السلام عليكم و رحمة الله و بركاته ..
فينكم يا بنات ؟؟
كيف حالكم ؟؟
أيش مسويين ؟؟
وحشتووووني :( ..
عارفة إني جبت لكم إكتئاب بالموضوع إللي حصل لي :06: ..
أستنوني أرجع أحكيلكم القصة و إللي سار معايا ..
الله يجبر بخواطركم زي ما جبرتو بخاطري :) ..
تحياتي ..
جــــــــداويــــــــــــة
السلام عليكم و رحمة الله و بركاته ..
فينكم يا بنات ؟؟
كيف حالكم ؟؟
أيش مسويين ؟؟
وحشتووووني...
كنت في البداية ابغى اقترح عليك اسماء قاعات فيها بلكونات فخليني اول اقلك كم اسم:)
عندك القاعة الذهبية حلوة ولا تقولي لهم عندي 100ولا 200 قولي لهم ابغى القاعة وبس واعتقد سعرها 15.000 بس ماادري فيه عشاء و لالا؟ وفيها بلكونة مرة حلوة حركتها تقريبا هي اكثر بلكونة عجبتني
وعندك السلطان فيها بلكونة وصغيرة بس لونها اخضر ماعجبني وبلكونتها كانها في الدور الثالث:)
وقاعة سهارى مرة حلوة بلكونتها ناعمة بالمرة وفيها اصناصير على شكل بلكونة والقاعة فخمة ومرتبه وتراها حلوة عن جد
البسيوني في حي الجامعة حلوة لكن قدددددددددددددددددددددددددددددددددددددددددددددددديمة سوينا فيها فرح اخويا قبل 16 سنة
بس ترى هذي القاعات كلها في حي الجامعة:)
في امنيتي فيها بلكونة صغنونة وكم درجة بس القاعة حلوة لكن ماعجبتني مكانها في الوزيرية قريب من حي الجامعة
الرفيدي مرة ماتساهل ماعجبتني ابدا
في احتفالات الشرق الاوسط على الخط السريع ونوف كمان على الخط السريع حق طريق المدينة ترى الخط هذا كله قاعات
يارا كمان حلوة وفيها بلكونة
المنصور ترى حلوة القاعة الكبيرة وفيه بلكونة ودرج بس البلكونة مررررررررررة عالية
كمان القاعة الصغيرة حلوة بس مافيها ممر تمشي عليه العروسة تمشي على الارض ومهم الممر علشان تباني
فندق الواحة صح قديم ومغبر بس والله روعة سويت ملكتي في القاعة الصغيرة والقاعة الكبيرة فيها بلكونة بس صغيرة ويعمل لك الكوشة واعتقد سعرها 10.000 حريم بس مع العشاء والكوشة والمدير استاذ هاني جدا متعاون
الكازار مرة مايسوى ماانصحك حتى تروحي تطلي عليهم المديرة حقهم استغفر الله كانك تشحتي منها مع ان سعرها نفس سعر فندق الواحة بس اخذت الواحة علشان التعامل النظيف:)
تصدقي انا زيك حايسة مرة في القاعة حق الفرح مع ان لسى باقي 6 اشهر على الموعد اللي حدده العريس:) بس مشكلت عريسي ماعنده فكرة عن جدة ابدددددددددددا فاانا بقعد اقله شوف كذا وشوف كذا لانه مسكين مايعرف فادور له على الارقام واعطيها له علشان يتصل هو
ومسكين خايف يجيب لي شي مايعجبني ويارب يفضل كذا على طول حاطني في عينه
وانا كمان بحطه في عيني ان شاء الله:)
الحين ابغى قاعة صغيرة سمعت القلعة والدانة ترى انا ماابغى استراحة نهائيا بس ابغى قاعة حلوة ونظيفة وجديدة مايكون احد من اهلي عمل فرحة فيها وتكون ل200 شخص وماتتعدى ال10.000 ريال ابدا لو اقل احسن:)
طبعا رجال وحريم ان شاء الله احد من البنات تساعدني
وتصدقي اني زيك حست في الملكة ادور قاعة وسبحان الله اني حجزت القاعة كذا من غير ترتيب ولا تنظيم وكنت قبلها ماخليت اتصلت على كل الفنادق وكنت ابغى قاعة 50 شخص علشان ملكة وفي قاعات يرضوا وقاعات لا
الواحة طبعا اخذ مني زيادة في السعر بس عملي الكوشة وكيكة العروسة واعطاني رقم المصورة وساعدني كثير
تصدقي قاعة ريفان كم مرة اتصل عليهم مايرضى يقولي السعر يقول تعالي ونتفاهم بس ترى عندهم قاعات صغيرة لكن مشكلتك ماتبغيها:)
بنات استغلوا موسم التخفيضات ترى الحين ستي بلازا تخفيضاته يجننننننننننننننننننننن
الحين نجي على مشكلتك صراحة زعلت كثير ماهو علشان زوجك سمع كلام عمه وصاحبة لكن لانه سافر وخانك والله لو اموت عليه لانفصل على طول
يابنت الناس الايدز صاير زي الموية منتشر
واحد من جماعتنا الله يستر عليه ويرحمه مات بالايدز:(
يعني هذا الموضوع مرة ماتتساهلي فيه
خيانة والله لحالها تخليك انت تطلبي الطلاق ماهو هو وانا ماابغى اهدم حياتك بس والله خايفة عليك من خوفي على نفسي لو لاقدر الله كنت في موقف زي كذا؟
بالله عليك خليه يسوي فحص واصري ولزمي وفشليه خاصة بعد سفرته للبحرين ياساتر يارب ولسى بيكملها باندنوسيا؟؟ ولسى له وجه يطلب الطلاق!! الله يلطف
صدقيني اني مرة تفاعلت مع مشكلتك لاني بديت الصفحات من البداية فكاني عشت معاك كل الفترات لين وصلت للخبر هذا تجننت