المتقاعدون وبلاويهم

انا جايبه لكم شعر عن المتقاعدين وبلاويهم عاد انا سرقته وابي تعليقاتكم



قالت الجاره

وينك ياختي ماجيتينا&& من زمان ما قهويتينا
عسى منتي نسيتينا&&او زوجك مجاز ومقاعد

قالت زوجة المتقاعد

ابد مانسيتك ياختي&& لكن صعيبه مشكلتي
واكبر مما تتوقعين&& زوجي من شغله متقاعد
وصاير رئيس في المنزل&& وكلامه ابد ماينزل
وعلا انفه حاجه يستنزل&& وبلشنا بها المتقاعد
ان ناداني جيته اجري&& ورميت ولدي من حجري
ولو اتاخر مدري وش يجري&& زوجي غيره التقاعد

ردت الجاره

ياختي وش هاللي تقولينه&& هذا شي ماتطيقينه
زوجك طقاته دفينه&& وشلون يعطونه التقاعد
ترى التقاعد للشايب&& او الشباب اللي عايب
اما هذولى مصايب&& تفنى المره وهو قاعد
ولكن استغلي وجوده&& وخلي في المطبخ مجهوده
زوجي اذا عطل اقوده&& ويساعدني لو هو قاعد
مره يخرط لي ملوخيه&& ومره يغسل لي زوليه
ولو يرفع صوته علي&& الى غرفتي ماهو صاعد
انا اغسل وهو يكوي&& انا اتبل وهو يشوي
وكل ما اطلب منه يشري&& وانتي خلي زوجك يساعد

ردت زوجة المتقاعد

انا حظي ياختي مايل&& والا شبي به حايل
لابس له عقال مايل&& ويهددني به ويواعد
لاقال لي يابعد حيي&& وش نوحك يفقدني وعيي
والخوف في اوصالي يسري&& وشلون تبيه يساعد
مابيه يساعد بالمره&& من خيره كفايه وشره
ليتني اسلم من المضره&& ومن طلباته هالمتقاعد
تقاعد وتفضى لي&& واشغلني واشغل عيالي
وبعض افعاله ماتنقالي&& وينتصف الليل وهو قاعد
مادري وش يعني زي تايم&& يهددني به وهو نايم
واحلامه في العمل دايم&& وكن رئيسه عنده تقاعد
مره صاح شبت حريقه&& رحنا نركض للحديقه
واثره وهمي مو حقيقه&& طير عقلي هالمتقاعد
والزبده كثرة حركاته&& وقلت دراهم مخباته
ليته جلس في مصفاته&& وما قدم على التقاعد

عسى يعجبكم ان شاء الله