لولو توكلى على الله
انا فى راى ان سنتين او سنتين ونص فرق بين الطفل الاول والتانى كويس جدا
عشان يبقوا قريبين من سن بعض ويلعبوا مع بعض
وفى نفس الوقت الطفل الاول من اول سنتين بيبقى ابتدى يفهم كلامك (مش قصدى يسمع الكلام لا سمح الله قصدى يفهمة بس :))
واهى فترة متعبة وتعدى مع بعضها ان شاء الله
مش بعد ماتنسي والبيبى الاول يكبر ترجعى تعيدية من الاول تانى
شوفى انا ماجربتش عملى بس هو ده تفكيرى(عشان ماتدعيش عليا :))

ميلسيا
اعتقد ممكن لو بعتى مايل للمشرفة على الموقع وتقوليلها على بيانات حسابك القديم بالظبط والجديد حاليا
هى ممكن تظبطلك الموضوع بتاع الاسم ده من database
وكل مواضيعك اللى بالاسم القديم او الجديد هاتبقى تحت نفس الاسم
انا مرة بعتلها مايل وغيرت اسمى اللى بظهر بيه برضه
وهى بصراحة جزاها الله كل خير على طول ردت عليا وعملتلى اللى انا عايزاه
حاولى كده وان شاء الله يرجعلك اسمك القديم اللى بتحبيه

دارييين اهلا بيكى معانا
ربنا يكون فى عونك الغربة صعبة فعلا
على فكرة معانا واحدة امورة فى المنتدى اسمها زئردة هى برضه مغتربة فى الكويت ممكن تتعرفوا وتسلوا بعض فى الغربة
واخبار سوق المعلم ايه اللى فى حوليى :)
(اصلى روحت مرة زيارة الكويت وليا صحباتى هناك)

شوفي ردي يا سندريلا

السلام عليكم و رحمه الله و بركاته
بصراحه يا بنات الموضوع بقى كتير أوى . يعنى رغى رغى كدة المشرفات هيقفلوا الموضوع و إحنا ماصدقنا يكون لينا موضوع نتلم فيه كلنا فياريت مافيش داعى للمشاركات الكتير أوى دى و يكون الكلام فى المفيد الله يباركلكم . كمان علشان اللى يغيب شويه يقدر يقرأ اللى فاته مش فى يوم واحد الموضوع يزيد بال20 صفحه صح ولا ايه رأيكم؟
أم ياسمين شكرا على وصف المحلات و إن شاء الله أروحلهم زيارة و ألاقى موديلات جديدة

يا جماعة عايزة حد يقوللى فى شارع القصر العينى علشان عايزة اروح هناك اقدم فى منحة دراسية تبع الجامعة الامريكية بس مش عارفة هو فين و ايه محطة المترو بتاعته

بصى يا وسام على قد معلوماتى السطحية فى منطقة البلد بالذات ان شارع القصر العينى عند مجمع التحرير حتلاقى الجامعة الامريكية هناك