ميرسي يا شيري على ردك
الحمد لله

ايه يا مسلمة الحاجات دي كلها يا جماعة عاوزة اقول لازم نفرق بين المنتجات المستوردة واللي بتتصنع في مصر حتى لو بياخدو جزء من ارباحها، اللي بيتصنع في مصر فاتح بيوت الوف من العاملين والمزارعين والمنتجين لو قاطعنهم بيتهم هيتخرب وانتم عارفين حالة البلد الاقتصادية مش يجي واحد يقوللي يروحوا في حتة تانية لأننا عارفين كويس ان ما فيش حتة تانية

الله يكرمكم لازم الواحد يكون حريص في نقل الحاجات دي علشان الناس حطوا نفسكم مكانهم لو الشركة طردتك لأنها بتخسر وبيتك اتخرب وانت عندك عيلة واولاد

قاطعوا المستورد زى ما انتم عاوزين لكن ابعدو عن اللي بيتصنع في مصر ولو حتى بترخيص فرانشيز

يعني مثلا اللبان والشيكولاتة اللي مش قادرين نستغنى عنهم وبيكلفونا مليارات استيراد، اللبس اللي الواحدة تقعد تقولك ده فرنسي وده امريكي وده مش عارف ايه ، الأقمشة والانجيريهات والحاجات اللي ما لهاش فايدة وحاجة مهمة بقى فكرتوا في مقاطعة الأفلام بتاعتهم ولا احنا نقاطع الأكل ونروح السينمات نتفرج على افلامهم وننفعهم وهى غالبيتها (........) استغفر الله العظيم حتى لو كانت كرتون

الماكياج والبرفانات المستوردة
الكريمات والشامبوهات
كل ده لازم يبقى فيه وقفة

والله يا ام ابيها انا مش عارفة ان كان الكينود تبع المقاطعة ولا لأ
وبخصوص الخدمة يا شيرى مش تبع لايف لأ دى عادية بتتصلى ب 1133 بتسمعى رسالو بتشوفى انتى عايزة اية منها يااما يبعتلك كل يوم رسالة يقولك مواعيد البرامج الدينية او يبعتلك رسالة ينبهك لمواعيد الصلاة قبلها بيوم او يبعتلك رسالة كل يوم الصبح بحديث شريف يومى او بتفسير او دعاء او ...او.. او... حاجات كتير وانتى تختارى اللى انتى عيزاة وممكن تشتركى فى اكتر من حاجة اول مرة الاتصال ب جنية ونص وكل الرسايل اللى حتجيلك يوميا مجانية

فين ام ياسمين يا جماعة؟؟؟؟؟؟
صباح الخير يا سمكة
شكرا يا رواء ربنا يكرمك على المعلومة

السلام عليكم ورحمة الله وبركاته
بقالى ساعتين مش عارفه اضيف كلمه
وحشتووووووووووووووونى كلكم معلش بقالى كتير مدخلتش كنت فسيخه فى السرير والحمدلله رب العالمين

نوووووووووودى سلامتك الف سلامه يارب تكونى بقيتى احسن وربنا يشفيكى ويعافيكى

دون وحشانى كتيييييييييييييييير جدا جدا والف سلامه لكل حبايبك
وسلمى على موتى كتير وقوليلها وحشتينا
على فكره لمحبى مكرونة لازانيا موجودة فى السوبر ماركت عبوتين بسعر واحده وبكاااااااااااااام ب7ج فقط

على فكره لقيت كمان فى السوبر ماركت لبن بودره اسمه ميرو وفيه منه كامل الدسم وفيه لايت حد سمع عنه ياريت لو حد جربه يقولى

ام ابيها ازيك وازى ياسمينه على فكرة ميرسى على المحل اللى فى المنيل انا رحته جميل وجبت شوية حاجات حلوة لياسمين على فكره كمان المحل اللى قدامه فيه حاجات جميله وبالنسبه لوسط البلد عنده موديلات اجمل بكتير وفيه كمان بيجامات حريمى جميله قوى متشكرة يا فطومة

الفراشه الطائرة ازيك وازى اخبارك
مروة كوين اخبارك ايه
لوكا (آلاء) أزيك وازى جوجو يارب تكونو تمام وانا ردى عليكى متأخر بس انا لو منك اجيب دلوقت البيبى التانى علشان يتربو مع بعض وتحسى انك صغيره معاهم صدقينى كده احسن وتعتب بتعب يتربو سوى وربنا يديكى اللى فى نفسك

سمسمه ازيك وازى ياسمينه
سندريلا يارب تكونى تمام على فكره مشكلة صاحبتك صعبة والحقيقه كلهم ردوا عليكى بالمفيد وانا مع الرأى انها تشرك اهلها المره ده وتحاول تلاقى حل عن طريقهم ولو مكانش مفيش قدامها غير القرار الصعب هو فعلا قرار صعب على اى انسانه مهما كانت قوية وربنا يلهمها الصواب فى الرأى

هبه ازيك يا وحشه وحشتينى
روشانا وروزاريو ام باسل واليانور ودارييين ووسام ازيكم كلكم
المحبة للرسول اهلا بيكى يا قمر معانا
سمكة حمدلله على السلامة ازيك

رونى ازيك
بتول وحشتييييييينى كتير
رانيا سبانش فلاور انتى فين وازى ندى وجومانجى
رواء ازيك وازى الولاد
ميروووووووووووووووووووووو ازيك ويارب تكون كل اخبارك تمام

شيرى ازيك ياقمر وربنا يرحم امواتنا واموات المسلمين جميعا
تصورى انا لسه كنت بتكلم فى موضوع فيه ناس بتموت فجأة وبدون مقدمات الناس تقول ايه يابختوا مات فى بيته او مات من غير ما يتعب ولا اى شئ ده ربنا بيحبه عمله حلو
وناس تموت بعد طول مرض فالناس تقول ربنا كان بخلص ذنبوهم علشان يموتوا وعملهم كويس
وفى نفس الوقت فيه حديث فيما معاناه الاستعاذه من موت الفجأة
انا بس بدعى ربنا يجعل احسن اعمالنا خواتيمها
ويرزقنا واياكم حسن الخاتمة
ويرحمنا برحمته ويجعلنا من عتقاء النار اللهم آمين