السلام عليكم و رحمة الله و بركاته ..

أختي the_queen .. هلا يا قمر :) ..
إنتي إللي طولتي الغيبة :( ..

أدعيلي الله يسعدك و يجبر بخاطرك :) ..

و الله لا يبلغ الحساد مبتغاهم
آميييييييييييين .. آمييييييييييييييين .. آميييييييييييييييييييين ..
يااااااااااااااااااااااارب العااااااالميييييييييييييييين ..


وبالنسبة للفندق ..
شكله نفس الفندق إللي أنا كتبت عنه أول ..

بس سمعت صاحبتي تقول لي إنها أتعزمت في فندق
إسمه فندق البدر تقريبا هو في البلد ..
تقول كان الشيراتون القديم !!
بس أنا ما أعرفه ..
تقول خدمته حلوة و طيب و رخيص ..

و ترى فيه فندق إسمه السيف ..
تعرفي مفروشات العمر ؟؟
هديك الناحية تلاقي فندق إسمو سيف أو السيف ..
بس ما أعرف منطقته أيش إسمها بالزبط !!
و ما أعرف إذا فيه قاعات أو لا ؟؟

و أنا إذا حأسوي في البيت ..
حأجيب خدمة و مباشرات و طاولات و كراسي و بوفيه من فندق ..
يا الدار البيضاء أو ويستن أو ليلتي أو هيلتون ..
لأنهم أفضل فنادق و أفضل خدمة و أفضل أكل ..
الله يستر و يسهل يااااااااااااااااااااارب ..

أدعيلي يا قمر :) ..
الله يسعدك يارب ..

تحياتي ..
جــــــــداويــــــــــــة

آمين آمين آمين

يستجيب لك ربنا ياجداوية

فندق البدر كثير سمعت عنه بس صراحة شكله من برى كانه من سنة جدي اذا كان الواحة ماعجبك بيعجبك البدر؟؟ جماعتنا كانوا يقولوالي سوي في البدر ارخص من الواحة
فمااعتقد ابدا بيعجبك
ماشاء الله عليك مرة ذويقة

على فكرة ترى في قاعات حلوة وب5.000 كمان ايش رايك ابغى قاعة صغيرة ل200 نفر وبعزم اكثر:) بس ابغاها صغيرة علشان ماتبان فاضية
اليوم اعطيت خطيبي رقم قاعة اسمها "احلى الليالي" اعتقد كذا قله 4.000
خطيبي شك يقولي شكلها اي شي
تعرفي نفس المنصور فيه قاعة الصغيرة وب5.000 ويمكن اقل

السلطان هذا قاعة في الجنوب ماهي السلطانة
وابو زيد عندهم القاعة الصغيرة مررررررررررة صغيرة ماتشيل يمكن 50 حرمة وماهي حلوة ماتسوى سعرها

ترى الواحة انا كنت زيك رافضته تماما واقول لاخويا قديم ومغبر ولكن يوم رحت احجز كان في فرح في القاعة الكبيرة وكانت مضبطة والله طالعة تجنن وهيا فرشها على احمر

ريفان شفت صور لها فعلا الفرش حقها الوان اشكال بس حسيتها صغيرة من الصور؟؟

حسبي الله عليه حق احتفالات الشرق الاوسط يبغى يعزم لك مين؟؟ تصدقي القاعة هذي مقفولة دائما القاعات كلها مفتوحة وشغالة طول الاسبوع إلا هيا واللي جنبها نسايم ليل فاااااااااااضيين ولاقد تعزمنا فيهم

تصدقي ماشميت ريحة خضار يوم رحة يارا؟ بس كان القصر ززززززززحمة لكن كانت القاعة كبيرة بالمرة وواسعة مااعتقد تشيل لك 200؟


لو عندك رقم الدانة اعطيني هو
انا ابغى قاعة صغيرة وحلوة وجديدة وماتكون استراحة
بس انا سمعت انه في استراحات صايرة زي القاعات بالضبط بس صغيرة
لو كان اسمها حلو وشكلها حلو ماهو مشكله

والله في ناس في حارتنا يعملوا في الروابي قصر يودع في النزع الاخير:) ويعملوا الكوشة ويضبطوا القصر فلما تدخلي تحسي انك دخلتي قصر ثاني

أنت اهم شيء وقت الزفة اللي ينرفزك لا تطلي عليه وخلي نظرك ساعة على خطيبك وساعة على صاحباتك واضحكي وانبسطي لاني تقهرت على زفتك الاولية يوم تقولي خربت وانت بسرعة تمشي وتنزفزتي:(


والله سامحيني انا يوم قلتي "عارفين ايش في البحرين وبيروت" تفجعت بالمرة
الله يهديك كان قولتي لي ديسكو

لو كذا ماهي مشكلة هذي امرها سهل واكيد انه بسبب طول فترة الخطوبة الرجال طفش
لاهو متزوج ولا هو حر يعني نحن الحريم في البيوت نتضايق معاد هم
وان شاء الله يارب انه يتمم لك على خير

ترى كنت منفعلة بالمرة وبنيت حكمي على الطلاق من كلامك عن السفرة
الله لا يجيب سيرة طلاق ابد وربي يحفظ لك الوالد ويطول عمره ويشوف اولادك واولادهم كمان

وان شاءالله يارب انه يكون زوجك رجال ولا كل الرجال

بس خليك مع ربنا واقرئي القرآن دائما وخاصة سورة البقرة وادعي لزوجك لا تدعي عليه
واسئلي الله انه يخفف عليك

وانسي امر اللي قهروك والله انه عندنا مرة اخويا شالت اخويا ولا عاد يجي عندنا
وقسته علينا حتى ملكتي ماحضرت لا هيا ولا اولاده الله لا يسامحها يارب وينتقم منها
بس ايش نسوي خلاص انا عني طنشت بس امي مقهورة

فانت لا تقعدي بس تفكري في الحاسدين الحاقدين حسبي الله عليهم

مع ان نفسي اعرف ايش السبب ورى حكايتك كلها :) بس خليك على راحتك

السلام عليكم للجمييييييييييييييييييييييييع
وكيفكم كلكم وبالأخص عروستنا جداويه
الحمدلله ان موضوعك اتحل وعدى على خير
وانشاءالله ربي يجمع بينك انتي وزوجك وتكوني نظر عينه بس هذا كله يعتمد عليكي انتي اوكي
ودام قررتي بالبيت احسنلك دام المعازيم اهلك وصحباتك واذا بيتك كبير يمديكي تخليه جنه بجد لو في بالك تعملي كوشه وترتيبات حلوه قوليلي ادلك على وحده شغلها جنااااااااااااان او ادلك على خطيبي وصاحبه يحب يعمل كوش وترتيبات مناسبات مع انه يشتغل في الهيلتون بس هذا شغله زياده زي ماتقولي هوايته
وربي ان شاء الله يتتم لكي على خير
تصدقي كنت اقرا جريده وشفت اعلان عن قاعه كاتبيت انها فخمه جدااااااااااا وراقيه وتتسع ل130 شخص وب 2500 بمناسبه الافتتاح بس مو كاتبين اسمها وكاتبين انها في شارع الامير سلطان وعلى طول جيتي ببالي بس متأخره لانك قررتي تسويها في البيت
بالتوفيق لكل البنات

انا متزوجه صارلي ماشاء الله 8شهور المهم انا من المدينه وجهازي كله من جده فستاني من دمتريوس في جده مول الدور الثالث وعندك رهيد في نفس الدور وفساتين السهره تلاقيها في المساعديه والف مبروووووووووووووووك :icon28:

السلام عليكم و رحمة الله و بركاته ..

أختي سلافة2120 ..

أول شي ..
آمييييييين .. آمييييييييييين .. آميييييييييييييين ..
ياااااااااااارب العالمين على دعواتك ليا و لأبويا و أمي :) ..
الله يجعلها من نصيبي و نصيبهم ..
و جزاكي الله كل خير .. و لكي مثلها إن شاء الله ..


و أنا قلت لك إنتي عالبدر :) ..
عشان قلتي تبغي شي رخيص ..
أنا ما أعرفها .. بس صاحبتي قالت لي عنها ..
وشوفي أختي the_queen كمان قالت عنها في
الرد إللي قبل هادا ..

و فينها القاعات دي إللي بـ 5000 ؟؟

و بالنسبة لقاعة أحلى الليالي شفتها في النت ..
بس أظن إنها تعتبر زي الإستراحة !!
بس أنا شخصيا ما أعرفها ولا شوفتها ..

المنصور .. بصراحة حسيته قصر مو قاعة !!
>>>> لا تسمعني رها :06: ..

السلطان في الجنوب !!
والله ما أعرفها ..

أبو زيد .. فيه قاعتين ..
الصغيرة مدري أيش إسمها .. مرررررة صغيرة ..
و التانية السلطان مدري السلطانة برضو صغيرة ..
بس أكبر من التانية و فيها درج عالجنب ..
بس ترى يقولو أكلهم لذيذ :) ..
( كذا وحدة قالت لي أكلهم يجنن ) ..

ريفان ماهي كبيرة يضيعو الناس فيها ..
و لاهي صغيرة .. أكبر من المتوسطة ..
بس هما حاطين 12 كرسي في الطاولة الواحدة !!
و القاعات عادة يحطو 8 - 10 كراسي ..
بس حجمها حلو و برح و يشيل ناس كتير ..
أظن قالولي 500 شخص ..
و مدخلها حلو .. و من جوة مرتبة .. و من برة حلوة ..
بس فلوسها مرة مو حلوة :23: ..
و حاسة الراجل مفتري في السعر كتير على ولا شي !!

إحتفالات الشرق الأوسط ..
شكلو صاحبها فلسطيني ولا شامي و مسوي فيها سعودي
و بدوي كمان !! قم بس قم !!
أقولك قال لي لازم تعزمي 450 شخص ..
و عرضه حلو بـ 53 ألف على 450 شخص ..
و البوفيه حقه مليان .. و العرض يشمل حاجات كتيرة ..
بس لازم يفتحها لـ 450 شخص !!
قلت له يا إبن الحلال ما عندنا ناس !!
أفتحلي هي على 200 شخص ؟؟
قال لي لا ..
و حاولت معاه كم مرة لأنه بصراحة القاعة فيها
درج خرافي :( .. و بلكونتها حلوة ( فوق الكوشة ) ..
قام قال لي جيبي معازيمك الـ 200 أو 250 و أنا أجيبلك
الباقي ألين يكملو 450 .. و أفتحلك القاعة !!
يمين بالله بغيت أديله بوكس على وجهه :23: !!
و من جد يتكلم !! مو مزح !!
و عادها كم مرة !!
آخر شي قلت له : تبغا تعزم ؟؟ أعزم بكيفك !!
بس مو على حسابي !!
أنا مالي و مال إللي تبغا تعزمهم ؟؟
أنا ماعندي غير 200 شخص .. يا نتفق و نحدد الموعد ..
و أديلك عربون ..
أو قول لا .. و بين البايع و الشاري يفتح الله !!
و قفلتها معاه و خرجنا و سبناه ..
و حتى في التليفون قالها تاني ..
و بغيت أقفل السماعة في وجهه !!
من جد مرة وقح !!
و حتى كذا مرة يغير كلامه ..
يعني مرة قال 450 شخص .. بعدين قال لا لا لا لا
أنا قلت لكم ( إلى ) 450 شخص !!
حسيته يتخبط في كلامه !!
و خلاني صرفت نظر عن القاعة تماما ..

و نسايم ليل .. حلوة و فخمة .. بس برضو غالية ..
إيجارها فاضية لـ 150 أو 200 شخص بـ 27 ألف ..
و كل ما زاد عدد الأشخاص يزيد السعر ..
غير البوفيه من الدار البيضاء أو محل تاني مدري مين هو ..
بس القاعة رايقة مرة ..
و فيها حركة حلوة .. الدرج إللي على طرف الكوشة يطلع
على فوق شوية ( كهربائي) .. و تكون الدبل معلقة ..
ياخدوها العروسة و العريس و يلبسو بعض ..
و بعدين ينزل الدرج تاني مرة و يكملو الزفة ..

يارا .. أنا شخصيا مرة ما عجبتني ..
و الراجل المسؤول هناك المصري برضو مرة ما عنده أسلوب ..
خلانا كلنا نتنرفز بكلامه و فلسفته الفاضية ..
و ما حسيتها منظمة .. ما أدري أنا ما عجبتني !!
و جنب حلقة الخضار !!


***************************************
و المشكلة إنه وقت الزفة غصبا عنك تلاقي
الناس إللي ما تطيقيهم في وجهك !!
ما تدري من فين يطلعو لك !!

و أنا يوم ملكتي كذا شي خرب زفتي ..
أول شي أنا متوترة .. و رهبة الموقف ..
و من ناحية سارت مواقف بايخة من أهلي ..
و من ناحية تانية تدخل أهل العريس و خالاته !!
يعني أنا مسوية الملكة .. و مسوية بروفة عالزفة ..
و فيه المشرفة حقت القاعة .. وكل شي مرتب ..
( و أصلا في الملكة أهل العريس يجو ضيوف !! ) ..
أيش دخل أهله يجو يتدخلو في الزفة و يقولو له تعال هنا ..
أمشي هنا .. يلا تعال .. أمشي .. أمشي ..
و إحنا لسة واقفين في البلكونة !!
و يأشرو له .. أنزل .. أنزل .. تعال هنا .. أمشي ..
و ربشوه .. و خلوه يتنرفز .. و يتوتر ..
و حسب نفسه مسوي شي غلط .. وسار يمشي بسرعة بسرعة ..
و ينزل الدرج درجتين درجتين !!
مع إني أنا فهمته قبل الزفة و قلت له حنعمل كدة و كدة !!
عشان لا يستغرب .. وقلت له خليك ماشي زيي ..
و المشرفة قدامنا هي تقول لنا متى نمشي و متى نوقف ..
لكن جوو و أتدخلو و خربطو الدنيا !!

و إن على حريم الأخوان ..
مافي في الدنيا عقربة زي مرت أخويا و أهلها !!
حسبي الله و نعم الوكيل فيها ..
أوسخ مخلوقة في تاريخ البشرية !!
و أخويا مقاطعنا و كارهنا كلنا بسببها ..
لا تشكيلي أبكيلك !!
و هي أول من نرفزني و حرق لي دمي يوم الملكة !!
الله ينتقم منها و يكافيها و يحرق دمها و يفضحها عند أخويا ياااارب ..
حسبي الله و نعم الوكيل فيها ..

و أيش إللي تبغي تعرفيه في حكايتي ؟؟
إنتي أسألي و أنا حاضرة :) ..

و بالنسبة لزوجي .. هو كان مسوي البطيط ..
بس سار موقف خلاه يفوق و يصحى من غفلته ..
الله يقوي إيمانه و ينور قلبه و يهدي لي هو و يحببه فيا
و يحنن قلبه عليا ياااااااااااااااااااارب ..
و يبعد عننا عيال و بنات الحرام ياااااااارب ..
و يتمم لنا زواجنا على خير يااااااارب ..
بالله عليكم أدعولي :( ..


و بالنسبة للقاعات أصبري أجيكي في الطريق ..
أنا أعرف قاعات صغيرة كتيرة ..
بس أغلبها بدون بلكونات ..
ماعندك مشكلة في البلكونات ؟؟
و في حدود كم السعر إللي تبغيه ؟؟
و تبغي فندق ولا قاعة ؟؟
ردي عليا عشان أجيب الملف حقي :23: ..


تحياتي ..
جــــــــداويــــــــــــة