟؟؟؟
حبيت اني احط هالموضوع عندكم وبي اردودكم عاد لا تطيحون وجهي...
واليكم الموضوع بالتفصيل..............
القصيم مستعمره بريطانيه
في احد ايام الشتاء البااااردة ومع صوت ينابيع المياة الجارية
والحان الطيور المغردة>>بيتنا ورا شلالات نياغرا
وزقزقة العصافير على شباك غرفتي
كنت منجطلتاً * على سريري انظر الى سقف غرفتي متأملا ومتفكرا في شريطي اليومي
فلقد وقفت عند لهجتنا حنا يالقصمان
وكلماتها التي تكاد انت تكون انجليزية>>مانلعب ابد
فإذا بي يراودني شك عظيم >>>متعوب عليها جدا
ان تكون منطقة القصيم مستعمره انجليزية
ولكن كيييييييييف؟ولماااااااااااذا؟وhow؟ >>طلع العرق
ففي كتاب
HISTORY OF AL-QASSEM VICTORY
للكاتب دحيم البيج ماك
ذكر ان ملك انجلترا لويس الرابع عشر زار منطقة القصيم وعزموه شيبان القصيم وطلعوا كشته للبر عند (ام دباب)*
ويقول الكاتب انهم قاموا يطعسون بحميرهم الله يكرمكم واستانسوا وانبطسوا
فاستعمرت بريطانيا القصيم وسميت المدن القصيمية باسماء انجليزية فمدينة بريده سميت لندن والرس بمانشستر والمذنب ليفربول والبكيرية مدريد>>وش جاب لجاب
((فديت مدريد وأهله))
اما مدينة عنيزة مابعد يدخلونها الانجليزين بس يوم شافوهم الفرنسيين قالوا وش حيثكم تاخذون عنيزة علشان كذا تسمى عنيزة بباريس نجد <<< اموووووووووت على عنيزه يا ناس صدق من قال ياديرتي نفداك هووع
ويقول الكاتب انه اصبحت القصيم نظام انجليزي حتى في اللبس حيث اصبح اللبس الرسمي
سروال سنه ابو رحله كاروهات وفنيلة علاقي دروش مطرزة وشماغ البسام البصمة سالب50
هذا للرجال اما الحريم>>>ياحبنيلهم حريمنا خفاف دم حتى عجايزنا
عباية فرساتشي مع نقاب جوتشي
وحينما نقف عند سيرة الكاتب الذاتية نجد انه والده (( عبيد البيج ماك ))
وامه (( سوزي الماك تشيكن ))
وهم من قبائل الماكدونالدز الشهيرة والذيذة
حيث كان والد الكاتب ممن يبسطون الكراث في سوق الخضرة
وامه من اللواتي يبيعون في سوق الجديّدة * ديرم وحنا
للدوقات * الانجليزيات وبعدين شافوا بعض وحبوا بعض وتزوجوا
============= فاصل اعلاني ===============
المشروب الرسمي
كوكا كولا
(( هيا بنا نقرطع * كوكا كولاااااااا ))
&&&&&&&&&&
السيارة الرسمية
شفرولية كابريس
كيف تعيييييييييش
كيف تعيييييييييييييش
بلااااااااا كاااااااااااااااابرييييييييييييييس
================== عدنااااا =================
المهم نرجع للموضوع الاصلي وهو الكلمات التي وقفت عندها
حيث وجدت ان القاموس القصيمي ملئ بالكلمات الانجلزية
مثلاً:
الكلمه الاولى
الكلمة القصيمية مرادفها الانجليزي
قوووه GO
قووه ليست قوة بمعنى طاقة
لالالا قووه
تعني : هيّا
وهي من اكثر الكلمات القصيمية استخداماً وشيوعاً
مثال على ذلك :
يقول الاب لابنه دحيم*: قووه نروح نسلم على عمك
يعني :
هيا بنا نذهب ونسلم على عمك
الكلمه الثانيه
الكلمة القصيمية مرادفها الانجليزي
هماي AM I
وهي من صيغة من صيغ السؤال
ومعناها: الم؟
وليس ألم بمعنى وجع
مثال على ذلك:
يقول الاب لابنه
هماي قايلك جب جريدة اليوم؟؟
ومعناه :
ألم اقل لك ان تأتي بجريدة اليوم؟؟
الكلمة الثالثه
الكلمة القصيمية مرادفها الانجليزي
ييّزي EASY
اختلف علماء اللغة في معناها ولكن الاصح هو خلاص او يسد* او بس تقول الام لولدها الدب :
بس ياوليدي ييزي اكل صاير مثل بقر الملوحي*>>>للي يعرفها امــــانه يقووولي ...
ومعنى الجملة:
توقف يابني عن الاكل ، خلاص لقد اصبحت كأنك بقر الملوحي
ونرى انه هناك احتلاف في المعنى القصيمي والمعنى الانجليزي حيث انها في الانجليزي تعني بسيط او سهل
ورجح العلماء الاختلاف هو بسبب ظروف التعرية والتصحر
الكلمة الرابعه
الكلمة القصيمية مرادفها الانجليزي
هوّ OH
وهي اسلوب وصيغة من صيغ التعجب
ويجب ان يأتي بعدها سؤال في اغلب الاحيان
فمثلا
تقول الام لابنتها النائمه:
هوّ!! وراتس * مارحتي الجامعة اليوم؟؟؟
معنى ذلك :
لمذا لم تذهبي للجامعة اليوم؟
وعلل علماء اللغه ان (( هوّ )) عكس مرادفها الانجليزي وذلك لانه المعروف بان اللغة العربية تبدا من اليمين لليسار
بعكس اللغه الانجليزية التي تبدا من اليسار لليمين فأدى ذلك الى عكس الكلمة كلياً
الكلمة الخامسه
الكلمة القصيمية مرادفها الانجليزي
كوُد CODE
وهي احدى اخوات كان وهي اسلوب من اساليب التمنى
والتوأم الروحي لكلمة ( ليت ) ويضاف اليها احيانا الضمائر
ويتيبن انه معنى الكلمة يختلف عن معناها الانجليزي والسبب في ان القصمان بسيطين وحبيبين وماعندهم تشفير وارقام سريه وخرابيط قالوا خل* نخليها اسلوب من اساليب التمني
ومعناها:
ياليت
تقول الام لابنها الدلخ*:
كودك ياوليدي تطلع الاول
ومعنى الجملة:
ياليتك يابني تطلع الاول
هذي يا أحبائي اشهر الكلمات اللي وجدت بينها وبين الكلمات الانجليزية تشابه وتطابق
عاد ما ادري وشو السبب
وسامحونا على الصواريخ والالعاب النارية
بس ترا الموضوع من اوله الى اخره مزح
لاحد يصدق ، بكرا نلقى شباب القصيم متسدحين بالهايد بارك
اللي يقول بزور عمتي اليزابيث واللي يقول بروح اتغدا عند خالي طوني
الموضوع مزززززززززح الا الكلمات صدق
بعد ترى حتى بقر الملووحي<<الله صــدق<<شوي شوي على عمرك.....
وشكرا لحسن اصغائكمTHE END
........................................ .......... ........................................ .......... .................................
الكلمات ومعانيها:
* منجطلاً : يعني منسدحأ لكن بزيادة في التسدح وماخذ راحتي على الاخر.
* ام دباب : وهي من اكبر الطعوس والنفد في منطقة القصيم .
*الجديّدة : سوق شعبي في مدينة عنيزة .
* باتسر : في الاصل (( باكر )) بمعنى غداً
* نقرطع : بمعنى ان نشرب بكثرة وسرعة .
* دحيم : اسم الدلع لعبدالرحمن كذلك ( ابو داحم ) و( الدحمي ) .
* الدوقات : مرتبة نبيلة للسيدات الانجليزيات مفردها دوق .
* يسد : بمعنى يكفي او خلاص او فقط .
* بقر الملوحي : مزرعة للملوحي يشتهر البقر فيها بانها سمينة ومليانة حليب .
* وراتس : هي في الاصل (( وراك )) بمعنى لماذا .
* خل : ليس المقصود بالخل حق الاكل لا وانما خل بمعنى اجعل او نجعل .
* الدلخ : بمعنى غبي وهي كناية عن الغباء الشديد .
م
ل
ط
و
ش
.
.
ل
ع
ي
و
ن
ك
م
.
كوين44 @koyn44
عضوة فعالة
يلزم عليك تسجيل الدخول أولًا لكتابة تعليق.
أفضل كلام
•
حلووووووووووووووووووووووووووووووووووه يسلمو.......................
عذيب
•
هههههههههههههههه
هههههههههههههههههههههه
هههههههههههههههههههههههههههه
من جد تحفه ،، بس تصدقين اني مافهمت اغلبها الا بعد الترجمه مع اني قصيميه
عاشواااااااااا عاشواااااااااااااا عاشوااااااااااااااا القصمان
أعطر تحية
هههههههههههههههههههههه
هههههههههههههههههههههههههههه
من جد تحفه ،، بس تصدقين اني مافهمت اغلبها الا بعد الترجمه مع اني قصيميه
عاشواااااااااا عاشواااااااااااااا عاشوااااااااااااااا القصمان
أعطر تحية
ههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههه
والله موتيني ضحك يسلمو يا الغلا
هههههههههههههههههههههههههههههههههههههههه
هههههههههههههههههههههههههههههههههههههههه
والله موتيني ضحك يسلمو يا الغلا
الصفحة الأخيرة