المتزوجة اللي 24 ساعة ببيت اهلها

السلام عليكم
مبارك عليكم الشهر خواتي
تقبل الله صيامنا ودعائنا وصالح اعمالنا
لا تنسوني من الدعاء بالذرية الصالحة
.
.
انا متزوجة ولله الحمد وكل نهاية ويكند ازور اهلي وباقي ايام الاسبوع بشقتي مع ان بيتي وبيت اهلي مو مره بعيد حدود نص ساعه ولكني لاحظت بعض قريباتي مره مره لزقة ببيت اهلها يا بنات انا مصدومة منهم مدري من اللي نظامه غلط انا او هم تخيلو وحدة اعرفهم معرفة شخصية يوميا من الصباح لين الساعه 10 ببيت اهلها بعدين تروح بيتها وعلى هالنظام كل ما طلع زوجها الدوام راحت تداوم ببيت اهلها والمصيبة امها اللي تقولها اقعدي عندي نامي عندي ولا كأن بنتهم متزوجة وعروس توها تم السنة وحملت الاخت وشدت الرحال لبيت اهلها صارت رسميا تنام عندهم مع انها ماشاء الله حملها خفيف ولا حست فيه حتى تقولي ماتوحمت ولا تعبت والحين برمضان قلت لها ماراح تفطرين مع زوجك او تجهزين له فطوره عالاقل قالت لا انا قلت له رح افطر عند اهلك وانا بروح عند اهلي !! وجهي كله علامات تعجب ودهشه ليه كذا ؟! طبعا من يوم تزوجت هذا نظامها زوجها غداه وعشاه عند اهله وهي 24 ساعة ببيت اهلها ابغى اعرف الحريم اللي كذا كيف تثق انه ماراح يشبع احتياجاته عند غيرة خيانة او زواج لا تقولون ان حتى اللي تقوم بواجبات زوجها يخونها لا انا اقصد حجته الحين قوية لو يروح يتزوج عليها ودي انصحها وبنفس الوقت مابي اتفشل ولا لقيت الا المنتدى ودي اللي نفس حالة قريبتي تتعدل من وضعها وتنتبه لبيتها وتحتسب الاجر عند ربي هذا جنتك ونارك حتى لو كان زوجك هو بنفسه يقولك روحي لبيت اهلك لا تسمحين له عطي كل شخص بحياتك حقوقه عالعموم الله يهديها والحمدلله الذي عافانا مما ابتلى به كثير من خلق
.
.
بنات ابتعدوا عن الهواش واسلوب الغير راقي سواء معي او مع العضوات حنا برمضان الله يتقبلمنا