كوبونات الراقية تسجيل الدخول

بثـينة
بثـينة •
زهرة عمري زهرة عمري :
الممنوع الماء الكثير والباااارد الايس كريم المشروبات الغازية الحوامض والمخللات البامية والملوخية الخضار مهم تاكلين سلطة ونوع فاكهة باليوم الله يعطيك الصحة والعافية
الممنوع الماء الكثير والباااارد الايس كريم المشروبات الغازية الحوامض والمخللات البامية...
لا يا حبيبتي الا الماء جدااااااا مهم و ضروري للنفاس وغيرها ..
الماء لو الواحد كثر منه عمره ما راح يضره سواء كان بارد أو حار او دافي ...
بثـينة
بثـينة •
شــــقاويهـ شــــقاويهـ :
السمك با انواع والبطيخ مو زين وقت النفاس
السمك با انواع والبطيخ مو زين وقت النفاس
ليش يا قلبي السمك جدا مفيد للجسم و للنفاس بعد ..

ابتعدوا عن الاقاويل اللي تسمعونها من الكبار ترى ما عندهم اي خلفيات علميه ...

بالعكس السمك جدا مفيد للجسم خاصه انه مصدر للكالسيوم و اليود و فيتامين د ...
والنفساء تحتاج الكالسيوم بكثره هالفتره ...
بثـينة
بثـينة •
المشروبات الغازيه و الملفوف والقرنبيط والبقوليات حاولوا تتجنبوها أو ع الاقل خففوا منها فتره النفاس و علشان الرضاعه بعد لانها تسبب غازات و ممكن تأثر ع الطفل وتزيد له الغازات ...
الخضروات الباقيه بشكل عام مفيده للجسم ولا عليكم من اللي يقولكم كل شي ممنوع .. كل الخضروات والفواكه مفيده للجسم بس اللي يسبب غازات لا تكثروا منه علشانكم وعلشان البيبي بعد ....
وكثروا من المشروبات الدافيه و الحبه الحمرا أو الرشاد مفيد لتنظيف الرحم فحاولوا تدخلونه بأكلكم او بمشروباتكم ..
احنا فالامارات نستخدم حب الرشاد او نسميه الحبه الحمرا نسويه كمشروب مع الكسترد بالحليب وفيه حب رشاد و سكر و اشوي هيل و ممكن زعفران للي يحب .. طعمه لذيذ و يدفي بهالبرد ..
وممكن نسويه شوربه بالطحين بعد لذيذ مع رشه فلفل اسود و كركم و اشوي بصل مقلي بالسمن البلدي ... وفيه له وايد طرق المهم سووه بالطريقه اللي تعجبكم ..


السمك والدياي واللحم كلهم مفيدين خاصه هالفتره محتاج الجسم لشي يرممه من داخل وبرع ...


كثروا من الخضروات والفواكه علشان تتجنبون الامساك و لا تنسون العسل والتمر ...