ياصباح الف يا مسلمة ربنا يخليكى على ذوقك

أموله استنى ياحبيبتى ابعت معاه اللى عندى ربنا يكرمك

وبالنسبه للبن دانو من المقاطعه مش كده برضه

صباح الفل يا سمسم، ازيك و ازاي ياسمين؟؟ وحشتينا اوي و ربنا يقدرك عالعزال و الشغل

ام ياسمين (جيسيكا) مش عارفة دانو ده ايه اول مرة اسمع اسمه اصلي بصراحة بطلت البودرة ده من زمان و باستخدم حليب بس حاليا

صباح الفل

احدثكم من موقعي في المنزل وبجواري ياسمينة نايمة في الكرسي الهزاز بتاعها، انا مش باشرب شاى ممكن قهوة؟ بس تركي مضبوط وحياتكم

سلامي لكل البنات والمدامات تعرفوا ان المدارس تالحكومية كمان زودولها ساعة يعني العيال هتفضل في المدرسة لحد 4 لما يقولوا حقنا برقبتنا بلاها علام وطبعا الموظفين امثالي اللي بيروحوا في المواعيد دي يخبطوا دماغهم في الحيط بقى في وسط زحمة المدارس او يستنوا ويروحوا نصف الليل هو ده اضبط موعد علشان السكة تكون فاضية في مصر

امل

قلبي عندك وربنا يعينك

ولا يهمك من حد حسبك الله يا بنتي وكل واحد ربنا هيقعدله عمله والله عليكي ب"لا اله الا انت سبحانك اني كنت من الظالمين"

وحشني الرغى معكم ، على فكرة ان شاء الله هانزل الشغل قبل آخر الشهر باذن الله، ومش قادرة اوصف لكم حالتي ساعات ابص لياسمين واخاف عليها من الحضانة وساعات اقول ما هى كده كده مسيرها تدخل حضانة وانا هاتجنن من البيت وعاوزة اشتغل وزوجي بقى القلق اللي في الدنيا وكل ما تيجي السيرة يفضل يقوللي البنت لسة صغيرة ويتنكد وينكد عليا بالمرة باحاول اشرب القهوة علشان انسى حد عاوز اعمله معيا

شفتوا اللي حصل في سوريا (حرقوا السفارتين وامريكا طبعا ما صدقت) هى سوريا ناقصة يا ناااااااااس