المدار الحكوميه الى اين

السلام عليكم

الموضوع باين من عنوانه

انا ام طالبه سجلتها باول ابتدائي اول يوم كان الاستقبال عادي جمعونا بساحه الخارجيه بالحرررر وجلسو يوزعون البنات على طول على الفصول ثلاث فصول كل فصل 30 طالبه مو مشكلتنا العدد !!!

لان كل المدارس الحكوميه مليانه


لما وزعوهم فصل بنتي ماله استاذه غايبه دخلوهم الفصل حطو عليهم احتياط وزعو عليهم حلويات وخلوهم بالفصل الى الفسحه
احنا قالو لنا يفضل ماتجون ابد من بكره الى يوم الخميس احضروا عشان تستلمون الكتب لبناتكم والجدول ..
المدرسه وسخه مافيه مستخدمات غير وحده مصريهة ومشغله البنات يشيلون ويساعدونها
الحمامات وماادراك ما الحمامات الله يعزكم اوسخ منها ماشفت ولافيها مويه ابد ..

اليوم الثاني ..
الاستاذه غايبه والاداريات يقولون بتجي وخلص اليوم والبنات حوسه والفصلين الثانيه بادين تعارف ونشاط مع المعلمه وجلسو بدون استاذه وجتهم وحده وجلست عندهم دقايق وبعدها طلعتهم يستلمون كتب ...جت المسئوله قالت ليه تسلمينهم تخبط ..
المدرسه مازالت وسخه وحماماتها اوسخ من قبل ..قالو لنا لحد يجي خلو بناتكم لحالهم ..


بنتي بدل ماكانت متحمسه للمدرسه كرهتها وتقول خلاص مابي اروح :angry::angry:

بالله هذي مدرسه وداخل احياء الرياض بالشفاء 220ب وسمعت ان كذا مدرسه بهذا المستوى بهالحي

الف تسال بمخي ولا له اجابه اجل مدارس الهجر وغيرها كيف ؟؟؟