الضيق ضيق الانفس مو المكان ياحلوه وعلى قولتك ماتبيهم يتعودون هذا بيت ولدهم هم بيعيدين عنك ومرتاحه لكن اذا جاو اكرميهم وقومي بواجبهم على اكمل وجه اانتي احرجتي زوجك جداً يوم ماطلعتي معاه

حبيبتي اسيرة قلب والله لك وحشة يالغلا .. توي كنت اسأل عنك في التجمع .. 

طولي بالك حبيبتي تره الي صااار موقف جداً عادي  .. الله يهدي زوجك ويسخره لك

الافضل انك تتغاضي عن هالامور قدامه 

وفي لحظة روقان قوليله عن التصرفات الي تزعجك بهدوء وقوليله انا ما ابيك تزعل مني بس حبيت انبهك ونكون واضحين مع بعض . وابتسامة منك تهدي الوضع 

توك عروووس يالحلوة والحياااة قدااامك وبتتأقلمين 
انتي بس حساسة شوي وصحيح هالامور تضايق بس فوتي وبالتفاهم الهادئ مع زوجك بتنحل الامور كله

والله يرزقك الذرية الصالحة وتحملييين قريب وتقر عينك بالولد الصالح يااارب 
والله ما نسيتكم من الدعاااء في اوقات الاستجابة 

انسي الا صار وسوي قهوه وشاي واعزموهم اليوم برا روحوا حديقه او مول او مطعم اومحل سمك وانتي جيبي الفكره وقولي ابغى اعوض. عن امس واذا تقدري تروحي تتقهوي عندهم وتسمري معاهم يكون افضل عشان تعرفوا بعض اكثر هم لسه ما عاشروك ولا يعرفوا نيتك لي ما طلعتي معاهم واعتذري من عمتك وقولي والله ودي بجمعتكم بس كنت مواصله وتعبانه

من رأيي تصرفك غلط و يحق لزوجك يزعل
لو انك قلتي الله يحييهم و جو هما بنفسهم حيلاحظو انه المكان ما يسمح
بمبيتهم و زدتيها لما ما طلعتي معاهم يعني لو ضغطتي على نفسك و طلعتي
كان موقفك اهون
اشوف انك تصلحي غلطك بانك تعزميهم عندك للعشا و ان شاء الله ترجع المياه
لمجاريها بينك و بين زوجك

كان قلتي له اللي تشوفه وبس ..وهو يقرر وين يسكنون ..وحتى لو جو لبيتكم كلها اسبوع وبيروحون والضيق في الأنفس مهوب في الدار..


بالنسبة لعدم طلعتك معهم فيها إحراج له مسكين لو جاملتي كان أحسن لكن عوضيها واعزميهم عندك في البيت وهلي ورحبي ووسعي صدره ,,

مسألة تأدية الواجبات لا تدققين فيها ..احتمال اعتبروا تعزية والدتهم لك نيابة عن الجميع لا سيما إن المتوفية جدتك الله يرحمها كبيرة سن مؤكد غفر الله لها .

وأنت قومي باللي تقدرين عليه من الواجبات والاتصالات ولا تحاسبينهم على تقصيرهم وانويها لله .

الزبدة اكسبي أهله وتكسبينه أكثر..