اخت amera
وين محل برايفت بالضبط؟؟

السلام عليكم و رحمة الله و بركاته ..

سلطانة جدة ..
كيفك يا بطة ؟؟
تسلمي يا قمر :) .. جاكي الوسواس بسببي :23: ..
أجل أنا أيش أسوي ؟؟

أنا خلاص جاني إكتئاب و سرت طول الوقت
حابسة نفسي في الغرفة و جالسة أفكر و أوسوس ..
حيجيني إنهيار عصبي من المشاكل :06: ..

لا .. و أزيدك شوق !!
السيد المحترم زوجي سابني في عز اللخبطة ..
و وراه مية شغلة و شغلة ..
والبيت فيه مية شي متعلق و ماخلص !!
و سافر يتمشى و يتمتع مع أصحابه !!
الله ينكد عليه و عليهم :06: !!
آآآآآآآآآآآآآه ه ه ه ه ه يا قلبي :06: ..



إنتي قصدك قاعة الملكة إللي قبل أماسي ؟؟
هي قاعتين .. الملكة 1 و الملكة 2 ..
بس فيه وحدة أحلى من التانية ..
و على قولك حجمها طيب ..
بس ما يرضو يفتحوها لأقل من 200 أو 250 على ما أعتقد ..
يعني طالبين عدد كبير ( بزيادة ) !!
و أنا معازيمي أقل من 100 شخص ..
لأنه زي ما قلت لك الفرح محدووووووووود جـــــــــدا ..

و حتى أماسي الصغيرة شوفتها ..
طيبة .. مهي بطالة .. مابها شي ..
بس يبغالها ديكورات و كوشة فخمة و كبيرة ..
لأنهم مو مهتمين بيها قد ماهم مهتمين بالكبيرة ..
والكبيرة تجنن .. العفو والعافية ..
بس يبغالها معازيم فوق الـ600 شخص عشان
تبان فخامتها و تحسي بالناس !!
بس الصغيرة طيبة برضو و فيها بلكونة صغيرة في الركن
( مرة صغيرة) و بعدين درج .. يعني قاعة كويسة و مناسبة ..
و تقريبا مواصفاتها تمام .. بس لونها أخضر !!
مو لون حلو زي لون الكبيرة ..
بس برضو ما يفتحوها لأقل من 150 أو 200 شخص !!
نسيت كم العدد بالزبط ..
ياربيييييييييييييي يا قهههههههههههههههررررررريييي :06: ..


تصدقي سرت زي الشحاتة :( ..
أروح القاعات و أقولهم مالكم شغل ..
أنا أدفع لكم حق 100 شخص أو 120 - 150 شخص !!
بس أفتحولي القاعة !! ومالكم شغل بعدد الحاضرين !!
يقولو لالالالالالالالالالالالالا :06: !!!!
لازم يكون عدد المعازيم كبير !!

أيش القهر دا ؟؟
:06:
أروح أستأجر ناس يعني :23: ؟؟


تحياتي ..
جــــــــداويــــــــــــة

السلام عليكم و رحمة الله و بركاته ..

و على سيرة إستئجار الناس !!
شوفو وقاحة واحد من أصحاب القاعات !!
رحت القاعة و عجبتني ..
هي مرة كبيرة .. و جديدة ..
قلت له عندي 200 شخص ( لأني متأكدة إنه
ما راح يوافق لو قلت 100 - 150 ) !!
قال لي ما أفتحها غير لـ 450 شخص !!
حاولت معاه يمين يسار .. فوق تحت ..
يهديك يرضيك !!
مافي فايدة !!
و بعدين أيش قال لي ؟؟
تخيلو ؟؟
قال لي إنتي أدفعي لي حق 450 شخص ..
و جيبي 200 شخص ..
و أنا أجيبلك الـ 200 - 250 الباقيين !!!!
تخيلو الوقاحة !!

و يتكلم من جد مو مزح !!
أنا تنحت :| و سكتت ..
بعدين لمن لاقيته بيتكلم بجد و عادها كم مرة ..
قلت له و أنا أيشلي ؟؟
تبغا تعزم ناس .. أعزمهم على حسابك !!
مو من جيبي !!

قام قال لي لالالالا عشان ما أقدر أخسر نفسي
و أفتحلك هي على 200 شخص و أنا جايب بوفيه
حق 450 شخص !!
( خايف عالأكل حضرته ) !!
( و المشكلة إني أنا إللي حأدفع قيمة الأكل !! ) ..

أحد ضربك على يدك و قال لك جيب بوفيه لـ 450 نفر ؟!؟!

والله قهرني و نرفزني ..
و جع في الوقاحة !!

و بعدين خرجت من عنده و طنشته ..
مع إنه القاعة عجبتني و كنت مستعدة أدفع له حق
200 شخص بس عشان يفتحلي هي :( ..


تحياتي ..
جــــــــداويــــــــــــة

جداويه وش رايك نغير الفكره ؟؟؟؟؟؟؟؟؟؟؟؟؟


يعني البلكونه شيليها من راسك ......


ونحط مسبح

استأجري استراحه حلوه وعليها الكلام ...


وفيها مسبح وثيل وحركات ...

وخلي زواجك بالهواء الطلق

وجيبي الشموع اللي تسبح بالمويه اذا مو متوفره بمحلات الأفراح جايبينها بايكيا ,,,,

وحطي شموع على المسبح وورد ...........

وخليهم يصلحولك الكوشه مع الثيل أو الانجيله تطلع جنااااااااااااااااااااان

والله أنا نفسي سوي كذا بس بس بس الفرح لازم يصير كبير

طيب أنا عندي سؤال


من أحسن طقاقه وسعرها معقول ......؟؟؟؟

نوره مبارك...........

اشواق السامر ....

اخلاص ...

شروق عسيري ...

دخووون....

ابغى طق طق يعني دوسري