يام باسل فى السلام للمحجبات فى ميدان اسماعليه
وده فيه كل المستويات
وفى مدينه نصر جانب قويدر
وجنيينه مول ملينه
ماما اشتريت من هناك الاسبوع الفات

ازيك يا أم باسل وازاى صحتك دلوقت اتمني تكوني بخير ان شاء الله

انا لسة راجعة من بافيون دلوقتي والله الحاجات بتتخطف امبارح كان لسة الخبر ما اتنشرش اليوم بقى رحت لاقيت امة لا اله الا الله هناك وعمالين ياخدو في الحاجة والله بدي كان شفته في اور كيدز ب 27 جنيه لاقيته هناك ب15 عمالة اشتري لياسمين حاجات بالهبل ومش قادرة امنع نفسي حتى المايو جبته لها ههههههههه

يا أم باسل

الفريدة عندها حاجات حلوة قوي وبأسعار معقولة وفي فرع في سيتي ستارز في الأرضي لو انتي في مصر الجديدة

ام ابيها ازيك
انا ياستى ياسمين فى اول ابريل تبقى 6 سنوات والمشكلة انى مش بقدر ابدا امنع نفسى من العصبية وده بيكون ليه انا عامل نفسى بشع لأنى بتأثر جدا لو زعلتها ونفسيتى بتبقى وحشه فوق ماتتخيلى وبحاول اقرى قرآن واهدى نفسى بس المشكلة الأكبر انى بكون هلكانه من الشغل وبعدين طلبات البيت وبعدين فى الآخر المذاكره وفى الآخر دماغى بتكون بشعه مش مسحملة مذاكرة فأى محاولة منها لتعطيل الوقت بيقابله عصبيه منى وده طبعا هيكرها فى المذاكره بحاول بكل الطرق اضبط نفسى الأول قبل ما اشتكى منها
ادعولى ربنا يجعلنى ام صالحة لبنتى ويصلح حالها
وشكرا ليكى يام ابيها ومبروك الحاجات اللى اشترتيها لياسمين ملبوس الهنا والعافية وربنا يسهل اروح المحل ده اتفرج هناك ولو ان الخريطه عندى بايظه بس هسأل عليه

ام باسل ازيك مشكوره على اسماء المحلات
على فكرة فى عبايات حلوه فى محل روبان فى اول شارع فيصل
أسطوره و الهدى للمحجبات فى آخر فيصل
وعباءة فريدة فى كايرو مول فى الهرم فى حسن محمد

الله يعينك عليها يا أم ياسمين وربنا يحفظهالك بس بصراحة 6 سنوات يعني ما شاء الله كبيرة وبتفهم حاولي معها بدون عصبية والا جربي الحل الاجباري وهو انك تجيبي لها مدرسة خصوصي في البيت وساعتها هتلتزم لأن الأطفال دايما بيدلعوا لما يكونوا بيتعاملوا مع الأم بالذات وبيلتزموا مع الغريب انا عارفة انه حل رخم وبدري على سنها بس للضرورة احكام وكفاية على الواحد ضغوط البيت والشغل كمان مذاكرة سنة اولى الله يكون في عونك