حبيبتي خلو جلستكم بغرفه وحده بالبيت فيها تلفزيون وفيها العاب عيالك واجلسي معهم حتى اكلهم خليه بهالغرفه وباقي البيت نظفيه وامسحيه طبعا في النهار عشان بعدين ترتاحين مو كل اليوم يروح وانتي تشتغلين هذا التنظيف خليه يوم ويوم بس الغرفه الي فيها عيالك طبعا تتنظف يوميا وبعد ماتخلصين حطي البخور وسكري كل غرف البيت وطفي انوارها واجلسو بس بغرفه وحده كذا ماتضطرين كل يوم تنظفين لا تراكمين شغلك لانه بيزيد عليك وتنظغطين

لازم ي قلبي توصفي لنا نظام بزرانك وبيت وش كبره عشان نعطيك جدول انا الحمدالله جدولي تمام ماشيه عليه والامور زينه صج تجي فترات نتعب ونهمل بس ترجع الطاقه ونمشي ع جدول ويبقي بيت مرتب كم يوم

اه ياشغل البيت اه بس 😳

جدولي بصراحه لمن اقوم من النوم اخذ قلم وورقه واشوف وش الاشياء اللي احتاج اسويها وانظفها في البيت واعلقها على الثلاجه ولمن اخلصها اشطب عليها يعني الحمدلله احياناً اكون مخلصه شغل كامل اليوم الثاني مااحتاج اكتبه في الورقه عشان اسويه يعني مثلا اكتب غسيل الملابس وكوايتهم او مسح السيراميك مع الجدران او ترتيب المطبخ ومسح الثلاجه والفرن او غسل الحمامات مع المغاسل والبانيو وهكذا انا بنسبه لي احس مرتاحه لهذي الطريقه ودايمآٓ ريحة بيتي حلوه ماخذه علبه بخاخ تعرفون حقت تنظيف القزاز الرشاش هذيك اعبيها نص مويه وشوي ديتول وشوي كلور وشوي عطر سيراميك وابخ فيهم البيت والحمامات اش تطلع تحفه اتمنى اكون افدتك ربي يعينك🌹

مع الأطفال وبهالعمر يموتون في الإستكشاف أنا إذا بخلي البيت يلق أنظف غرفتهم وأقفلها يدخلونها وقت النوم بس وألعابهم عندي بالصاله والسياكل بالحوش .. وكل الغرف أقفلها وارفع مفاتيحها لأن حتى النتفه ابو سنتين اللي عندي صار يتطاول ويحاول يفتح الأبواب ويتعلم من اخوه الكبير .. يصير عندك المطبخ يدك فيه اول بأول وبعد العشا اذا عندك غسالة مواعين بتريحك كثير حطيهم فيها ومسحي الطاولات والفرن أنا مغطيته بقصدير وبس أغيره اذا توسخ .. الملابس اذا غسالتك اتوماتيك وعندك نشاف حراري يصير تطلعينها وتطبقينها وعالدواليب .. المحافظه عالبيت بوجود الأطفال يحتاج طولة بال .. والأرضيات عندي باركيه تنظيفها سهل وكل ما انكب شي امسحه على طول حتى ماتخرب .. الله يكون بالعون بكره يكبرون عيالنا ونرتاح وتصير هبالتهم وحركاتهم ذكريات نضحك عليها .. الله يحفظهم ويرزقنا برهم وصلاحهم