هلا بجداوية والله ياقلبي مااعرف لحركات الدبش هذه ولا خدمتك بعيوني بس ممكن العطور تحطيها في سلة مزينة وتغلفيها بسولوفان وكمان المكياج وبالنسبة للاكسسوارات مو الذهب الاكسسوارات العادية جيبي فلين وسوية على حرف اسمك بالانجليزي زيA بس كبير يعني يوقف على التسريحة وحطي فيه اعواد الاسنان بس غيري لونها وعلقي في الاعواد السلاسل حقتك بشكل مرتب وسيبيها على طول يعني طول عمرك عشان السلاسل ماتضيع ولفيها بسولوفان وسوي فلين ثاني بحرف زوجك وعلقي فيه الحلقان ولفيه كمان يطلع شكلها روعة على التسريحة والباقي حطيه في صناديق صغار...
والذهب جيبي صندوق خشبي وحطي صورتك في الغطاء بس من الداخل يعني لما ينفتح الصندوق تبان الصورة وتكون مركزة على وجهك ورقبتك وعلقي الطقم على الصورة والحلق وباقي الذهب رتبية في الصندوق ويدور عليهم واما القمصان افضل تكون بكراتينها افضل...
هذا اللي عندي ان شاء الله عجبتك افكاري....
نجي للقاعات لقيت لك في الجريدة قاعات كثيرة وبما انك حددت التاريخ روحي اليوم جري على القاعات وكلها صغيرة وشكلها حلو ...
بسم الله نبدا...
1 قاعة الود 6075806 _ 0505355202
2 قاعة غيمة فرح 2372647_ 0507795680
3قاعة سوليتير في التحلية توها فتحت ومسوين عرض سعرها( 3000 ) _ 6677541
0555890787
4 قاعة مذهلة 6444006
5 قاعة السالمية 0508260614
شكلها السالمية ذي زي الفندق يعني بالنفر وتشيل 300 ...
....ان شاء الله اكون قدرت اساعدك ولاتنسي تدعيلي يوم عرفة عشان استفيد من هذه القاعات .....

وبالنسبة للزفة ياليت لو تسوي زفتك اسلامية ولا تحطين اغاني ابدا في فرحك عشان الله يوفقك ويرضى عليك ويبعد عنك المشاكل راح تبديي حياة جديدة ابدئيها برضى الله وبعدين الله يعينك مشاكلك مع اهل زوجك كثيرة لاتزيديها ولاتنسي تحصني نفسك يوم فرحك عشان العين..
وياكثرهم الي يسوو زفات عندك سهام تعمل زفات روعة....
ان شاء الله ماتتضايقي من كلامي والله من خوفي عليك...والله يوفقك.

السلام عليكم و رحمة الله و بركاته ..

هلا أختي Abaaar ..

عجبتني حكاية الحروف :) ..
و دخلتيها مزاجي ..
بس يبغالي أسويها في محل ..
ما ينفع أسويها بنفسي !!
أصلا من فين أجيب الفلين ؟؟

و الذهب !!
أصلا أنا ماعندي ذهب !!
إللي عندي الحاجات الناعمة الخفيفة ..
و أغلبها ذهب أبيض .. يعني زي كأنها إكسسوار !!
و طقم الشبكة .. و طقم تاني ألماس ..
فــــــقـــــــــط !!
يعني ما عندي أطقم ذهب كتيرة و لا شي !!
و لا شي أصلا ينحط في صندوق :23: !!
و لا أشتريت بمهري زي ما كانت سلافة بتقول !!
و قلت الكلام دا لسلافة في رد من ردودي عليها ..
لأنها كانت بتقول لازم جزء كبير من المهر يتخصص للذهب !!
و أنا قلت لها ما راح أشتري ذهب .. لأنه مو من عوايدنا ..
و مهري يا دوب إذا كفى أغراضي نعمة !!
الله يبارك لي فيه و يسهل لي أموري .. آمين ..

يعني أدور عليهم و أوريهم دي الحاجات حقتي ؟؟
أنا أعرف إللي يدورو بالذهب إللي يكون هادا الشي
من عوايدهم .. يعني شراء الذهب الكتير و الأطقم
و الحزام و البناجر و الرشرش و دي الحاجات ..
و على قول سلافة .. يودو الذهب في شنطة لحاله !!
عشان كدة يدورو بيه و يفرجوه للناس !!

و كراتين القمصان قيدني رميتها !!

و شكرا عالقاعات .. إن شاء الله أروح و أشوفها ..

و أنا إن شاء الله أبغا أجيب مطربة بس بالدفوف ..
يعني بدون أورج و معازف ..
لا تخافي من دي الناحية :) ..

و حأسوي الزفة القديمة ( البلدي ) إللي المطربة
تزفها زي أيام أمي و أمك :) ( حاطتها في بالي ) ..

و إنتي قصدك على سهام المصورة ؟؟
هي إللي تسوي زفات ؟؟ كيف ؟؟

و أنا الحمدلله ما عندي مشاكل مع أهل زوجي ..
شوفي صحيح في البداية كنت أتعب و أزعل و أعصب
و أنفعل :icon33: ..
لأنه أنا طبيعتي ما أحب أحد يتدخل في أموري أبدا ..
بس بعدين سارو كلهم يقولولي طنشي طنشي طنشي طنشي ..
بالذات يعني أم زوجي ..
مادام ماتبغا تسوي فرح .. ولا تبغا تشارك ..
ولا تبغا تدفع ريال ..
خلالالالالالالالالاص مالها حق تفتح فمها ولا تنطق كلمة !!
و الحق حق !!
فليش أزعل نفسي عشانها !!
يكفيني همومي و مشاكلي و وضعي مع أهلي !!

فسرت أصلا ما أتكلم معاها ..
و لمن هي تجي تكلمني و تبغا تفتح مواضيع ..
و أعرف إني حأتنرفز ..
تلاقيني أختصر المكالمة أو أقفل الموضوع و ما أعطيها
مجال تهرج معايا فيه ..
أو سرت أقول لها .. ما أدري .. لسة .. ما أدري .. لسة ..
ما أعرف .. ما أدري .. و لا أعطيها لا حق و لا باطل !!
و سرت لمن زوجي يكلمني في كلام يخصها ..
أقول له ما أدري .. أسأل بابا !!
و أصرفه على أبويا .. لأني عارفة إنه حيستحي منه
و ما راح يجيه و يقول له أمي تقول و أمي تقول :09: ..
لأنه أصلا منظره حيسير بايخ قدام أبويا !!
بس هي بتستغلني أنا عشان عارفة إنه محد من أهلي
واقف معايا .. و تحسبني هبلة و حأطاوعها
و أسوي لها إللي تبغاه !!
بس على ميييييييييييييييييييييييين :30: !!

بس أنا أنقهر من إللي بتسويه في زوجي ..
و إنه أهله و عائلته كلهم مستغلينه و مخلينه يخدمهم ..
و سرت أحزن عليه .. و في نفس الوقت أزعل منه ..
لأنه سار يبدي مصالح أهله و قرايبه عليا أنا و على نفسه !!
و بسبب ضغوطاته .. بيجي و يحط حرته و نرفزته
فيا أنا :( ..
و تكون الكلمة إللي أنا أقول له هي ..
هي القشة التي قصمت ظهر البعير !!
:06: ..
و هادا أكتر شي بيسبب المشاكل بيننا !!
فهمتي قصدي ؟؟


و أبشري إن شاء الله أدعيلك ربي يرزقك الزوج الصالح ..

و أشكرك على إهتمامك و مراعاتك :) ..


تحياتي ..
جــــــــداويــــــــــــة

السلام عليكم و رحمة الله و بركاته ..


ســــــــــــــــلافــــــــــــــــــــــــة
فـــــــيـــــــــنــــــــــــــــــــــــك ؟؟

تحياتي ..
جــــــــداويــــــــــــة

اهلين يابنات

اهلين جداويه

شوفي ياعيوني اذا زوجك فيه هالطبع فانا اقولك انو ممكن يتغير شويه بعد الزواج بس ماابغى

اعطيك امل كبير عشان لاتتحطمي انا زوجي العكس يعني زي اخوان زوجك يرسل اخوانه

الاصغر بس اخوانه صغار يعني اللي في الثانوي واللي في الكليه اما الموظفين واللي على

وجه زواج لا مايرسلهم ........يعني انا اعتقد انا انو هذا شئ تربى عليه زوجي ويمكن زوجك

نفس الشئ حتى عند اهلي واحد من اخواني الاوسط هو اللي يخدمهم مع انه متزوج وعنده

اولاد بس خلاص احنا تعودنا كذا

بس شوفي ياعيوني زوجك الان ماسك نفسه ويمكن صابر شويه لكن خليه يتزوج وتجي عنده

في البيت راح يحس انو مو مجبر بهالشئ وانتي اذا تزوجتي وكليه بكل شئ في البيت يعني

اغراض البيت ومشاويرك للسوق وكل شئ .........مع الوقت راح يحس انو انتي اولى وانتي

قوليله بس بكلام طيب انو هم ماشاء الله رجال ويقدرون يروحوا يجيبوا اغراضهم لكن انتي

حرمه لازم يكون معاك رجال عشان لااحد يتعرض لك ومن هذا الكلام ........مع الوقت

ياعيوني راح يتعب في انو يلبي رغباتك ورغباتهم وانتي اذا دقوا اهله عليه حسسيه انو قلبك

معاه وانو ياحرمان مسكين متبهدل ومااحد حاسه فيه الا انتي

وترى الكلام الحلو اقوى من السحر انا مجربه كل شئ مع زوجي ......اصله من النوع العصبي

مررره واذا عصب لسانه وسخ بس مع الايام والصبر تحسن كثير ....واذا هديت اعصابه جيت

الومه بس باسلوب دلع وانو انا ماتوقعت انو حبيبي يقولي كذا وانو انا لو اموت ولو تقطعني

ميه قطعه استحاله اقولك نص الكلام اللي قلته ليا .........والحمدلله مع الوقت تغير كثيييييييير

اما المحل روحي له انا متاكده انك ماراح تندمين

شوفي ياعيوني اعتبرينا خواتك واي شئ في نفسك قوليه بصرااااااحه حزنت عليك لما تقولي

مافيه احد من اهلك معاك وحاسه انو فاقده نعمه كبيره .....الاخوان

يااختي مااتخيل نفسي بدون اخواني تصدقين انو اخواني الشباب كانهم صاحباتي وحتى اخواتي

مااقدر اتخيل نفسي بدونهم .....انا عندي اخت اصغر مني بسنه ونص اهلي يسمونا التوأم من

قوه علاقتنا حتى زوجي يغار منها احيانا

عشان كذا ياعيوني اي شئ تبغيه لايردك الا كيبوردك

على فكره لازم تشترين ساعه او 2 تكون فخمه .......احنا عشان عندنا لازم تكون

العروس لابسه الذهب اشتريت 3 ساعات ........انا عندي من اول ساعات حلوه لكن

بناتيه وناعمه فاخذت وحده لونها ذهبي كبيره شوي عشان الذهب ووحده فضيه فيها

كريستال عشان الذهب الابيض ووحده اللونين ابيض وذهبي ومره فخمه واللي

يشوفها دايما يسألني عنها وعلى بالهم غاليه يعني ب2000 او3000 وهي اصلا

الوحده ماتتعدى ال500 ريال انا اخذتهامن محلات الساعات اللي في مركز الكورنيش

اللي في الدور الارضي وعندهم ماركات واشكال وانواع

اهلين عبير انا شفت شغل فاطمه العمودي بصراحه شغلها مرتب وحلو وشفته على

وحده كان مره روعه اذا عندك رقمها ارسليه علي