جداويه من فين اخذتي فستان ملكتك ؟

والبنات في احد منكم اخذ فساتين سهره من لمسات (عصام ناس سابقا)

السلام عليكم و رحمة الله و بركاته ..

أختي غفران الغامدي :) ..
تسلمي يا قمر كله من ذوقك :) ..

و المشكلة إنه الذواقين دايما يتعذبو ..
لأنهم يبغو كل شي على بمواصفات معينة :( ..
يعني لو إني ما أبغا هادي المواصفات .. راح
ألاقي قاعات كتيرة حلوة و صغيرة و فخمة ..
بس عقدتني البلكونة .. نفسي في بلكونة و درج
كدة يا سلالالالالام :06: زي العرايس :06: ..
بس ماني لاقية >>>> قايلتلكم منحوسة !!
الله يسهل لي أموري يارب و يعينني .. آمين ..


و بالنسبة لفستان ملكتي يا قمر أنا إللي
صممته :) .. بس أشتريت قطعة جاهزة
مطرزة من لبنان :) ( جات بالصدفة ) !!
و صممتها بنفسي و باقي الأقمشة ( سادة) أشتريتها
من هنا من مجمع الشرق .. زي التفتة و التل و البطانة
و الجبون و توابعها ..
و وديتها لمامت صاحبتي ( خياطة ) و وريتها فكرتي ..
و نفذتلي هي ماشاء الله تبارك الله لا قوة إلا بالله 100% ..
وإللي أحتاج زيادة تطريز عشان لا يسير فرق بين الأقمشة
طرزوه باليد تطريز خفيف وناعم زي حق الصدر بالزبط ..
يعني الحمدلله بفضل من الله طلع زي ما كنت أبغاه ..
ناعم و رايق و فخم و غير مبالغ فيه أبدا ..
و عجبهم كلهم .. الــحـــمــــــدلله ..


و بالنسبة لسوق لمسات .. أنا رحته ..
بس ما شوفت فيه فساتين سهرة واو !!
بس لاحظت إنهم مقلدين بعض موديلات المساعدية !!
و أستغربت !!
لأني شوفت فستان في المساعدية وعجبني ..
و لقيت واحد يشبهه في لمسات .. بس تحسي
فيه فرق في الخامة و القماش طبعا !!
وفيه جلابيات وتياب على ما أعتقد !!
بس شوفي يمكن البنات يساعدوكي :) ..

و إذا تبغي شي معين أسألي و أنا أقولك
إللي أعرفه :) ..


أبــــــغـــــــــــــا قــــــــــــاعـــــــــــــــــــــــــة
:06:


تحياتي ..
جــــــــداويــــــــــــة

اختي amera_saudia ..
وين المحل اللي تقولي عليه يبيع بتخفيض وفي اي سوق

الموضوع اتنقل ؟؟ صح

حسافه كان مكانه حلو :(

السلام عليكم للكل
جداويه تصدقي انك جننتيني صرت احلم بقاعات عشان افتكر واقولك :D
المهم افتكرت قاعه الملكه حلوه وتعتبر متوسطه مو كبيره ولا صغيره وفيها بلكونه بس لاتسأليني عن الاسعار مااعرف وياويلك تطلعي فيها عيب
وعندك قاعه اماسي فيها قاعه صغيره بس ماشفتها :( بس شوفيها يمكن تعجبك

وخليني افتكر ولو جا ببالي قاعه اقلك
باي باي :27: