جـــداويـــــــــة
تسلميلي ياجداوية بس اهلي يبغو شي محد من اهلي عمل فيه قبل كده .. مخهم كده ولازم...
السلام عليكم و رحمة الله و بركاته ..

أختي حبةاللؤلؤ ..

يعني بالله ما قريتي أنا كمان أيش كاتبة عن حماتي ؟؟
كلنا في الهوا سوا يا بنتي :09: ..
مشي حالك ..

و إنتي لا تتكلمي معاها ..
إنتي أتكلمي مع زوجك بنفسه ..
و دحلسيه .. و تعاليله بالهداوة و الذوق ..
و قوليله خلينا نروح نشوف القاعة سوا ..
يعني عارفة تعاليله من باب إنكم تختارو المكان
إللي حتتزوجو فيه سوا .. و حاجات زي كدة ..
و خليه هو يوقفها شوية اليومين هادي ..
زي ماقلت لك تصبيرة ألين يخلص الحج و مكة تفضى شوية ..
الحج يوم السبت إن شاء الله حيكون قيده خلص !!
و يسير أنزلي إنتي و أهلك و روحو لفلفو معاهم عالقاعات ..

و إنتي أتحاشي الكلام معاها بالمرة ..
خلي كلامك معاه هو ..
عشان على قولك لا تقول لي كاني ولا ماني !!
و البنت قالتلي و البنت سوتلي !!
و ترى ( غالبا ) الولد ياخد صف أمه !!
و من حقه لأنها أمه و غصبا عنه حيصدقها ..
عشان كدة خليكي معاها مؤدبة و رايقة ..
و لمن تتكلمي معاه لا تقوليله أمك أمك أمك ..
قوليله ماما أو أي شي إنتي تناديها بيه :) ..
و خليه شي لطيف ..
يعني لا تقول عمتي و لا حماتي !!
أحسها تقيلة شوية !!

يا بنتي أنا مرة قلت كلمة بحسن نية ..
و لا قصدت بيها شي !!
تعرفي أيش قلت ؟؟
قال لي مافي سـفـر ( شهر عسل ) ..
سكتت و قلت طيب :06: ..
إلا شوية قال خلاص نتزوج في الحج ..
قلت له أنا لسة ما خلصت حاجاتي ..
و ماعندي إستعداد أتزوج في الحج و أنحبس في بيتي ..
خليها بعد الحج إن شاء الله على خير ..
هو دا إللي أنا قلته !!

راحت رمت السماعة في وجهه .. و جلست تبربر
قدامه هو و أبوه و أهله كانو جالسين !!
و أنا سامعة الكلام !!
حتى هو صرفني و قفل السماعة !!

أنا ما قصدت شي ..
1 - أنا إللي قصدته إني عارفة طبع زوجي ..
و جدة بعد الحج تسير كلها زحمة و حجاج ..
و إللي ما يروحو المدينة .. ينزلو من مكة على جدة ..
و البلد تسير زيطة ..
و أنا زوجي ما يحب الزحمة ..
و بالذات الخرج العائلي في أوقات الزحمة ..
تلاقيه يتنرفز و يتعفرت و الشياطين يركبوه !!
يعني بالله أتزوج و أنحبس في البيت ؟؟
يعني حتى عند أهلي يمكن ما راح يوديني
و حيقول الشوارع زحمة !!
و لا نخرج و نتضارب و نرجع ؟؟
يسير شهر بصل مو شهر عسل !!
2- لسة ما خلصت أغراضي و دبشي ..
و أشياء كتيرة ناقصتني .. و أبغا أخلص مشترواتي ..
هل أنا غلطت لمن قلت زي كدة ؟؟
و شوفيها كيف سوت حكاية من ورا دي الكلمة !!
:06:
الله المستعان بس ..

و أزيدك شوق :09: ..
لمن حددنا الفرح في الحج ..
هي أول وحدة أعترضت و قالت لالالالالالالا :30: !!
و قالت غيروه و أجلوه .. قرايبي كلهم في الحج !!
أععععععععععععععع :30:
و أخدت تهزيء من أهلي على كيف كيفك !!
ترى قلبي ملياااااااااااااااااااااااان :06: ..

و تسلمي يا عسل عالدعوات :) ..
الله يجعلها من نصيبي .. و لكي مثلها إن شاء الله :) ..

و ما قلتي لي ..
ما عجبتك ولا وحدة من القاعات إللي قلت لك عليها ؟؟


سبحانك اللهم و بحمدك .. لا إله إلا أنت ..
أستغفرك و أتوب إليك ..

تحياتي ..
جــــــــداويــــــــــــة
Abaaar
Abaaar
صباح الخير....
ياسلافة ترى كارمن شغله عددددددددم وراح انصحك بوحده جبااااااااااااارة شغلها فنااان روحي بنفسك وشوفي هو مشغل امسيتي في شارع غرناطة وترى لوحته صغيرة يعني فتحي عيونك انصحك فيهم اذا تبغي تصيري مميزة وتصدقي في عروسة اعرفها تصلحت عند كارمن ولما شافتني سالتني وين سويت كرهت شكلها مسكينة....
ومشغل الحسناء عند كوبري المربع وان شاءالله برسلك الرقم مو طناشة والله بس لما اقعد اقعد على النت جوالي مايكون معايا اصبري علية....
وبالنسبة لقاعة فرح والله رهييييييييييييبة وقمة في الفخامة وخدمتهم مو طبيعية يرفعوا راسك عند ضيوفك وصح لونها اخضر بس حلو مو قبيح احسه فخم ويريحك في اختيار الكوشة غالبا ذهبي او اورنج بصراحة رهيبة...
وياجداوية صديقتي ملكت في قاعة الاميرة وكان معازميها يمكن عشرين نفر بس تخيلي!!!
كيف مارضي يفتحها لك!!!
Abaaar
Abaaar
نسيت ياسلافة اللي مكياجهم فنان في امسيتي هم اسيل واماني بسسسسسسسسسسس غيرهم لا والشعر اروى او غلا غيرهم لااااااااااااااااااااااااااا.
جـــداويـــــــــة
تسلميلي ياجداوية بس اهلي يبغو شي محد من اهلي عمل فيه قبل كده .. مخهم كده ولازم...
السلام عليكم و رحمة الله و بركاته ..

أختي sookarh ..
بالعكس يا عسل خدي راحتك :) ..
أنا يعجبني كدة .. و أقدر أنا كمان آخد راحتي معاكي ..

و يختي خليها على الله ..
أنا ظروفي غير الناس و عكس الناس كلهم :( ..
الله يفرج همي و يصلح حالي أنا و زوجي يارب ..

و أنا أول وحدة ما أأيد الملكة الطويلة ..
و كمان ماحنا كل يوم في وجه بعض :( ..
و برضو باخت الهرجة من الكلام الفاضي إللي بيسير !!
هو له يوم معين يجي فيه .. و حسب ظروفه ..
يا إما جا .. أو ما جا !!
و زي ما قلت لكم أول .. لمن بيجي ..
تقولي هداك اليوم الهاتف قطعو الجوالات عن كل جدة ..
و حولو كل إتصالات المملكة الداخلية و الدولية على جواله :09: !!
>>>> كناية عن كتر الإتصالات !!
و من كدة باخت الهرجة و المشاكل كترت ..

و من ناحية الحوايج ..
أنا جالسة بأنتف في شعري من الحوسة !!
أقولك لو تشوفي كيف طلعت الحاجات إللي أشتريتها !!
1- الألوان تقريبا نفس الشي !!
2- الموديلات تتشابه !!
3- الأغلب جينز و أزرق و شبه بعضه !!
4- و لا شي ما يليق مع ولا شي !!
إلخ إلخ إلخ !!
و أخس شي سويته !!
أكتشفت إني شارية من نفس الموديل قطعتين
ألوانهم مختلفة !!
أيش تبغي أحلى من كدة :23: !!

و الله حايسة حايسة حايسة ماني عارفة أيش أسوي :06: ..

و أختك دي رايقة ماشاء الله عليها ..
و أنا كان في بالي أسوي كدة ..
بس مع الحوسة .. تلاقيني أشتري ..
و أقول أطقم له بعدين ..
أشتري .. و أقول يمشي مع الجينز و لا الأسود ..
و زي كدة ..
و آخرتها جيت لقيت الدنيا زايطة !!

أنا دحين أبغا أخلص من فساتين السهرة ..
و أبغا أشتريلي طقمين تلاتة كدة مرتبين للخروج ..
عشان إذا جاتني خرجة عند أهله و لا شي ..
و أبغا أشتري قمصان النوم المرتبة .. لأني ما أشتريت
شي عـدل .. كله بجايم !!
و بالذات حق أول يوم ..
و على قولك أشوف الجزم و الشنط ..
و الإكسسوارات .. و البكل ..
و أبدأ أرتب أموري ..
يا بنتي أقولك أنا حااااااااااااااااااااااايسة !!
و لسة ما أشتريت ولا شي عـدل !!
و هو أنا لسة حأفوت !!
مانا مفوتة من زمان :23: ..

و بالنسبة للعدسات أنا لسة ما قررت ..
لأنه كتير خوفوني منها ..
قالولي تطلع مو حلوة في الصور ..
و حتعور عينك مع المكياج ..
و حتدمع عيونك .. و ينعدم المكياج ..
جننوني !!

و أنا لمن تدمع عيوني .. يسير فيا إللي بيقطعو بصل !!
تلاقي عيوني تدمع و خشمي يسيل و الدنيا تتزروط :23: ..
و أسير ما أقدر أفتح عيوني .. كأنه أحد حاطط أصباعه في عيني !!
و لو جلست أمسح أمسح .. حينعدم المكياج ..
و بالذات الأساس و العيون >> أيش بقي من المكياج !!

و إنتي تقدري تسوي ملكتك في الفترة هادي ..
و ما تتزوجي غير بعد ما تخلصي و تتخرجي ..
يعني مو شرط تأجلي قد كدة ..
الله يتمم لك بالخير إن شاء الله ..

و يا بنتي كل الناس فيهم عيوب ..
لا زوجك كامل .. و لا أبوكي كامل .. و لا أمك كاملة ..
و لا حتى إنتي كاملة ..
كلنا فينا عيوب و نواقص ..
ما كامل إلا وجه الله ..
و لا تتوقعي منه الكمال و إنه ما يغلط ..
حيغلط كتير .. و حتغلطي كتير ..
بس كله بعدين يروح في الغسيل :) ..
إنتي المهم أدعيله الله يهديه و يصلح حاله ..

و آمييييييييييييين ..
آمييييييييييييييييييييين ..
آميييييييييييييييييييييييييييين ..
يااااااااااااااااااارب العاااااااالميييييييييييييييين ..
يا أرحم الراحمين .. يا ذا الجلال و الإكرام ..

الله يجبر بخاطرك يا شيخة ..
و تعالي كملي هرجك حلوة الحكاوي ..
:)

تحياتي ..
جــــــــداويــــــــــــة
حبةاللؤلؤ
حبةاللؤلؤ
والله ماني عارفة ايش اعمل المشكلة انو خطيبي ادن في طين والتانية في عجين ولالاهوا داري اصلا ايش بيحصل المهم يتزوج وخلاص..
وبالنسبة لدبشي وربي مااشتريت غير قمصان النوم واشياء الحمام بسسسسسسسسس وماكملت :06:

وعندي امتحان يوم 21 الحج يعني انا فاضية لايه ولا ايه؟؟؟

مو ممكن يعني ينتظروني لحد مااخلص امتحاني وبعدين يقولولي دوري قاعة؟؟

جداوية حياتي ماااااااااااينفع ابدااااا اروح معاه اختار قاعة للفرح لاني جربته لما كنا بنفرش البيت وطفشني وقلتله انا ماحقدر خلي مامتك هيا دارسة ديكور واكيد تعرف..

اصلا كانت كل ماتعرف اننا رحنا نشوف مفروشات العفاريت تتنطط معاها وتعصب ..

وتقول لبناتها تحمد ربها اننا خليناها تختار الفرش:06:

وانا الغبية قلتله خليها هيا تختار على بالي اعمل كمان زوق وهيا كلمتني وقالتلي مايسييييييييير حبيبتي ده بيتك لالالالالازم تختاريه انتي:27:

قلتلها ياماما انا اثق في زوقك قالتلي ولووووووووو لالالالازم رأيك على الاقل غرفة النوم..

وفجأة تفرش البيت كلو ولالالالالالاتاخد رأيي في شي:eek:

انا خايفة تختار القاعة وتقول زي دايما انتو باردين وانا حجزتها خلاص من غير ما تاخد رأيي024:

والمشكلة زوجي معاها في كل شي يقتنع بكلامها كتيييييييييييييييييييييييييييير

والله خلتني حايسة ماني عارفة اركز ولا في شي ولا قادرة اذاكر..

وتبغى الفرح في شهر ربيع اول طيب انا عندي امتحانات نصفية في الكلية وبعدها بشهر النهائية يعني ايش حاعمل؟؟؟

وحاسكن في جدة ودراستي في مكة..
خااااااااااايفة ينتقم مني لانه في عقد النكاح اخويا شرط في العقد اني اكمل دراستي واتوظف ان رغبت وهوا مرررررررررررة زعلان عشان شرطنا الشرط ده مدري ايش في نيتو