السلام عليكم و رحمة الله و بركاته ..

هلا *Fantastic*.. فينك يا شيخة ؟؟

آمييييييييييييييييييييين يااااااااااااااااااااااارب ..
يا شيخة الله يبرد قلبك زي ما بردتي قلبي بدعواتك ..


يا بنتي قلت لك شوفيلي أحد يسوي دورة
سيشوار ضد النفش :23: ..


و بالنسبة لأم زوجي ..
لسة أمس مسوية فيا فيلم ..
خلت صاحبتي و أمها لمن حكيتهم الحكاية
طلعت لهم قرون و هم في بيوتهم !!
و أنا خلاص سرت أتكلم معاه و حاطة يدي على فمي
عشان لا أقول شي يخرب الدنيا :06: ..
لأنه أبويا حلف عليا ما عاد أفتح هادي المواضيع معاه
تاني بالمرة ( بخصوص الدبش و الزواج و معازيمهم ) ..
و أختصرنا المكالمة سريع سريع و قفلنا ..

و كله من وراء حكاية الدبش و الجريرة إللي تبغا
تجيبهم معاها عشان يتفرجو على حاجاتي !!
و هو مو راضي يوقفها عند حدها و يقول لها
لا تجيبي كل هدولا الناس !!
أصلا يا ناس البيت ما يكفي !!
البــــيــــــــــــت مــــــا يــــكــــــفــــــــــــــــــي !!

وكمان كل شوية تقول لزوجي ( زي ماكانت تقول لي ) ..
ها .. ما حجزو قاعة ؟؟
ها .. ما حجزو فندق ؟؟
ها .. ما سوو الكروت ؟؟
ها .. متى حيعطوني الكروت ؟؟
أنا أبغا أعزم الناس ..
أبغا ألحق ..
أبغا أعزم حبايبي و أهلي ..
جيبولي الكروت ..
أبغا الكروت ..
أبغا و أبغا و أبغا و أبغا !!

يا ناس قوة عين زي كدة أنا ما شوفت !!
ما يكفي الزواج علينا .. و هي إللي مانعة
ولدها يشارك فيه ( عالأقل يدفع فلوس معازيمها ما دام
هي تبغا تعزم نص جدة !! )
و كل شوية طولة لسان و يجلسو ينرفزوني و يوتروني ..
و فوق كدة لسة لها وجه تبغا تعزم و تبغا كروت و تبغا
و تبغا و تبغا !!
أنا آخر شي قلت له ما أدري ما أدري روح كلم بابا
و هو يقول لك متى يعطيك الكروت !!
و قفلت الموضوع معاه نهائيا !!

على قول أم صاحبتي ..
تقول أنا في حياتي ما شوفت ناس زي كدة !!
وجههم زي الصفيحة :23: ..
و وجههم و قفاهم واحد !!


و بالنسبة للعطر .. أنا قلت لها الإسم و متأكدة
إنها ما راح تحفظه ..
بس المشكلة زوجي عارفه و عارف إسمه ..
و كمان أنا أشتريت له الرجالي منه ..
يعني هي عارفة إنه نفس الإسم و الماركة ..
و تقدر تاخد العطر حقه و تروح تقول للبياع أبغا
زي هادا حريمي !!
و من يوم ما قالت له عليه ..
جاء و أتأكد إنه هو ..
و على طوووول طيران عالسوق و أشترى لها
واحد و رجع :30: ..

و حتى لمن سألني عنه ..
قلت له لا لا لا لا تشتريه لها ..
قال لي ليش ؟؟
قلت له أنا أبغا أجيبه لها هدية بعدين !!
( و أنا طبعا حأغني لها يا ليل ماأطولك :23: ) ..
سكت و ما رد عليا ..
و مافي شوية إلا يقول لي ترى أنا أشتريت
العطر لأمي و مرة مبسوطة منه و عاجبها و و و و !!!!
و أنا خلالالالالالاص لو إنه قدامي ما أدري أيش كنت سويت فيه !!

و شوفيه من يومها و هو ما يطيق إني أحط منه ..
( أكيد سار يحس إنه أمه إللي جنبه مو مرته !! ) ..

مع إنه عطري أنــــــــا !!
و المفضل عندي و مرة أحبه ..
و أنا مشكلتي إذا علقت على عطر تلاقيني
أفضل فترة طويلة أستعمله و بعدين أبطل منه ..
و دا العطر له ذكريات كتيرة ..
و يكفي إني قلت لها هادا الشي ..
حتى قلت لها إني حطيت منه يوم ملكتي ..
عشان كدة أنا أحبه و زوجي يحبه ..
و عشان كدة أشتريته طقم الحريمي و الرجالي ..
( أبغاها تستحي شوية !! ) ..
يعني تقدر عالأقل إنه له خصوصية عند ولدها !!
ما دام هي ماهي حاطة خاطري في بالها !!

و كمان هو العطر الوحيد إللي كان يعجب زوجي ..
لأنه دايما يتضايق من العطور القوية لأنه زيي
عنده حساسية و إذا كان العطر قوي عليه يجلس
يعطس و يكحكح و يصدع و يدوخ ..

و شوفيه دحين كل ما أجي آخد رأيه في عطر تاني ..
يقول لي مو حلو .. قوي .. لا تحطي منه تاني ..
إنتي ليش كدة سرتي تستعملي روايح مو حلوة !!
مع إني و الله العظيم جايبة أحسن و أغلى و أفخم
العطور .. وما بأشتري شي مو كويس لأني أنا
بنفسي حساسة للروايح ..
و آخرها سينما حق أيف سان لوران ..
إللي حكيتكم عنه لمن أشتريته من باريس غاليري ..
و لا عجبه !!


الله يسد نفسها و تقرف منه ياااااااااااااااارب ..
:06:


و زوجي يا حبيبتي ما كان ولد أمه ..
بس زي ما قلت له في الفترة الأخيرة
( من يوم ما أتحدد الزواج ) ..
سارت هي تتحكم فيه و تجبره يسوي لها حاجات ..
حتى أخوه إللي أصغر منه ساير يلعب فيه لعب ..
كل مابغى شي .. يتصل عليه .. و لو صرفه و قال له لا ..
على طول تلاقي أمه تتصل و تقول له دحين تودي
أخوك .. دحين تجيب أخوك .. دحين تشتري لأخوك !!
و يقوم غصبا عنه و يروح يسوي له حاجاته ..
( و طبعا كل دي الإتصالات و الأوامر تجي لمن يكون عندي !! ) ..

فيه أكتر من إنه أخوه شاب في الثانوية ..
و كان عنده سواق خاص به ..
يوديه و يجيبه للمدرسة ..
( و ممكن يشترك مع باص المدرسة ) ..
لمن زوجي أتوظف .. و يبدأ دوامه الساعة 8 الصباح ..
و في الظهر ما ينام لأنها تجيب له مشاغل
و مشاوير من تحت الأرض ..
و ديني سوبرماركت .. وديني لأمي ..
و ديني الحلقة .. روح الحلقة ..
روح أشتري لي .. روحي ودي الأغراض دي لفلانة ..
إلخ إلخ إلخ من الأوامر إللي ما تنتهي !!

و بعدين يروح دوامه التاني ..
و في الليل ما ينام لأنه يرجع يسوي لأمه و أبوه و أخوه
أشغالهم + ( كل أهله التانيين إللي يبغو منه حاجات ) !!
و يادوب ينام ..
تعرفي متى تصحيه ؟؟
دوام المدرسة 6 و نص أو 7 صح ؟؟
تلاقيها مصحيته الساعة 4 و نص أو 5 الفجر !!
عشان يقوم يودي أخوه المدرسة !!
و أخوه يكون لسة نايم !!

يعني عارفة كأنها بتسوي له نظام حرق أعصاب !!
و شوفيه كل حرته و عصبيته و نكده و شر النوم يطلعه
عليا و يجلس يتنفخ فيا و يعصب عليا بدون سبب !!
كله عشان هو متنكد و ما نام كفاية !!

و حتى أنا بتحاول تتدخل في خصوصياتي ..
بس أنا ما بأعطيها وجه ..

لكن شوفيها تبغا تدخل نفسها في كل شي في البيت ..
و الفرش .. و أدوات المطبخ .. و كل شي متعلق بالعفش !!

و بتسيطر عليه بحكم إنها أمه ..
و هو ما يبغا يزعلها ..
لأنه قل ما قال لها شي ..
قالت له إهيء إهيء إهيء وجلست تبكي و تتبكبك له !!
و تحسسه إنه أرتكب خطيئة و إثم في حقها !!
و هو يقول لا لا لا لا أمي زعلانة ..
أمي جلست تبكي ..
خلينا ناخدها معانا و نخليها تختار لنا ..
خليها تجي معانا عشان تورينا أيش نشتري ..
أستني لمن أمي تفضى و تنزل معانا السوق ..
خليها بعدين أقول لأبويا و أقول لأمي ..
و أمي .. و أمي !!
( مع إنه كل شي يلزم البيت أنا كاتبته له في لستة
و هو عارف أيش لازم يشتري !! ) ..

و أنا ساااااااااااااااااااكتة ..
و مافي غير طيب و طيب و طيب و طيب !!

لكن من جواتي بأغلي !!
و حتى مرة كنت مرة معصبة و قلت له ..
أنا ماني عارفة هو بيتنا ولا بيت أمك !!
و زعل من الكلمة دي و سوى منها مشكلة ..

حتى صاحبتي قالت لي مادام يبغا أمه
تختار كل شي .. خلاص روحي أسكني في
بيت أهله !!
أريح و أوفر ..
و كله على ذوق أمه !!

حتى تصدقي في يوم من الأيام أيش قال لي ؟؟
قال لي خدي أمي معاكي و إنتي رايحة السوق
تشتري دبشك !!
عشان هي تبغا تشوف أيش أشتريتي !!
أنا هداك اليوم خلالالالالالالالالاص ما قدرت أسكت !!
و قلت له أيييييييييييييييييييييشششششش ؟؟
ليييييييييييييييييييششششش ؟؟
و سويت له فيلم هندي و قلت له معلييييييييش !!
هادا دبش عروسة .. و ما يسير أم العريس تشوفه !!
و حاول يمين يسار .. يهديكي .. يرضيكي .. خديها معاكي ؟؟
قلت له أنسسسسسسسسسسسسسسى !!
و معليش لا تزعل مني بس أمك مالها حق تشوف حاجاتي !!
( يكفي إللي حيشوفوه و يتفرجو فيه يوم الدبش !! ) ..


و بالنسبة للقاعة ..
لازال البحث مستمر :( ..
و خلاص إحنا محددين تاريخ معين ..
و سواء لقينا قاعة أو لا ..
حيسير الفرح في هادا اليوم ..
إن شاء الله .. الله يسهل و ييسر لنا ..

يعني أنا دحين مشغولة بأجهز حاجاتي ..
و أخلص فستاني و مشترواتي ..
و إن مالقينا قاعة خلال أسبوعين ..
خلاص حنسويه في البيت !!

عرفتي ليش بأقول العد التنازلي بدأ ..
و أنا جالسة حايسة و دنيتي كلها ملخبطة :06: ..


و المسكات مرة حلوة ..
عجبوني التانية و السادسة و الأخيرة إللي بعد الكيكة ..

و الكيكات شبه كيكة ملكتي ..
بالذات التانية أقرب لها أكتر ..

بس يا قهري عليها ما دقتها ولا أكلت منها :( ..

حتى زوجي بيقول لي الكيكة كان شكلها لذيذة ..
( بيلمح يبغا منها :) ) ..
قلت له ما أدري عنها ولا دقتها !!

حتى صاحبتي تقول لي شكلها كان لذيذة ..
و لا لحقنا ناكل منها ..

أخدولي هي ناس أكرههم .. عساهم السم !!
و بدون إحم ولا دستور ..
و شالوها كلها بكبرها !!
حتى بدون إستئذان ولا سؤال !!
ما لقيت غير الكيكة أختفت !!
أصلا كيف شالوها و هي كبييييييييييييرة !!
ما أعرف !!
و ماعرفت إنهم أخدوها غير بعد كم يوم ..
لمن جلست أسأل أهلي فين الكيكة ؟؟
فين راحت الكيكة ؟؟
قالولي فلانة أخدتها !!
عساها السم هي و أهلها إللي أكلو كيكتي !!


و أستنيني لسة حأكتب لسة بالطلبات حقتي ..
لأنه في أشياء كتيرة محتارة فيها و ماني عارفة كيف
أتصرف و أيش أسوي ؟؟

I'll Be Back


سبحانك اللهم و بحمدك .. لا إله إلا أنت ..
أستغفرك و أتوب إليك ..


تحياتي ..
جــــــــداويــــــــــــة

السلام عليكم و رحمة الله و بركاته ..

هلا أختي Abaaar ..

و الله يا قمر أنا ما أعرف سعر المصاحف بكم ؟؟
لأنه زي ما قلت لك أهل العريس إللي جابوها ..
و عيب إني أسألهم كم كلفتكم !!
و حتى لمن سألته ..
ما رضي يقول لي بكم :( !!

و حقت أخويا .. أظن و الله أعلم ..
لأنهم كلهم ناسيين السعر بالزبط ..
قالو تقريبا طلع بالجملة المصحف بـ 10 ريال ..
و إحنا كنا جايبين حوالي 400 مصحف ..
فكانو بيقولو التكلفة الإجمالية كانت حوالي 4000 ريال
أوأكتر بشوية .. أو أقل بشوية ..
يعني السعر بالزبط بالزبط ماني فاكرته ..

بس عموما هي ماهي غالية ..
و حتطلع أرخص من علب و حلاوة الملكة ..
و عالأقل حتروح الفلوس في مصاحف ..
مو في حاجات مالها لزمة و مصيرها الزبالة !!


و المصاحف حقت ملكتي ..
أهل العريس أشتروها و بعدين سووها عند محل ..
هو إللي غلفها و زبطها مع السبتات ..
بس غلفها تغليف عادي .. تل و شرايط و شوية
ورود وخلاص ..
يعني مافيه شي مبتكر و لا حركات ..
بس برضها طلعت حلوة و رايقة و ناعمة :) ..
>>>> غصبا عني حلوة مو حقت ملكتي :) ..

لكن حقت أخويا ..
إحنا أشترينا قماش فخم حق تغليف الهدايا ..
و شرايط .. و ورود .. و أدوات الزينة و إكسسوارات ..
و سويناها بنفسنا .. لأنه أختي الكبيرة أتفلسفت و قالت
أنا أسويها .. أنا عندي أفكار .. أنا أعملها ..
و بعدين راحت جابت الحاجات و ورطتنا و قالت يلا
تعالو ساعدوني أنا ظهري أنكسر و أنا بأغلفها :23: ..
و سرنا نشتغل فيها .. و جبنا الشغالات يساعدونا ..
حتى البزورة خليناهم يجلسو يغلفو معانا و يقصقصو
الشرايط و القماش و و يلصقو الورود و الحاجات :) ..

و في الآخر طلعت مرة حلوة و شكلها مرة فخم ..
لأنه أصلا القماش إللي أشترته أختي شكله فخم
و لونه فخم و القماش أساسا غالي ..
بس هي أشترت لفة ( طاقة ) كاملة .. كبيييييييرة ..
و الإكسسوارات التانية أعطته قيمة و منظر ..


و بالنسبة للدبش ..
الله يعين و يسهل ..
و يارب الناس حقونهم هدولا ما يجو :30: !!
( عازمين نص جدة في شقة 3 غرف !! ) ..

بس ما قلتي لي أفكار حلوة للدبش ..
عشان أخليه يبان فخم و كتير ..
أستناكي تردي لي في هادا الموضوع ..
:)


إلا أعرف سجن بريمان يا قمر ..
بس الله لا يجعلني أخشه ولا أشوفه ..
ولا يجعلكم تخشوه ولا تشوفوه :23: ..
هههههههههههههه ..
أنا أعرفه عشان عندي كوبري بريمان ..
و جهة قاعة نوف و الفيصل ..
لأني لمن أتعزمت فيها .. قالولي جنب بريمان ..
>>>> عشان إذا العريس زعل العروسة
على طول تلبسه تهمة و تدخله السجن :23: ..
خخخخخخخخخخخخخخخخخخ ..


و بالنسبة للسنتيانات المقاسات الكبيرة ..
روحي ماركس آند سبنسر ..
الله يحرقهم .. ترى المحل يهودي ..
بس تلاقي عنده المقاسات الكبيرة ..
و قبل كم يوم روحت إللي في حراء ..
إللي فتح محل الدانوب القديم ..
و شوفت عنده سنتيانات كتيرة و مقاساتها كبيرة
و شباحاتها و حقت الظهر من ورا شفافة ..
لأني أنا أصلا كنت بأدور على سنتيانات حلوة
و شباحاتها شفافة بس كنت أبغا إللي تجي شوية
عريضة من الجوانب و من ورا .. مو إللي تكون رفيعة مرة ..
لأنها تضايقني و تعورني ..
بس ما لقيت إللي أنا أبغاها .. فما أشتريت ..
بس ما تلاقي منها ألوان .. تلاقي الألوان الأساسية ..
أبيض .. أسود .. بيج .. و يمكن في لون تاني إللي
كأنه لحمي رايح على بمبة ( أظن بس ماني متأكدة ) ..

روحي و شوفيه ..
حتى له فرع في حراء أفينيو برضو
شوفت عندهم سنتيانات كدة في علب زي الكراتين
و مقاساتها كبيرة ..
و لها ميزة أظن إنها تتلبس بكذا شكل وطريقة ..
يعني الحمالات تتغير طريقتها ..

و شوفي نعومي كمان .. يمكن تلاقي عندهم برضو ..

و إن شاء الله تلاقي إللي تبغيه ..

و إذا شوفت في محل تاني ..
إن شاء الله أقولك عليه كمان :) ..


تحياتي ..
جــــــــداويــــــــــــة

السلام عليكم و رحمة الله و بركاته ..

أختي أنـــــــثى ..

بالنسبة للمقاسات الكبيرة ..
الله يعينك .. أنا كل مالي بألاحظ المقاسات حقت
الجاهز في السوق بتصغر :30: !!

إذا أقولك أختي النحيفة إللي كانت تلبس
S و الـ M أحيانا يجي كبير عليها ..
هداك اليوم أشترت طقم XL و يادوب جاي عليها !!

و أنا شخصيا أتعقدت من الجاهز ..
لأني برضو بطبوطة شويتين :) ..

سرت أكره نفسي لمن أشتري شي و ما يجي عليا ..
و تلاقي الفساتين بالذات كلها تحسيها X X X X S !!
كأنه كل العالم عصاعيص :09: ..

مع إنه البحوث العالمية تشير إلى أنه العالم كله بيتحول
للسمنة المفرطة .. الله لا يوصلنا لها ياااااارب و ينحفنا
و يخلينا حلوين يااااااااااااااااااااااارب ..
و يخلي الغرب و الأجانب و إللي يتكشفو
و يتخلعو هما إللي يسيرو زي هادي :10_8_11: ..
و أولهم هيفاء وهبي و نانسي عجرم و أشكالهم ..
أتمنى أشوفهم في يوم رايحين شحوم × شحوم ..
و خليني أشوفهم كيف يتفسخو و يتعرو و يترقصو :23: ..

( أدعولي أنحف بخير و صحة و سلامة ياااارب ) ..


بس روحي شوفي المساعدية ..
لأنه مليان محلات مصممين و جاهز ..
و تقدري تفصلي عندهم إللي تبغيه لو مالقيتي مقاسك ..

و شوفي البوتيكات إللي في شارع الأمير سلطان ..

و عموما أغلب الأسواق بتلاقي فيها فساتين السهرات ..
بس الأسعار تختلف .. وحسب مناسبتك إنتي تحددي ميزانيتك ..
و تشوفي إللي يناسبك ..

و شوفي كمان إذا البنات يعرفو بوتيكات تانية يدلوكي :) ..
قولو لها يا بنات :) ..

A & A في شارع الأمير سلطان ..
و في طريق الملك ..
له فرعين ..
واحد حق سهرات .. و واحد حق أفراح ..
على حد علمي ..

بس كيف بضاعته .. ما شوفتها من زمان ..
عشان كدة ماعندي فكرة عن بضاعته دحين كيف ..


و بالنسبة لمسكة العروسة ..
حددي أيش تبغي .. و الميزانية ..
و أنا أدلك ..

و الكوافيرات في جدة مافي أكتر منهم :) ..
برضو حددي الستايل و الميزانية و أبشري ..
لأنه في ناس مشهورين بالمكياج التقيل و الحركات
و الرسمات الغريبة ..
و ناس مشهورين بالنعومة و الشغل الرايق ..


تحياتي ..
جــــــــداويــــــــــــة

اهلين ياااااابنااااااااااااااات

انا رجعت

مشكوره ياسلافه ياعيوني على الرد

على فكره ياعيوني انا كان فيني نقص حديد والدكتوره صرفت لي حبوب وانا مالقيتها

بعدين الصيدلي اعطاني نوع ثاني يقول هذي كل الفيتامينات فيها وانا اكلتها لمده

اسبوعين ولاحظت خدودي وردت وبعدين لما قست وزني طلعت زايده كيلون ونص

فتركتها لانو وزني تمام وعاجبني اذا تبغيها اكتبلك اسمها

اهلين جداويه لا ياعيوني لاازعل ولاشئ انا عارفه انك مشغوله وحتى انا والله كنت

مشغوله زي ماانتي عارفه مسئولية بيت وام يعني ماافضى دايما

شوفي ياعيوني هو المفرش فعلا لازم يكون فخم ويكون منظر بس لكن انا لقيت

عندهم في المحل فيه مفارش فخمه وللاستخدام كمان ب700 ريال

تصدقين انا عندي مفرشين غير اللي قلت لك عليه ودايما اغير مفرش السرير والفخم

هذا احيانا اخليه اسبوع او اسبوعين وانا لي متزوجه5 سنين وغسلته يمكن

4 مرات وكل اللي شافوه الى الان يحسبوه جديد ولا استخدم وانا كارفته بس ماشاء

الله عليه مو باين

اما السجادت انا اشوف6 عدد معقول تصدقين انا عندي 2 بس مع الشراشف بس انا

مايجيني ناس كثير يعني قليل اللي بيزوروني

اهلي عندهم 10 مع الشراشف والوالده جايبه صندوق خشب كبير و حاطه فيه

السجادات والشراشف وحاطه في مجلس الحريم مره شكله فخم ولما يجوا يصلوا

ياخذوا من الصندوق

على فكره اطقم البديكير فيه عند محلات الكورنيش اطقم حلوه وفي علب ناعمه

وتنحط على التسريحه ومو غاليه انا اخذت وحده ب35 ريال

شوفي في ايكيا في كيس قماش كبير مقسم تعلقيه في دولاب الملابس انا حاطه واحده

في دولابي وحاطه فيه الاندروير والانجري الخفيف اللي مايتعلق والمناشف

الصغيره والشراريب مره ناعم ومرتب

على فكره ترى مو بس انتي اللي تتلخبط المقاسات عندك حتى انا ولما سألت اخواتي

نفس المشكله واكتشفت انو من نفس الماركه يعني ماركات يجي Mصغير

وماركات يجي Lضيق وكمان القصات حقت البلايز والتي شيرتات احيانا تضيق

المقاس

اما ام زوجك بصراااااااااحه تررررررررررررررفع الضغ شحات ويتشرط

وبعدين ياعيوني ليه ماتتفقي انتي وزوجك انو اغراضك تجيبها للبيت لما تجي للبيت

واذا على امه خليها تجيب اللي تبغى وبيتفرجوا على البيت وعلى العفش اما اغراضك

لا وخلاص ايش اللي لازم يشوفون كل شئ قولي اخاف يضيع واللي يصير فيها شئ

والا تنسرق........والله ليذبحك زوجك :16:

انا الان مشغوله راح ارجعلكم مره ثانيه

السلام عليكم و رحمة الله و بركاته ..

يا هلا والله بـام الوسيم :) ..
فينك يا شيخة ؟؟

بالنسبة لللحاف ..
حمسيتني بزيادة أروح للمحل ..
يعني أهم شي إنه مو بس منظر ..
و ينفع للإستعمال ..
يعني ما تضيع الفلوس عالفاضي !!

و أنا كنت حأروح يوم الخميس أول أمس ..
بس ما سار نصيب :( ..

بس إن شاء الله حأروحه ..
و يارب ألاقي عنده إللي يعجبني و أشتري
و أخلص بدال الحوسة إللي أنا فيها هادي :06: ..

أما السجاجيد أنا خلاص قررت أشتري 6 إن شاء الله ..
برضه الإحتياط واجب ..
لأنه زي ما قلت أول .. أنا ما أعرف كيف طبيعة أهله
في الزيارات .. و أهله ماشاء الله كتار ..
يعني أنا بأحسب من ناحية أهله أكتر من ناحية أهلي ..
لأنهم هم إللي حيتكلمو فيا إذا كان فيه شي ناقص !!

و بالنسبة لمقاسات الملابس أقولك أنا خلاص أتعقدت !!
سرت ما أدور المقاس .. الشي إللي يعجبني أروح في ركن المحل
و أدير و جهي و أحطه على وسطي أو على جسمي ..
أشوف يجي و لا ما يجي ..
خلاص سرت أشتري زي كدة ..

و شوفيني من ورا المقاسات أكلت مقالب قد أيش كترها ..
بنطلونات و تنانير و بلايز و فساتيين و حتى الأندرويرات و قمصان
النوم و البجايم !!
كلها بتجي مقاساتها غلط !!
و سايرة مقاساتها مدري كيف !!
مافي غير أشتري و أرجع أبدل ..
و شوفي عاد .. فيه إللي يرضى يبدل ..
و فيه إللي تمسكه النجاسة و يقولك لا ترد ولا تستبدل !!

ترى حتى صاحباتي بيشتكو من نفس الشي !!
يعني كويس إنه مو أنا لحالي إللي بيسير فيا كدة :) ..
لأني سرت أشك في نفسي !!

و بالنسبة لأم زوجي ..
يختي خليها على الله ..
من جد على قول أم صاحبتي ..
وجهها زي الصفيحة :23: ..

والله أنا على قد ما هو عصبي و إنفعالي
و عنيد و يزعلني كتير .. إلا إني سرت أحزن عليه
و أرحم حاله من تصرفات أهله معاه !!
و من جد حسيت بوضعه و قلت يمكن أخلاقه مزفتة
معايا من كتر ماهم ضاغطين عليه ..

و أنا خايفة خايفة خايفة بكرة إن شاء الله لمن نتزوج
يفضلو برضو يسوو فيه كدة !!
و يلا عاد أستلمي ..
في كل الأوقات إتصالات و جيبلنا و ودينا !!
و أبغا أتعلم طريقة أفهمه بيها إنه مو من حقهم
يسوو فيه كدة !!
و عالأقل يحترمو بيته و خصوصيته و أنا زوجته !!
أنا ما قلت ما يخدم أهله ..
لكن كمان هم يخلو عندهم شوية دم و إحساس !!
و عنده أخوانه رجال و شباب ..
و لا أحد منهم ما بيسوو فيه زي زوجي ..
و عيب منهم هم رجال .. و ما يسوو حاجاتهم بنفسهم !!
و كل شي يبغوه هو يسويه لهم !!
و محد يكلمهم !!

و بالنسبة للدبش ..
يا حبيبتي أنا قلت و أتكلمت ألين ريقي نشف !!
و قلت له أنا مستعدة أروح البيت لحالي قبل الفرح ..
و أرتب حاجاتي و أمشي .. و لا من شاف ولا من دري ..

لكن أمه هي إللي مصرة تسوي يوم دبش ..
و تجيب نص جدة تفرجهم عليه !!

و أهم شي حيتفرجو عليه ماهو الشقة ولا العفش !!
أهم شي جايين الحريم الملاقيف عشان يشوفوه
هو دبش العروسة و ملابسها و أغراضها !!

و زي ما قلت لك هي تبغا تشوف و تبغاهم يتفرجو !!
( إذا يبغاني أنزلها معايا السوق و أنا بأشتري !! ) ..

و كلمتها بنفسي و فهمتها ..
و قلت لها مو لازم يجو الناس ..
و لا حتى أهلي مو لازم يجو !!
و أنا أجي أسوي كل شي بنفسي ..
قالت لي طيب بكيفك تعالي رتبي حاجاتك في البيت ..
و بعد ما تمشي .. أسوي العشاء و أجيب حبايبي أفرجهم عالبيت !!
طيب أيش أستفدنا ؟؟
يعني كمان حيبرطعو في البيت و يسوو بكيفهم ..
و لا فيه أحد من أهلي و لا أحد شايفهم هم أيش بيسوو !!

عشان كدة قلت أحسن يروحو أهلي ..
عالأقل يكونو قدامهم .. يمكن يستحو على دمهم شوية ..
و عالأقل إذا أتمادو و يبغو يستعملو أو يجربو شي ..
ما راح يسكتو لهم !!

أو عالأقل حأقول لهم لو فيه أحد أتلقف بزيادة أتصلو عليا ..
و أنا راح أتصل على زوجي .. و أقول له شوف أهلك أيش
بيسوو !!
عشان يعرف إنه الحريم من جد ما يستحو و ملاقيف !!


و نستناكي يا قمر لا تتأخري :) ..


تحياتي ..
جــــــــداويـــــــــــــة