المتلثمه والشباب!!!!!!!!!!

مراحب على احلى بنات :26:
كيفكم انشاءالله بخير
انا وصلتنى القصه ذى على البريد واعجبتنى وحبيت انكم تقروها واتمنى انها تعجبكم
وتحوز على رضاكم

ابطال القصه


حميدان
سعيدان
فليحان
شعوان

المتلثمه

القصه هذى يقولون انها صدق...ولازدت عليها ولاشىء... اللهم شوية بهارات وكمون وفلفل اسود من عندى....على شان الطعم يصير احلى ....

القصه:
اربعة شباب ...تواعدوا يطلعون للثمامه سوا ويكشتون ليلتين !
اتفقوا بينهم وبين بعض؟؟؟؟ وجهزوووا كلش!!
اللى جاب الخيمه واللى جاب الاكل واللى جاب الورقه...واللى جاى بروحه بس!!
ويوم جت حزة الطلعه...الاخويهم اللى جاى بروحه بس!!انشغل!!
دق عليهم وقال لهم ان ابوه عليه قل صح ويبى يوديه للمستشفى؟
الشباب قالوا عادى ؟ طبعا هو ماراح ياثر لانه موب جايب شىء معه.
المهم.
تجمعوا الشباب .. وركبوا فى ذاك الموتر ورصوا فى المرتبه اللى قدام ((تدرون ليش!!)) لانه تدسن غماره وحده !!
وبدت رحلتهم ...وكانوا مستانسين فى الطريق يغنون ..ويرقصون.. ويسقطون فى خلق الله!!!
ويوم دخلو للثمامه وعدوا دوار العويضه...الاويشوفون ذاك الشق..الشلخ!!! يويل قلبى ويلاه!!!
شى اسود ومخصر وعليه لثمه..!! قاعده تشر فى قارعة الطريق؟؟
ويكعون فرامل لين طلعواكلهم فى الشارع من القزازه!!! وتقول لهم: معليش شباب ممكن توصونى بيت اهلى ؟..قالوا لها انتى وش جايبتس هنا لحالك؟؟؟
قالت: انا جيت مع اهلى ..بس رحت اتمشى بلحالى ..وابطيت شوى.. ومن كثر خواتى ابوى يحسبنى معهم وكفخوا وخلونى !!!
الشباب قالوا خير ان شاء الله ...وين بيتكم ؟؟ قالت : بيتنا فى السويدى !!!
الشباب مسكوا روسهم!!!! قالو اوش بيودينا للسويدى انا فى الثمامه ...ثم نعود نكس للثمامه...بس مش مشكله عمل انسانى !!((والله لو انو ابو شنيبان نشوف الاعمال الانسانيه )) طبعا لانها بنت هم بوصلونها وهذابحد ذاته سبب وجيه ؟؟
عاد اقووولكم ...ركبوها فى الصندوق ...ويمشون مليونين... واللى قدام كل شوى يتلفتون !!الخشش مندلقه.. تقولون ماقد شافوا بنت... واللى يتلفت عليها وهى بالصندوق ويغمز... واللى يشر لها...وهى معطتهم اشكل... ويوم وصلوا للسويدى
ويقولون لها.: شاوريلنابيدك ودلينا على بيتكم... البنت قامتتشر وتدلدل فيهم بس المشكله هى ماتعرف البيت لانهم دخلوا للسويدى من جهه غير اللى عودهم ابوهم يجيبهم معها...عاد ضاعت طاسة البنيه!!! وقعدت تصيح!! والوقت ليل!!
وقالوا لها ماهى مشكله... حنا بنروح نكشت فى الثمامه والصباح رباح!!! وش رايتس
تجين معنا هناك!! البنت وافقت بس بشروط...انها ماتفصخ عبايتها..وتنام فيها لين الصبح...الشباب وافقوا!!
رجعوا للثمامه....وطقوا خيمتهم...وهم مستانسين ويلعبون ورقه...والبنت تعاينهم من بعيد...يقالها خايفه!!!
قعدوا عقبها يشوون .. ويوم خلص الشوى حطوا للبنت كل الاكل ويومخلصت وشبعت كلوا عقبها!!
قهوووها وشهووها وحلوو...وسمروا على ضوء القمر...وضحك ووناسه ...والبنت من بعيد لبعيد بس...
وجت حزة النوم...الشباب تراصوا فى قرنه وفرشوا للبنت الفراش الكبير ...وناموا
حسوا ان البنت تقرب يمهم حبه حبه؟؟
العيال شكوا فى الموضوع ..قالوا انها من البنات اللى ماش!!(تكفى يالعاقلين)!!
والله والبنت تقرب وتقرب...لين مره صار بينها وبينهم سنتى واحد وتفتش...
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
وش تتوقعون صار...
طلعت البنت ذى .....هى خويهم الراااااابع اللى اعتذر ...لابس عبايه!!
ويشبون عليه ويدبجونه ويقومون ويضفون خيمتهم وعفشهم حتى العبايه خذوها!! وخلوه بروحه هناك؟؟؟ويقولونخل نشوف من اللى بوصلك لبيتكم
وتوووووووتا توووووووتا خلصت الحدوتأ




:21: :21: :21: :21: :21: :21: :21:


وبااااااااااااى ياعسل