Noody30 :

عالسريع يا مروة، شوفي يا ستي بالنسبة للمطبخ و السفرة انتي محتاجة التالي: طقم حلل ستانلس أو الومنيوم- ممكن طقم حلل صاج و ده مكون من 3 حلل (على ما افتكر يعني)- كام مقاس من حلل تيفال (لا احبذ انك تجيبي طقم كامل يعني شوفي مقاسين للارز و كفاية)- طاسات الومنيوم و تيفال للتحمير مقاسات مختلفة- طقم حلل بايركس- طقم صواني بايركس بيضاوية او مستطيلة او ممكن تشكليها بالقطعة- طقم صيني كبير- طقم اركوبال- شنطة معالق- طقم معالق للتوزيع- معالق للاستخدام- صواني الومنيوم و تيفال للكيك- حلة ضغط (لو انتي من مستخدمينها و بتعتمدي عليها في الاكل)- طقم صواني تقديم + صواني عادية- طقم توابل كامل- طقم سكاكين و مقصات مطبخ و مسن و ساطور و مدق للحم مع لوح التقطيع- مجات و اطقم اكواب احجام مختلفة للشاي و العصاير و الماء- طقم خشاف- طقم شربات- طقم كاسات 12 كاس- اطقم كاسات عدد 6 كاس حسب الرغبة- طقم جاتوه (طقم شاي و معاه اطباق تقديم الجاتوه)- اطقم شاي و قهوة حسب الرغبة للتنويع- طقم جيلي- طقم كاكاو (و لو اني مش شايفة انه له لازمة يعني ممكن يشربوا الكاكاو في فناجين الشاي، بس هو زهق و خلاص)- مصافي اكتر من مقاس للمكرونة- و مصافي من الصغيرة بتاعة الشاي و العصاير و الحاجات دي- قطاعة بيض- مخرطة ملوخية- طقم معالق خشبية- منخل للدقيق و منخل عادي- مدق للثوم- فتاحة لزجاجات البيبسي- مبشرة- أطباق بلاسيتك احجام مختلفة لزوم غسيل الخضروات و غسيل الارز و غسيل الهدوم و العجين و خلافه من الاستخدامات اللي بتظهر لوحدها- ميزان مطبخ- ميزان حمام (لو انتي مهووسة بوزنك و لازم تبصي فيه كل يوم و تعقدي نفسك)- سلم للبيت (عشان تطولي الحاجات العالية)- ترابيزة المكواة- اكياس الغسيل- طبعا المقشة و الجروف و فرش الارضيات و فوط المطبخ و جردل المسح و الحاجات اللي بتتنسي و بتفتكريها في الاخر- القواعد اللي بتوضع تحت القدور الساخنة- الشبك اللي بنغطي بيه اطباق الاكل (ناسية اسمه خاالص) امممممممممممممممممممم، اكيد نسيت حاجات كتير طبعا، بس لو افتكرت حاجة جديدة حارجع اكتبهالك قبل ما ندخل في المفروشات. و لو المدامات اللي معانا افتكروا حاجة تاني يضيفوها طبعا او يعدلوا على كلامي

عالسريع يا مروة، شوفي يا ستي بالنسبة للمطبخ و السفرة انتي محتاجة التالي: طقم حلل ستانلس أو...