كوبونات الراقية تسجيل الدخول

جـــداويـــــــــة
جـــداويـــــــــة •
جـــداويـــــــــة جـــداويـــــــــة :
السلام عليكم و رحمة الله وبركاته .. أختي mnory .. إيمان على وقت زواجي إن شاء الله محجوزة :( .. و أنا أبغا وحدة زي إيمان منعنشة و مفرفشة .. لأنه إيمان أنا حضرت لها و شوفت كيف ليلتها .. زهري الغامدي هادي سمعت بيها .. بس عمري ما حضرت لها ولا أدري عنها .. كيف ليلتها ؟؟ و كيف صوتها ؟؟ و بكم تجي ( أهم شي السعر ) ؟؟ و إذا عندك رقمها يا ريت تعطيني هو :) .. و فاطمة هتاري كمان ؟؟ وفي المصورات أنا و أهلي من زمان نتعامل مع ضاوية .. في التصوير الفوتوغرافي فقط .. بس أنا دحين أبغا فيديو لحاله .. و الفيديو عند ضاوية بـ 3000 !! مرة غالي :( !! بس أنا للآن ماني لاقية مصورة فيديو محترفة .. و بسعر معقول .. كلهم يقولولي 3000 - 6000 !! و حاطة فيديو ضاوية آخر الإحتمالات :( .. لو ما لقيت غيرها بأرخص .. الله المستعان حأضطر أجيبها و أدفع لها :( !! تحياتي .. جــــــــداويـــــــــــــة
السلام عليكم و رحمة الله وبركاته .. أختي mnory .. إيمان على وقت زواجي إن شاء الله محجوزة :(...
السلام عليكم و رحمة الله و بركاته ..

>>>> :06:

الجهاز علقققققق و كل الردود الباقية راحت :30: ..

I'll Be Back :06:


تحياتي ..
جــــــــداويــــــــــــة
جـــداويـــــــــة
جـــداويـــــــــة •
جـــداويـــــــــة جـــداويـــــــــة :
السلام عليكم و رحمة الله و بركاته .. >>>> :06: الجهاز علقققققق و كل الردود الباقية راحت :30: .. I'll Be Back :06: تحياتي .. جــــــــداويــــــــــــة
السلام عليكم و رحمة الله و بركاته .. >>>> :06: الجهاز علقققققق و كل الردود...
السلام عليكم و رحمة الله و بركاته ..

ما أدري أيشبو المنتدى خرف ؟؟
سار لي أكتر من ساعتين من آخر رد و يقول لي
لازم تستني عشرين ثانية ألين ترسل الرد !!
و مو راضي يرسل ردودي !!

أيش دا ؟؟
مدري كمان دا حيترسل ولا لا :( ؟؟


تحياتي ..
جــــــــداويـــــــــــة
a7la rose
a7la rose •
جـــداويـــــــــة جـــداويـــــــــة :
السلام عليكم و رحمة الله و بركاته .. >>>> :06: الجهاز علقققققق و كل الردود الباقية راحت :30: .. I'll Be Back :06: تحياتي .. جــــــــداويــــــــــــة
السلام عليكم و رحمة الله و بركاته .. >>>> :06: الجهاز علقققققق و كل الردود...
انا ملكتي بعد العيد انشالله بس حايسة مره ماني عارفه فين اسويها ابغى استراحه تكون صغيره لاني مارح اعزم احد غير اهلي واهله بس ماشالله كثييييرين وبيتنا مايشيلهم ابغى استراحه صغيره وماتكون في اخر الدنيا ابغاها قريبه ومايهمني اي شي تاني غير انها تكون نظيفة ومرتبه لاني مارح اسوي زفه ولا شي..
بنات بالله اللي تعرف تقولي لاني حايسه بالمره ومافي وقت :44:
جداويه تصدقي اني حبيتك شكلك ذووويقه وراسك ناشف زيي بروح احكي لأبويه اني لقيت وحده زيي لانه دايما يقول ماشفت وحده زيك راسها ناشف ومايعجبها شي :27:
الله يفرج همك ياعسل وكل المسلمين يارب :26:
a7la rose
a7la rose •
جـــداويـــــــــة جـــداويـــــــــة :
السلام عليكم و رحمة الله و بركاته .. >>>> :06: الجهاز علقققققق و كل الردود الباقية راحت :30: .. I'll Be Back :06: تحياتي .. جــــــــداويــــــــــــة
السلام عليكم و رحمة الله و بركاته .. >>>> :06: الجهاز علقققققق و كل الردود...
ونسيت اسألكم احد جرب مكياج pace e luce؟؟اللي في مركز العبداللطيف اللي قدام مستشفى عرفان؟؟
وبعدين محتاجه اسوي تقشير لبشرتي وجسمي بس ماني عارفه فين اروح؟؟
فيه ناس مدحو لي دكتور سوري في مركز المحترفون في النخيل بس ماعرف اسمه
عن جد مافي وقت :06: قاعده افكر مليون مره اني أاجل الملكه :(
جـــداويـــــــــة
جـــداويـــــــــة •
جـــداويـــــــــة جـــداويـــــــــة :
السلام عليكم و رحمة الله وبركاته .. أختي mnory .. إيمان على وقت زواجي إن شاء الله محجوزة :( .. و أنا أبغا وحدة زي إيمان منعنشة و مفرفشة .. لأنه إيمان أنا حضرت لها و شوفت كيف ليلتها .. زهري الغامدي هادي سمعت بيها .. بس عمري ما حضرت لها ولا أدري عنها .. كيف ليلتها ؟؟ و كيف صوتها ؟؟ و بكم تجي ( أهم شي السعر ) ؟؟ و إذا عندك رقمها يا ريت تعطيني هو :) .. و فاطمة هتاري كمان ؟؟ وفي المصورات أنا و أهلي من زمان نتعامل مع ضاوية .. في التصوير الفوتوغرافي فقط .. بس أنا دحين أبغا فيديو لحاله .. و الفيديو عند ضاوية بـ 3000 !! مرة غالي :( !! بس أنا للآن ماني لاقية مصورة فيديو محترفة .. و بسعر معقول .. كلهم يقولولي 3000 - 6000 !! و حاطة فيديو ضاوية آخر الإحتمالات :( .. لو ما لقيت غيرها بأرخص .. الله المستعان حأضطر أجيبها و أدفع لها :( !! تحياتي .. جــــــــداويـــــــــــــة
السلام عليكم و رحمة الله وبركاته .. أختي mnory .. إيمان على وقت زواجي إن شاء الله محجوزة :(...
السلام عليكم و رحمة الله و بركاته ..

>>>> نتابع :) ..


بالنسبة للعطور العربية أنا أحب العودة فقط ..
ما أحب المخلطات و لا المسك والعنبر و دي الحاجات !!
سبحان الله أحسها تدوخني !!
و ما أستعمل غير العودة الدهن و الخشب ..

و أيش حكاية البخور دي كمان ؟؟
أيش أسوي به ؟؟

أنا حاطة في بالي أشتري عودة دهن و خشب و خلاص !!

و أيش حكاية اللبان ؟؟
لبان حق الأكل ؟؟
و لا قصدك المستكة حق البخور ؟؟
و كيف يستعمل ؟؟ يعني أحط اللبان مع العودة أو البخور سوا ؟؟

و أيش بخاخ الأثاث دا كمان ؟؟
معطر للأثاث يعني ؟؟
و لا شي متعلق و مرتبط بالبخور نفسه ؟؟

و كمان يعني هو بخور للبيت ؟؟ و لا لشي تاني ؟؟
>>>> دايما أقرأ في المنتدى بخور و ما بخور ..
و بخري و لا تتبخري !!
معليش خديني على قد عقلي :23: ..
بس لخبطتيني خصوصا إنك قلتي أشتريتي 15 نوع !!
عشان أيش ؟؟ أيش تسوي به ؟؟

يعني أنا أهلي دايما ما يستعملو إلا العودة الدهن و الخشب ..
و للبخور العودة و أحيانا معمول من القرشي أظن ..
هادا إذا كان فيه ضيوف أو فيه أحد في البيت ..
و الأيام العادية نبخر البيت بالمستكة .. ريحته حلوة و رايقة
و تغطي على ريحة الزفر و الطبيخ و إقتصادي :) ..
بــــــــــــس !!


و بالنسبة للكورنيش ترى فيه فرق فظيع في السعر بينه وبين
وجوه و قزاز و باريس غاليري و كل الأماكن التانية !!
أنا آخر مرة أشتريت من باريس غاليري عطر سينما ..
حسيته مرة غالي .. و أكيد إنه في الكورنيش أرخص بكتير ..
لأنه حتى حق باريس غاليري قال لي سعرين لنفس العطر ..
و لمن قلت له أيش الفرق بينهم ؟؟
قال لي العطر هو نفسه ..
بس واحد كرتونه دهبي أملس و التاني كرتونه دهبي فيه بروز
( زي الحفر مدري النقش ) !!
حتى طالعت فيه بنظرة غبية :23: و قلت له :
في الحالتين كله في الزبالة !!
راح من نفسه فهم و أعطاني الأرخص :23: !!
قال أدفع فرق و زيادة فلوس عشان شكل الكرتون !!
ليش أبغا أحطه في برواز أنا !!
و الله العظيم تفاهة ..
و التفاهة الأكتر من إللي تسوي فيها كاااااااش
و تشتري أبو كرتون منقش !!
قــــمـــــــة في الإستغلال و غباء الزبون !!

و سمعت ناس يقولو إنه روايح العطور تفرق ..
و إنتي تقولي لي تفرق و تتغير !!
بس أنا جربتها .. و من أحسن الماركات .. مافي فرق !!

و مكياجاته كلهم يمدحوها و ما سمعت أحد أشتكى منها ..
و صاحبتي تقول لي حتى فور إيفر سار ينباع هناك و أرخص !!

يا بنتي أنا بنفسي ما كنت أصدق ألين شوفت بعيني ..
فيه كريم كنت أشتريه بـ 180 ريال ( الحجم الصغير ) ..
و روحت دورت عليه في الكورنيش و لقيته أظن عند بقشان
بـ 60 ريال ( الحجم الكبير ) !!!!
و نفسه الأصلي .. لا هو مقلد و لا هو قديم ولا فيه ولا شي !!
أيش تبغي أكتر من كدة ؟؟
بغيت أشتري درزن من الفرحة هداك اليوم :23: ..


و أنا مكياجي For Ever و MAC .. و أحيانا أشتري
حاجات معينة تعجبني من ماكس فاكتور و ريفيلون و بورجوا
و بودي شوب .. بس الأساسيات من فور إيفر و ماك ..
و كمان أشتريت شادو ألوانه مرة حلوة من مكياجي ..
و أفكر أشتري من عنده الفرش حقت المكياج ..
لأنه سعرها مناسب و شكلها حلوة و ممتازة ..
حتى قريت وحدة في المنتدى خبيرة مكياج تمدحها ..
( يعني أنا ما ألتزم بماركة مكياج معينة غير في الأساس
و البودرة و الكونسيلر و الأشياء الأساسية ) ..

>>>> تابعي بس بعدين ..
Break :27:


تحياتي ..
جــــــــداويــــــــــــة