بتهزري البنت اللي كانت عندي برضه بتخلص في تلات اربع ساعات وتقعد بعدها تدهن نفسها بس ماكانتش بتقوللي يا ماما كانت بتندهني بأسمي حاف طيب البنت المصرية سعرها كويس؟

lolookasha انتى كنتى عيزاها كمان تندهنى بأسمى وحاف ؟؟؟؟؟؟؟؟
بالنسبة لسعرها دة يبقى المفروض تشيل الشقة شيل ومتسبش حاجة خالص لان السعر السائد دلوقتى من 30 ل 35 ج .

طيب انت شقتك كام متر؟بصي هي لغاية دلوقتي كويسة انا جربتها مرتين بس انا شقتي150 متر لما اخدتها عند ماما هي شقتها 200 م قالتلي انا هقسم الشقة نصين في كل مرة اعمل نص حلو قوي والنص التاني يكون عادي او ان اجيب واحدة معايا تساعدني طبعا احنا رفضنا موضوع واحدة تانية عشان كده انا بسألك عن مساحة الشقة.. انا هدخل انام وارد عليكي بكره ان شاء الله

صباح الخير حبايب قلبى بنات المضيفة وحشتونى جدا
ام جوجو ازيك يا عسل وحشتينى خالص
دون حبيبة قلبى انتى وام جوجو شغالين الله ينور على الشغالات زمنهم شرقوا
يا ترى انتو موجودين الان ولا لا
لو حد فى المضيفة يرد عليا يا بنات
رواء وحشانى خالص ورانيا كمان انتو مش بتدخلو المسانجر ولا ايه
اينا اخبارك ايه وحشانى جدا يا حبيبتى واخبار فريق الكورة عندك ايه

صباح الخير ..
ازيكم يا بنات جميعا .. كان مال السايت انبارح كان حالته صعب وايه كمان موضوع البحث الى لغوه ده .. ده كان مهم والله ! ما علينا .. المهم حمد لله على سلامتك يا لولو :) انا كنت لسه بسال عنك يا قمر .. فتحتى موضوع الشغالات وانا الحكايه دى بتفرسنى وبسكت عشان لو نطقت ان شاء الله حلاقى شباشب طايرةةةة ( طبعا عارفين مصدرها من فين) انا شقتنا 300 متر الست ستوته ااقصد الست هناء بتيجى لنا مره كل اسبوعين بتاخد كل مره 60 جنيه وآخر مره راحت طلبت 70 !! ومن ساعتها ما طلبنهاش تانى .. :( هو احنا عشان فى المقطم والأسعار سياحيه بيعملوا فينا كده ولا ايه ؟ شفتوا بأه انا مفروسه ليه ! وانتوا تقولوا 30 و 40 .. طب انا اعمل ايه
نودى .. انتى فين يا جمييييل وفين معلوماتك ؟ على سيره المعلومات انا عرفت ان محل ماكس اند ماتش بيصفىىىى خاااالص الى عايز يلحق يجيب حاجه لأنه كان عنده مقاسات كبيره .
ام ابيها : بنوتك زى القمر ما شاء الله عليها ربنا يخليها لكم وتفرحى بيها يارب :)
اليانورا :حمد لله على سلامتك والف مبروك حبيبتى ولو ده سر غيابك عننا خلاص مش حنتكلم بس مش تغيبى عننا تانى كده كتير