السلام عليكم و رحمة الله و بركاته ..
أختي ام فيصل 999 ..
العمر كله يا رب إنتي و زوجك مع بعض :) ..
ماشاء الله تبارك الله ..
ديميتريوس أغلب فساتينه ناعمة و ستايل أجنبي ..
و شي مرة ناعم و راقي ..
أنا شخصيا تعجبني فساتينه و الستايل حقهم ..
بس فيهم عيب واحد ..
يطولو ألين يجيبو لك الفستان !!
يعني لمن رحت لهم قال لي لازم شهرين
ألين يوصل الفستان !!
حسب الموديل و المقاس إللي تختاريه ..
( و فيه بعض المقاسات و بعض الموديلات متوفرة
عندهم في المحل نفسه ) ..
وفيه كمان ماركة تانية غير ديميتريوس ..
عند بوتيك نسائي ..
برضو ستايل أجنبي .. و أحلى من دميتريوس ..
بس غاااااااالييييييي :( ..
يعني ديمتريوس يعتبر نوعا ما أسعاره مناسبة ..
فيه الغالي و المتوسط و المقبول ..
رهيد .. شغله مكرر ..
و كل فساتينه شبه بعض !!
و غااااااااالي عالفاضي !!
يعني أسعاره مرة مبالغ فيها بالنسبة لشغله !!
و ماعنده أفكار جديدة !!
( رأي شخصي !! ) ..
و المساعدية .. يبغاله لفلفة .. بس تطلعي منه
بفساتين حلوة :) ..
وترى في سوق لمسات إللي في البوادي ..
شوفت فساتين شبه إللي في المساعدية !!
و تقريبا بنص السعر ( فرق كبير في السعر ) !!
تحياتي ..
جــــــــداويــــــــــــة
السلام عليكم و رحمة الله و بركاته ..
أختي ام فيصل 999 ..
العمر كله يا رب إنتي و زوجك مع بعض...
أختي سلطانه جده ..
يختي منتي لوحدك إللي مزاجك مقلوب :23: ..
خليها على ربك بس يا شيخة ..
و أنا حأشوف القاعة و يسير خير :30: !!
>>>> خخخخخخخخ لا تخافي ترى أنا أليفة ..
رماس .. أو ريماس ..
أنا شوفتها من برة ..
عشان كنت بأشوف محلها فين ..
( وحدة عزمت ماما فيها بس ما راحت ) ..
هي ماخدة ركن عالشارع .. و لوحتها كنها بقالة !!
مرة لوحتها ماهي واضحة مزبوط ..
و شكلها صغيرة .. بس مولعين لها لمبات عشان تبان ..
بس كيف شكلها من جوة و بكم ؟؟
ماااااااااا أدري !!
بسهي عموما في شارع حراء و إنتي متجهة عالجواد الأبيض ..
تلاقيها على يمينك كدة في الركن ..
يابنت إنتي مو جالسة تقولي خطيبي و زواجي مدري أيش !!
ولا أنا لخبطت ؟؟
يعني إنتي مخطوبة و لسة ما سويتي ملكتك ؟؟
ولا أيش هرجتك :) ؟؟
و إن كان عالذوق الصعب ..
كلنا في الهوا سوا :23: ..
>>>> ما يعجبها العجب ولا الصيام في رجب :23: !!
بس لمن يجي وقتها .. خلاص من الطفش تسيري تمشي
حالك وما تدققي كتير :) ..
>>>> حتكرهي شي إسمه أسواق و شوارع و مشاوير
و سيارات و حتى باب بيتكم ما عاد تبغي تشوفيه !!
تحياتي ..
جــــــــداويــــــــــــة