يعني قصدك للمناطق الحساسة ولا للفين؟؟

وايش اسمه حق بمبي الكريم العادي اعطيني اسمه تمام


كارينا كرم هذا الرقم حطيته لك من اول رجعت حطته لك حبة اللؤلؤ

حبةاللؤلؤ اللي قصدك عليه من نعومي قارورته مدورة مو طويلة صح؟؟؟

<<<<<<< ياعيني على الوصف :23:

وماني فاهمة ايش يعني دهن الفواكه فين ينباع؟؟؟

السلام عليكم و رحمة الله و بركاته ..

أختي حبة اللؤلؤ ..
الحمدلله بخير يا قمر :) ..

يا بنت مين إللي يحط حوض سمك في غرفة النوم !!
أنا أمي حاطة في المعيشة حقتها حوض سمك كبير ..
مليان سمك ماشاء الله ..
و طول ما أنا جالسة عندها أسب و ألعن و أسخط
في السمك :23: !!
مافي غير تسمعي ..
بلوق بلوق بلوق بلوق بلوق >> صوت فقاقيع الموية ..
و تشش تشش تشش تشش تشش >> صوت الفلتر إللي يجدد
الموية و يرجع يصبها تاني في الحوض زي الشلال ..
شي يجيب العصبي :30: ..
قلك أحط حوض سمك في غرفة النوم .. عشان أتجنن :23: ..

و إنتي أصلا عارفة كيف شكل دولاب التلفزيون ؟؟
هو كبير .. زي الستاند .. و مافيه غير درفة واحدة كبيرة ..
على قد التلفزيون الكبير ..
فهمتي شكله كيف ؟؟
يعني مرة مافيه مجال إني أحط فيه شي ..
مرة ماهو عملي :( ..
فكرت أرص فيه الكتب زي ما قلتي ..
أو أحط فيه الجزم خخخخخخخخ ..
أو أخليه لملابس العريس >> ندلة ..

و الجزم الله يكرمك لا تخرجيها من كرتونها ..
حتتفعص .. و تنعدم .. نصيحة !!
خليها يودوها بكراتينها أحسن ..
و بعدين يفكوها هناك في بيتك ..

و مرة مو حلوة فكرة الجزم مع الملابس !!
أنا مرة منرفزتني ..
بس كمان ماعندي مكان لدولاب الجزم بالمرة ..
و دواليب الجزم ماهي صغيرة .. حتى إللي في إيكيا ..
لأنه بيتي صغير .. و يا دووب !!

و إنتي فين سويتي فستان ملكتك ؟؟
مادام طلع فستانك حلو .. سوي عنده حق الفرح ..
أريح لك .. قيدك عارفة الناس و متعاملة معاهم ..

يا بنتي عدنان أكبر أحسه من العصر الحجري ..
زمان هو و يحيى البشري كان لهم إسمهم ..
دحين خلاص بــح !!
و يحيى البشري خير شر مافي راسه :09: !!
و عدنان أكبر ..
من زمااااااااان ما جات سيرته و لا سمعنا عنه شي !!

ومين عبد المجيد شبكشي دا ؟؟
أنا إللي في جدة ما سمعت بيه دا الشارع !!
يمكن يكون حارة ولا شارع فرعي وسط الأحياء ..

و ترى مادام تحبي الجاهز ..
روحي المحلات إللي قلت لك عليها ..
إنتي لو ستايلك رايق .. حيعجبك شغلهم ..
شوفتي كيف فساتين أفراح الأجانب ؟؟
زيها .. بس بشوية فخامة زيادة ..
أنا بصراحة عجبتني فساتينهم مرة ..
و يقولولك يجي الفستان زي القالب !!
و إذا يبغاله أي شي .. عندهم خياطة فلبينية أظن ..
جالسة عندهم في المحل ( ديميتريوس ) ..
في ساعتها .. قيسيه و شوفي أيش يبغاله ..
و يصلحوه و تاخديه مية مية ..
و لو تبغي تزودي فصوص .. يزودو لك ..
بس فيهم عيب واحد .. و ما يعتبر عيب ..
لأنه حتى الخياطات بيسوو كدة ..
تشتري الفستان من غير طرحة ..
و عندهم تيجان و برانيط و إكسسوارات شعر ..
شوفي إللي يعجبك و خديه ..
و كدة ولا كدة الطرحة عبارة عن تــل ..
أشتري التل و وديلهم هو .. و خليهم يطرزوها زي تطريز
الفستان .. و على موديل الطرحة إللي إنتي تبغيه ..

و المطربة أنا حايسة زيك ..
و دانة حضرت لها كذا مرة عند أهلي ..
و أنا أعرفها شخصيا البنت ..
بس فلقة !!
فوق العشرين !!
ليش يختي ؟؟
تبغي ربنا يسخطك هداك اليوم !!
أصحك تجيبي مطربة بدا السعر ..
و كمان ما تجي غير بأورج ..
و أنا ما أبغا أورج .. لأنه حرام ..
أبغا بس طيران ..
فيه وحدة رهيبة .. بطيران ..
شي شكشكة ..
و هي إللي كنت حاطتها في بالي ..
و يوم ما كلمتها عشان أحجز ..
لقيتها محجوزة يوم زواجي :06: ..

و فرقة أماسي .. سمعت إنهم أنفصلو ..
>>>> سبايس جيرلز على غفلة :09: ..
و كل وحدة راحت لحالها ..
>>>> حيتوجهو لهوليوود :23: ..
من جد والله .. سمعت أنهم أنفصلو ..
و أظن ما عاد يشتغلو سوا ..
و برضهم بأورج .. و الأورج حرام !!

و شوفي اليومين دي أغلب الناس سارو
ما يحضرو بأورج ..
فأحسن لك جيبي من غير أورج ..
و حطي في نيتك رضا ربنا قبل كل شي ..
عشان ربنا يوفقك ..
و إللي بدون أورج برضو شكشكة و هيصة ..
يعني لا تحسبيه مو حلو ..

و أغاني العجايز هي إللي تهيص :) ..
و أكبر مثال .. سبحانو و قدرو عليك ..
يوووووووه يا بنت .. هي دي الأغاني من جد !!
مو القرف إللي بنسمعه و نشوفه الأيام هادي !!


تحياتي ..
جــــــــداويــــــــــــة

السلام عليكم و رحمة الله و بركاته ..

أختي سلافة2120 ..
كيفك يا بنت ؟؟

من جد أسكتي أحسلك :) ..
بس ما قلتي لي .. أيش نوع الجوال إللي جابلك هو ؟؟
لقاااااااااااااااافة :23:

طيب و ليش تسوي الفيلم الهندي هادا كله ؟؟
المصورة حقت الملكة ما سوت لك صورة كبيرة خشب ؟؟
لو ما سوت لك .. خدي أحلى صورة في الملكة ..
و وديها لأستديو ( حريم طبعا ) و خليها تكبر لك هي على خشبة ..
و بالمقاس إللي إنتي تبغيه ..
حتى لو قد نص الباب ..
و تديكي هي بقاعدتها و كل شي ..
و لو فيها شي يبغاله تعديل هي تعدلها ..
و لا سكانر و لا كل الفيلم إللي إنتي تبغي تسويه !!

و ليش تستأجري يا بنت ؟؟
و من فين ؟؟
و كيف ؟؟ أشياء حلوة ولا مشي الحال ؟؟

شوفي أنا ما أايد فكرة الفستان الغالي ..
بالذات الأبيض ..
يعني فستان الملكة ممكن يتلبس كفستان سهرة ..
لكن فستان الفرح إللي ما يتلبس ..
فسوي فستان ماهو مرة غالي .. سعره معقول ..
و له بهجته .. و إنتي أول من لبسه ..
و بعدين بيعيه و لا أتصدقي بيه لناس محتاجين ..
تكسبي أجره ..
و عالأقل شوفي في اليمامة و الكندرة ..
فساتين حلوة و مكلفة و مطرزة و رخيصة أسعارها طيبة ..
و تسوي إللي تبغيه على هواكي و الموديل إللي يعجبك ..
و بالسعر إللي يعجبك ..

لكن تستأجري فستان مستعمل !!
ما أدري .. ما أحسها حلوة ..

يا بنت حملي الصور على نفس موقع حواء ..
أيشبك مسوية إدنك منين يا جحا :23: ..

دولاب التلفزيون مرة ما ينفع للصالة ..
لأنه نفس لون و شكل غرفة النوم ..
يعني تقدري تحطي مثلا الكومودينو و التسريحة برة
غرفة النوم ؟؟
مرة ما ينفع ..
و أصلا لونه مرة مو ماشي مع الصالة مرررررررة ..

و البدوي أنا شخصيا ما دخل مزاجي و لا 1% ..
و كنت حأتورط و آخد من عنده تاج ..
قال لي بـ 1200 ريال ..
و والله ثم والله صاحبتي أشترت تاج يجنن ..
بخمسين ريال من البلد !!
شوفتي أميركان برينسس ؟؟
يشبه التاج حقها !!
و أنا بنفسي إللي أخترتلها هو ..
يعني لو ماشوفته بعيني .. ما كنت أصدق !!
و بعدين لفيت السوق ..
و لقيت التيجان بـ 100 - 200 و دي الحدود ..
و الغالي بـ 400 - 500 ..و يمكن يزيد شوية ..
بس ما لقيت ولا تاج وصل للألف ريال غير عند البدوي !!
الحمدلله إني ما أشتريت منه الحمدلله ..

و على قولك .. عدنان أكبر لوحته هديك إللي من ورا ..
عند مجرى السيل .. صح ؟؟
أنا كنت احسبها من قدمها جالسة هناك محد شالها :23: ..
ما أدري إنه لسة بيشتغل !!

و الجزم في الدولاب .. على الرف ..
يـــــع !!
يا بنت مو حلو .. و أنا فكرت أصلا ..
حتى لو حطيتها في الدولاب .. حأحطها بعلبها ..
و لا أروح أشتري من هديك الكراتين الكبيرة إللي في إيكيا ..
إللي بغطاء .. عرفتيها ؟؟
أشتري منها واحد كبير .. و أحطه في الدولاب من تحت ..
و أحط جوته الجزم ..
لكن مرة مو حلو إني أحطها على الرف ..
و في نفس دولاب الملابس !!


تحياتي ..
جــــــــداويــــــــــــة

هههههههههههههههههههههههههههههههههههههه جداوية موتنيني من الضحك..

غالية عيوني دهن الفواكه دهن وي يعني زي العود والمسك عطر يعني من عند العطرجي والقرشي والناس هادول وتحطيه في المنطقة الحساسة على قول سلافة ..
واللي عند البودي شوب بمبي هوا العبوة نفسها كريستال مدورة وشكل الكارتونة زي الاسطوانة لونه فوشي..
والكريم ياسلافة عبوة طويلة مالها علبة bambi
اسمها كده وبس..

جداوية يابت ربي يسعدك وربي الى الان باضحك..

يحي الشري انا مادخل مزاجي من زمان..

عدنان اكبر مازال بيشتغل وكل العرايس في عيلتي عنده شغل متقننننننننننننن وراااااااقي بس مايعمل شي خارج عن العادة بس حلو صراحة..

انا فستان ملكتي من بوتيك A&A
رحتلها من فترة عشان للفرح ومالقيت شي قالولي خليكي وراها روحيلها كل شوية يمكن تنزل شي..

وايش رأيكم في قاعة ريهام؟؟

سألت عن نسايم ليل قالولي الخدمة فيها موكويسة ..

ومين يعرف قاعة رومانس للاحتفالات ايش حكايتها؟؟؟

وقاعة نوف حلوة ولالا؟؟

ياناس انا ماعملتها في مكة لان ماما تهتم كتير بالبوفيه والخدمااااااااااااااات