السلام عليكم و رحمة الله و بركاته ..


Break يا سلافة راجعتلك بس خليني أرد هنا أول :) ..


أختي a7la rose ..
تسلمي يا قمر الله يسعدك ..
و آمين يارب الله يفرج همي و هم المسلمين يااااارب ..

و من ناحية الراس الناشف ..
ناشف و متحجر و يبغاله تكسير كمان :23: ..

بس قبل ما نبدأ أبغا أسألك سؤال ملقوف :) ؟؟
تبغي تسوي ملكة و ماتبغي تتزفي ؟؟
كيف كدة ؟؟
و ليش ؟؟

و بالنسبة للقاعات و الإستراحات ..
شوفي ردودي لسلافة .. كلها أشياء على طلبك ..
بس ما أظن إنه في إستراحات وسط البلد !!
>>>> ماعندها خبرة في الإستراحات !!

بس أنا قلت لها على قاعات سعرها بسعر الإستراحات ..
و أحسن من الإستراحات كمان !!

و أرجعي لردودي و أقريها تاني :) ..

و صالون Pace e Luce نقلو في التحلية أظن ..
ما أدري إذا لسة فيه في العبد اللطيف ..
بس ما جربتهم ..

و تبغي تسوي تقشير روحي أوباجي ..
بس الله يعينك على خرررررررط الفلوووووس :23: ..
بس بصراحة النتيجة 100% و حتنبسطي ..

و لا تأجلي الملكة ولا شي ..
لأنه التأجيل مو طيب ومايجي من وراه غير المشاكل :( ..
>>>> مجربة :06: ..
و بعدين هو في الملكة ما حيشوف جسمك !!
سوي وجهك دحين و خلي جسمك أشتغلي فيه
أيام الملكة ألين ما يجي وقت الزواج !!

و يلا شدي حيلك :) ..


تحياتي ..
جــــــــداويــــــــــــة

السلام عليكم و رحمة الله و بركاته ..

>>>> ســـــلافـــــــــة :06: ..
جننتيني :06: ..
خليتيني جالسة أكلم نفسي :06: ..
و خلاص ماني عارفة أرد على أيش ؟؟
و أسأل على أيش ؟؟
و أقول أيش ؟؟
و أكتب أيش ؟؟
و أيش و أيش و أيش ؟؟

خلاص شكلي لازم أشتري دفتر جديد !!
و أرمي إللي عندي في الزبالة !!
:06: ..

كمان إنتي تعالي شوية بدري و ردي حبة حبة :( ..
عشان نعرف نهرج زي الأوادم !!
كدة شتتي تفكيري :06: ..

أرجعلك بعدين في العصر إن شاء الله و أرد على باقي
كلامك .. عشان تردي على أسألتي كمان !!

Break


تحياتي ..
جــــــــداويــــــــــــة

ماابغى زفه لانه مالها داعي اصلا ولو بيتنا يكفي كان سويتها في البيت يعني الضيوف يروحو يتعشو ولما يرجعو يلاقوني جالسه ويسلمو علي وانتهت القصه.. الملكه رح تكون كأنها عزيمه عاديه مره.والزفه خليها للزواج وهذي رح تكون مشكله مررره كبيره ماابغى افكر فيها دحين لاني رح اتعب..ببساطه انا وامي مانروح زواجات الا الاهل المقربيييين مررررررره وانا البنت الوحيده يعني بالعربي ماافهم في السوالف هذي لا وكمان فيه عندي مشكله :29: اتخيلو اني احس المطربه مالها دااعي ومااحب اصواااتهم ودقهم يفجر راسي والزفه والحركات هذي اللي تتكلمو عنها ماافهم فيها شي.. ايوه والمكيااااااج ااااااااه من المكياج مااحب اللي يحطوه الكوفيرات للحريم استغفر الله كيلو مكياج والا كله كوم وان كريم الاساس افتح من لون البشره بمليون درجه كوم تاني يعني بيموتو لو حطو نفس درجة البشره؟! المشكله مهما فهمت الكوفيره اني ابغى مكياج خفيف برضو يطلع قررف تصدقو مره وحده في حياتي سويت مكياج بالغلط عشان زواج ولد خالتي رجعت البيت وغسلته مع ان كل الناس يقولو يجنن لدرجة ان البنات في المحل يقولولها سوي لنا زي مكياج هذي بس ماعجبني مافيه شي يدخل مزاجي وان كان على اوباجي
انا اصلا لي سنه على كريمات اوباجي والنتيجه كانت حلوه مرررررررررره بس طفشت :29: ووقفت الكريمات من راسي لي شهر ودحين احس بشرتي باهته يبغالها شي ماني عارفه ايه بالضبط

بناااااااات طلعت لكم جداويه تانيه :30:
<<<<<<<<<<<<<<<<<<<جداويه رقم 2

السلام عليكم و رحمة الله و بركاته ..

ســــــــلافـــــــــــــــــــة :30: ..
راجعتلك :) ..


a7la rose ..
لكي حساب تاني معايا إنتي :23: ..
بس أصبري عليا ألين الليل إن شاء الله ..
:30:

>>>> لا زال الـ Break مستمر ..


تحياتي ..
جــــــــداويــــــــــــة

شوفي انا مرة اتصلت على استديو تصوير وقالت لي ب3000 بس تقول الصور كلها يدخلوها في الكمبيوتر وتكون كبرها قد المجلة وكلها يعملوا تاثيرات ويخلوا الوجه صااااااااافي
عاد عجبتني بالمرة بس السعر مرة احلى:)
انا ممكن اخليه فيديو وفوتوغرافي ب2000 بس اكثر لا
لاني ماادري عن العريس راح يدفع ولا راح يسحب من موضوع الصور
اخاف يخمني وادفع انا

والله عرس اكسبرس ماادري عنه سمعته قلهم
خلاص تأبروني على 300دولار اوكي قالوا له اوكي
انا حسبتها بسرعة وطلع 1500 تجننت:)
لو في هنا اروح ماعندي مشكلة:)

على سيرة قاعة جدة غير تصدقي اني مرة كنت معدية من هناك
وخليت اخويا ينزل ويسال على ايام الملكة
قله ب6500 علشان اجازة بس كان فيها فرح ولا كان نزلت وشفتها
بس شكلي اروح اشوفها كمان حطيتها مع القائمة

وعلى قولك العشاء للرجال وبوفية للحريم راح يكمل 10.000 مصاريف الزواج من غير المطربة والتوزيعات والكوشة والحلويات اللي على الطاولات
هذا غير الصورة والطاولة اللي عند الباب وبرضوا يبغى لها ترتيب وتنسيق
علشان كذا مانبغى نبالغ في سعر القاعة:)

وناوية اجيب صحن شوكولاتة يكون شكله حلو شوفت في النقلي اشكال روعة
وابغى يعملوا له زفة ويحطوه جنب الكوشة اشيله في بيتي:) احب بطني:)
تصدقي الحركة هذي يعملوها اللبنانيين يجيبوا شوكولاتة ويحطوها في بيت العروسة
علشان الضيوف لما يجوا ياخذوا عجبتني بالمرة وقررت اسويها

وابغى اجيب الفوفل حق بعد العشاء لاني اموت على هذي الحركات وبسويها
بنفسي ان شاء الله
تصدقي اني عملت علب الملكة للملكة وزينت العربية والشوكولا اللي توزعت في الملكة
وكلها طلعت روعة والله تندمت اني ماصورتها:( بس باقي عندي علبة ملكة اصورها لك

منتجع الكورنيش مااعتقد ماابغى منتجع
اخويا قلي على قاعة في الشراع بس مارضيت هذا كان ايام الملكة
حسيته مايصلح صراحة

الدار البيضاء ماابغاه لان جماعتنا سووا فيه فماابغاه
غير كذا مافي رجال
وقلت لك العريس يبغى يكشخ

انا مستغربة ليش الفرح عليكم اما عريسك هذا مدلع والله
نحن الفرح كله على العريس علينا المطربة والعروسة تضبط نفسها ولو في مثلا
توزيعات او اي شيء زيادة تكون على العروسة لو هيا تبغى
والملكة على العروسة والغمرة على العروسة

والله الغمرة عندنا لازم حتى لو نعملها في السطوح لازم بالمرة
ونلبس احمر او اخضر هندي وتلقي اللبس في الشرفية اشكال انواع عند الهنود
أو ممكن تستاجري في محلات كثير تاجر عندك في الصحيفة او الجامعة وخذي واحد
جديد ماتلبس ولا مرة واجارة مرة رخيص ب100ريال

حرام عليك تبغيني البس زي ديانا قد ماتت وصارت تراب مالي فيها
فستانها من سنة جدي ياشيخة
ابغى موديل لبناني يكون كله شك في الصدر وتل تحت
انا ماابغى عريان او علاقي او هذا الموديل إلا بلا اكتاف ماابغى زي كذا ابدا
ابغى كت وشفت حركة بالشرعة يعملوها في اليدات ويطلع الشكل رائع عن جد

على قولتك القميص القصير مصيبة بس مشكلة قمصان النوم كلها قصيرة
اخذت من نعومي واحد ميكرو جيب مصدومة كل مااشوفه اتنح؟؟
طيب كان رحتي فرع ثاني لواحة الجلابية انت رحتي اي فرع؟
ابغى اروح اللي عند اخر فرصة علشان ابغى خطوات ابغى اخذ اطقم شنط وصنادل

اتوقع روبين تكفي وانا انفسك باقي لي هذي الروبين احسها مهمة

لا الهرم قمصانهم عادية صراحة ماهي حق عرايس بس يعني كمالة عدد
اللي اخذتها من الهرم مرة ماتصلح إلا لبعد سنة لانها شفافة بالمرة وخفيفة
وغير كذا قصيرة فمااعتقد بلبسها إلا بعد سنة ويمكن اكثر كمان
وصراحة عادية على قد سعرها ب15 و20 فيعني على قد سعرها تعتبر حلوة
واحسن من اللي برى بنفس السعر بس ماهي فاخمة

قطنيات اخذت بلايز قطن علشان الخرجات واخذت اطقم بجايم قطنية
واشتريت من وطني بجايم قطنية حلوة وماركات مخفضة
واخذت زي الملابس الرياضية القطنية برضوا اشتريتها من شبرا

كمان اخذت تنانير قصيرة فوق الركبة اخذت من جنيفر والحين ابغى اشوف برمود
لاني مااخذت تنانير ولا اطقم حلوة للخرجات
شفت الاطقم الكاملة بس اسعارها $$$ وصراحة مايعجبني شي
ولازم اي حاجة اشتريها اعدل عليها

خسااااااارة كانك اشتريتي من نعومي بس يالله خيرها في غيرها
بس اغلب الحريم هنا مايمدحوا نعومي يمدحوا لاسنزا وايتام

ههههههههههههه حلوة ماتعرفي تلبسي الشلح عادي خذي شلحة النصف والبسيها
تصلح مع التنانير علشان ماتلصق في جسمك
انا مااقدر امشي بلا شلحة نصف ابددا

انا عكسك مرة مااحب العودة شوفي العطور الشرقية البخاخة اللي ماتكون مركزة
تعجبني بالمرة
البخور لازم علبتين او ثلاث بس انااحب البخور مخلصة بخور بيتنا كله
علشان كذا اخذت علب كثير
اللبان اللي هو اعتقد المستكة اول مرة تحطي منه قطعة على الفحمة وتبخري
البيت كله وبعدين تستنيها تذوب او ترميها وتحطي العودا اللي عندك وخليها تبخر
يقولوا الريحة تمسك اكثر
ترى لا تنسي بخري ملابسك قبل ماتحطيها في الشنطة
بخاخ الاثاث تلقي منه في العربية للعود واجمل وكل محلات البخور هو يكون
له روائح كثير وميزته برضوا يخلي البخور يثبت في الاثاث ويخلي ريحة الاثاث حلو
وترشي منه على السرير والستائر
اذا ماتحبي البخور زي ماقلت لك خذي علبتين واحد عودة فخمة وواحد عادي لكل يوم
مااحب كثير ريحة اللبان المستكة بس لما قالوا لي يخلي الريحة تمسك قلت يالله خير ناخذ ايش ورانا
وطبعا لازم تشتري مخمرية لشعرك نسيت اقولك
علشان لما تحطي منها وتبخري شعرك يطلع ريحتك شي

هههههههههه يمكن الكرتون يفرق لما يكون هدية
والله الكورنيش اخذت منهم عطر حقت جنفر لوبيز وقلب وصار فليت الله لا يوريك
بس اخذت مرة ثانية عطر حق درعة وفضلت ريحته زي ماهي
ومرة ارسلت اخويا باسماء عطور زي سينما وغيره وجب لي اوراق فيها الريحة
وكنت قبلها بثلاث ايام رحت وجوه ومعايا اوراق الروائح
تصدقي بعد اسبوع حق وجوه زي ماهيا وحق الكورنيش الروائح صارت تقرف!
حتى انا انصدمت لاني كنت ناوية اشتري من عندهم
بس الحين افكر اخذ من محمود سعيد عطر وسيد جنيد عطر ويمكن شوفي يمكن
اخذ ستيلا او امني حق بولغاري من وجوه أو فكتوريا واحد من هذولي بس مااني عارفة اي واحد؟
بس ابغى عطور علبها صغيرة علشان الشنطة ماابغى علب كبيرة

فعلا فور ايفر شفته هناك بس صراحة ماسالت عن السعر لاني كنت ابغى منتج وماكان عنده
لكن مرة اشتريت مسكرة حق ماكس فاكتور اسبوع بالعدد ونشفت وبغيت ابكي عليها المشكلة انها عجبتني بالمرة ماتبقع وتطول الرموش
لكن ان شاء الله راح اخذها من ستي بلازا
وعندك ارواج ماكس فاكتور اسمها "لب فنتي" الروج 24 ساعة مايروح ابدا
اشتريته للعيد والله ارتحت بالمرة
راح اخذ كمان كم لون للفرح
المكياج ماجربت من الكورنيش غير المسكرا وماعجبتني
واخذت لمعة ريفلون من السوادي حقيقة ماكان بها شيء فضلت زي ماهيا
بس نفس المنتج ماعرفت له ماادري ماعنده سالفة
الظاهر احسن واحد السوادي ترى اعتقد فتح فرع له في مركز الصواري التجاري في شارع صاري
ترى انا انصحك الكورنيش العطور الفرنسية لا تاخذي منهم بس اذا انت مقتنعة خلاص:)
شوفي اذا اخذتي عطور وطلعت ريحتها حلوة قولي لي عليها اروح اشتريها
خاصة فيكتوريا سيكرت
لا تنسي خذي لمعة الدايموند من فور ايفر زي حق نانسي في اغنيتها الاخيرة
ترى اللمعة حلوة للعروسة

ويالله خلصي بريكك ماصدقت لقيت احد اسولف معاه:)


a7la rose الف مبروك هدي اعصابك ولا تتنرفزي اهم شيء تكوني رايقة
وان شاء الله بتلقي استراحة مادام ماعندك مواصفات صعبة فراح تلقي
شوفي عندك في السليمانية في حي النسيم في استراحات كثير
ليش ماتبغي تنزفي ترى عادي الزفة
الضوء ينطفي يحطوا الدائرة الضوئية هذيك عليك وامشي بشويش وشغلي مسجل واجلسي
مااحسها حلوة يروح يتعشوا ويجوا يلقوك جالسة؟؟ ليش
اسمعي كلامي وكلام جداوية 1 ياجداوية2 ههههههههههههه
ترى احلى شيء الزفة تحسي نفسك ملكة
ومايحتاج مطربة في الملكة
ومن بعد الملكة كل ماسمعتي فرح روحي علشان تتعلمي الحين انا صرت
كل فرح احاول اروح اشوف الافكار علشان اعمل زيهم