المتزوجآت الحكيمات ادخلوا ساعدوني بلييز ..

صباح الخييير حوائيات 
أدري انه في هالمنتدى نساء حكيمااات 
عشان كذا أنا بطرح لكم مشكلتي وساعدووني بارائكم 
أنا من أمس مانمت من الضيقه اللي فيني 
أنا لي عشر شهور متزوجه أحس الى الآن ماقدرت اتأقلم ع الحياه الزوجيه 
او أحيان تصير اشياء اوقف محتاره مااعرف اتصرف فيها ارشدوني واكسبووا فيني أجرر 
حتى لو اسلوبي غلط علموني 
أنا ماطرحت مشكلتي الا ابغى اعدل نفسي اذا غلطانه 
بقولكم على موقف أمس 
أهل زوجي جو هنا جده لهم يمكن اربع ايام امه وثلاث من خواته 
كانوا مستاجرين لان انا وزوجي قاعدين في ملحق صغيييير مرره 
غرفه ننام فيها وفيها حمام وغرفه صغيره نجلس فيها ومطبخ بس حتى لاصاله ولاشي ولاعمري من يوم تزوجت استقبلت فيها احد لانها صغييييره مره ماتنفع لااستقبل ولاشي حتى اهلي ماقد جو عندي فيها
 المهم احنا قاعدين فيها مؤقت لحد ينقل زوجي امس دق اخو زوجي قال الفندق اللي اهلي ساكنين فيها رفع الايجار عليهم ومايقدرون يدفعون ويبغون يجون يقعدون عندك طبعا هم بيقعدون اسبوع ..
قال لي زوجي قلت انت شايف الوضع اصلاً وين يجون  لو ناموا في غرفة التلفزيون اذا بيجون يدخلون الحمام لازم يدخلون الغرفه اللي ننام فيها انا وزوجي 
وانا اذا جيت بطلع المطبخ لازم امر من المجلس اللي ينامون فيه قلت مره مستحيل مايجي الوضع صعب لاهم بياخذون راحتهم ولا انا مع ان ام زوجي كم مرره تقول لنا ماينفع تستقبلون احد فيها وعارفه الوضع 
قلت شغل سيارتك وروح دور لهم شقق ارخص يقعدون فيها هالاسبوع 
راح دور وماادري ايش صار ماسألته لانه دق علي العصر قال سوي قهوه وشاهي بنطلع احنا واهلي 
وانا من اليوم اللي قبله مواصله نظامي ملخبط المهم قلت له طيب 
رحت سويت قهوه وشاهي لين جاء 
واعطيته قلت روح انبسط انت انا والله تعبانه وفيني نوم حسيته زعل 
قال بكيفك وماادري ايش انا تنزفزت من اسلوبه طيب انا دايم يحرجني مع اهلي اطلع معاهم ولايرضى يجي ولاازعل عادي 
ليش هو يزعل وهو عارف اني تعبانه ومواصله لو كنت مو مو مواصله كان رحت انا اكثر وحده احب الطلعات 
وراح من المغرب لين 4 الفجر وجاء طول هالوقت مادق علي ولاسأل عني ولاشي 
قاهرني يوم جاء قلب على جمبه ونام 
طيب انا ماسويت له شي كل هذا عشان مارحت وكم مرره يحرجني مع اهله يتفق معاهم وبعدين يحطني قدام الامر الواقع 
مااحب هالاسلوب تعبت منه 
انا زعلانه من تصرفاته احسه لما يجون اهله يقلب ماكأنه اللي لما نكون انا وياه لحالنا 
عشان كذا يمكن صرت اتحسس من جيات اهله 
مع ان مابيني وبينهم مشاكل الحمدلله 
واحبهم عادي 
وقبل يمكن ثلاث اسابيع توفت جدتي ولاوحده فيهم اخواته دقت تعزيني بس امه دقت مع انهم كلهم كبار ومتزوجات ولاارسلوا ولادقوا 
وهو لما يصير شي عند خواته مثلا وحده تولد او شي يطفشني يلا دقي عليها
طيب ليه مايعاملني بالمثل اذا يبغاني اوجب في اهله وهم لا مايوجبون 
ماادري احس حياتي متوتره متضايقه كثير من امس لليوم احس بخنقه 
فكرت اقول له انا بروح بيت اهلي هالاسبوع وخل اهلك يجون يقعدون هنا ف البيت عشان ياخذون راحتهم 
بس اخاف يتعودون على هالشي 
ماادري شوروا علي .. ساعدوني 
وادعوا لي ربي يرزقني الذريه الصالحه ..