جدواية كتبت لك رد طويل في الصفحة 18:) شكلك ماشفتيه:)


الجامعة مول قدام دوار الجامعة وجنبه الجامعة بلازا وقدام الجامعة مول بالضبط الجامعة الشعبي دكاكين تحت البيوت بس ماشاء الله اسعارهم $$$ على بالهم ماركات:)

تبغى مطربة اسلامية عندك ايمان معمري وفي احلام دقهم مرة حلو واذا تبغى عادي مطربة عادية في حضرت لوحدة اسمها فاديا على مااعتقد انها مصرية بس دقها روعة

ياليت مصور يابنات وتكون صورها رهيبة

السلام عليكم و رحمة الله و بركاته ..

أختي سلافة2120 ..
يا بنتي رديت عليكي رد أطول من ردك :) !!
وفي نفس الصفحة !!
ما شوفتيه ؟؟

و إيمان معمري أنا حضرت لها و عجبتني ..
بس في التاريخ إللي إحنا حددناه هي محجوزة :( ..
>>>> قايلتلكم قردة ما صدقتوني !!

أحلام ما أعرفها ..
كيف دقها ؟؟
و كيف ليلتها ؟؟
يعني تحرك الناس ولا تنومهم ؟؟

و فاديا دي سمعت عنها بس قالولي فلسطينية ؟؟
برضو نفس الأسئلة إللي فوق :) ؟؟
بس قالولي غالية !!

أنا أبغا في حدود 4 - 5 آلاف مو أكتر !!
و لو فيه أقل ما أقول لا :23: !!

أنا ما أبغا إسلامي إللي هو أناشيد و محاضرات
و فوازير و مسابقات !!
أستغفر الله العظيم يااااربي ..
أبغا إللي هو دق عادي بس بالطيران .. بدون أورج ..
فهمتي ؟؟

و إذا تعرفيلي أرقامهم أو أسعارهم بالله أرسليلي هم ..
و التفاصيل عنهم .. حتى لو بالخاص إذا ممنوع هنا !!

و بالنسبة للمصورات إنتي كيف ميزانيتك ؟؟
و تبغي فوتوغرافي و فيديو و لا واحد فيهم ؟؟
لأنه أنا أعرف مصورات كتيرين و حلوين بس
أسعارهم نار يا حبيبي نااااااااااااااااار :( ..

و أنا ألين دحين ماني لاقية تصوير فيديو كويس بسعر
معقول .. كلهم يقولو لي 3000 و 6000 ( فيديو فقط ) !!
أبغا مصورة فيديو محترفة و سعرها كويس ياااااانااااااس :06: ..


تحياتي ..
جــــــــداويــــــــــــة

السلام عليكم و رحمة الله و بركاته ..

أختي الهنوووووووف ..

أنا على ما شفت .. طالعين بالكاسات الكبييييييييرة ..
أنا شخصيا ما عجبتني ..
( يعني الكاسة كأنها جك أو سطل :23: ) !! ..
مرة عفشة .. بس كتير يسووها .. حتى حقون المحلات
و الفنادق يقولو إنها مرغوبة !!
>>>> الناس أذواق !!

بس الفكرة الحلوة إنك تسوي كاستين ناعمين ..
و تزينيهم بالورد و الكريستالات ..
و تطلع من أحلى و أنعم ما يكون :) ..

أو كاسة وحدة يكون حجمها شوية متوسط ..
مو كبيرة .. و يشربو منها الإتنين ..

وفيه كاسات فخمة تجيكي الكاسة كريستال ..
و منقوشة بالدهبي عالأطراف .. مرة مرة مرة فخمة ..
و غالية ..
أشتري منها وحدة متوسطة و حطيها على تبسي
دهبي فخم .. تطلع شي مرة مرتب و فخم ..
وما تحتاج تزيين ولا شي .. لأن فخامتها كافية !!

أو تروحي المحلات حقت هادي الحاجات و تشوفي
أفكارهم ( بعض محلات الكلف يسووها ) ..
بس أنا ما عجبتني الجاهزة لأنهم مزينينها مرة كتير ..
و حاطين لها قماش و كلف و ورود و حركات و فصوص
و أشياء كتيرة .. و أنا ما يعجبني كدة :( ..
بس روحي و شوفي يمكن تلاقي شي يعجبك ..


تحياتي ..
جــــــــداويــــــــــــة

السلام عليكم ورحمة الله
احنا طلبنا فستان فرح اختي عن طريق النت :27:
وما كلف الا الفين ريال وكان روووعة ومقاساته مزبوووطه ولو خيطناه هنا كان تعبنا من كتر الروحة والجيه وما طلع مزبوط زي كده ولوتحبوااعطيكم المواقع
-------------
بالنسبة للمصوره اللي اتكلمتوا عليها اظن اسمها سهام، فيه ممكن احد يعطيني رقمها او عنوانها؟
--------
وابغى افكار لطرحة العروسة
واخيرا ايش رايكم في صالون مانا سنتر وحده اسمها نجلاء ولا تنصحوني بصالون تاني؟
وسلامتكم
:icon28:

جداويه وسلافه حبيباتي لو شوفتوا القاعه اوصفولي شكلها :D لاتنسوا

جداويه انا مخطوبه وملكتي بأي وقت يمكن تكون وانا خايفه :icon33: كل شوي اقول لا بعدين انا أاخرها ولا هو مستعجل آآ خر شي قلتلهم خلاص اول الصيف املك عشان الجامعه والاختبارات وبس :27: