اهلا بيكي معانا أختي "معاكم"، للاسف ما نقدر نحطلك مواقع "فرفشة" مصرية لان قوانين الركن بتؤكد على عدم وضع روابط من خارج المنتدى أيا كانت، لكن ممكن نعزمك معانا على واحد شاي كشري و ده طريقته انك تغلي الماية، و في الكوب تضعي كمية الشاي الناشف اللي تبيها و عليها كمية السكر اللي تبيها و تصبي عليها الشاي المغلي و تسيبيه شوية و بعدين تقلبي، ده اسمه شاي كشري على مية بيضا.

و اهلا بيكي معانا مرة تانية

اهلا بحبيبتي مسلمة، وحشتيني و الله، و من عيوني حابعتلك الرقم حاضر. اما اللي مش بيحب الشاي فحنجيبله سحلب و عاشورا و بليلة من مطبخ دون >>>>> حاحاول اعمل نفق بين الموضوعين عشان اسرب لكم الاكل و الشرب من هناك من غير ما دون تحس، ينفع؟؟؟

جزاكي الله خيرا يا مسلمة على رأيك اللي أعتز بيه و كلامك سليم مية المية، و على فكرة همه متجوزين و عندهم اولاد، يعني كل واحد فيهم استقر و عمل اللي في دماغه و دلوقت اخدوا جوازي حجة عشان يخلعوا نفسهم نهائيا من العناية بابا او رعايته و كل اللي عملوه انهم وصوا أخويا الاصغر مني على بابا!!! مع انهم ممكن ييجوا يزورا بابا في الاوقات اللي انا فيها مش في البيت، لاني مش بارجع من الشغل قبل 6 و نص مساءا، يعني ممكن اوي يزوروه و يشوفوا احتياجاته و حتى يجيبوا له احفاده يشوفهم، لكن همه قرروا يعملوا لنا عقاب جماعي علّ و عسى اني انهار و اقر و اعترف اني مليش غير اوضتي في بيت ابويا اعيش و اموت فيها. حسبي الله و نعم الوكيل.

اللهم لك الحمد كما ينبغي لجلال وجهك و عظيم سلطانك

يوة نسيت كنت عايزة أسأل يا بنات حد يعرف ماسك حلو للوجه علشان الحبوب و بصراحه بقالى كتير مطنشه و عايشه حياتى فى الشيكولاته و اللب و خلافه فوشى ضرب شويه و عايزة الحقه بس يكون ماسك من حاجات متوفرة
المعلومه بتاعتى إنى كنت فى هايبر يوم الجمعه و هو فعلا عامل مقاطعه و عروض كتير كمان و كمان كارفور عامل مقاطعه يا بنات الحمد لله و ربنا يعينا و إياكم

مش عارفة يا مسلمة، بس يمكن ماسكات التنظيف هي اللي تفيدك زي ماسك الطمي و الحاجات دي، بس مش عارفة اوصفلك ماسك معين. كمان حاولي انك تعملي سكراب لوجهك كل اسبوع و فيه سكراب يومي كمان. ارشحلك St.Ives عشان تجيبي منه الماسك و السكراب و ربنا يسهل و يجيب نتيجة كويسة معاكي

معلش يا نودى إصبرى عليهم و فى نفس الوقت توكلى على الله و إتجوزى و مع معاملتك الحسنه ليهم و لوالدك هيعرفوا إنهم غلطانين فى حقك و ثوابك عند ربنا يا حبيبتى إن شاء الله