بالعكس يارواء الأسلام انا بعتز بكل واحدة بتشاركني رأيها عموما دار الأفتاء بتقول انه مش حرام بس انا نوعا ما بقتنعش بيهم انا عاوزة حد تقيل يعني زي وجدي غنيم
وشكرا ليكي جدا وانت بتعتذري على ايه بس؟دا انت حبيبتي

وحشني بيتنا الجميل وسط اخواتي وحبايبي اللي بموت فيهم واللي بيهونوا علي الغربة والله
اكيد ممكن الاقي لي كوباية شاي من البنوتة امولة...بس هي فين ليه غايبة كدة انا مقرتش كله بس مش لاقية منها ردود

ام ابيها...اخبار ياسمين ايه ربنا يعينك عالشغل وعالبيت يارب

دون...وحشتيني اوي اوي ماتفرفشينا كدة شوية لحسن انت عارفة اننا بنحب النكد شوية

سندريلا...متتصوريش فرحت قد ايه لما رجعتيلنا تاني يارب يارب يارب ربنا يجمعك علي زوجك عاجلا غير اجلا يااارب العالمين

وسام حبيبتي....ربنا يوفقك وبيعجبني فيكي طموحك جدا وانك دايما عاوزة تتقدمي في مجالك برافو عليكي ماشاءالله

اليومين دول جوزي قاعد في البيت لانه ساب الشغل وبيعمل اللي عليه بايديه وسنانه ساعات يبقي متفائل وساعات يبقي فقمة الاكتئاب يبقي عاوز ينام كتييير عشان ميفكرش ربنا يعينه نفسي بس ربنا يكرمنا وندبر مصاريف الولادة وتوابعها ان شاءالله
حد يقدر يرشحلي دكاترة ستات كويسين؟؟
خلينا دايما كلناااااااااااااااااا فاكرين "ان مع العسر يسرا"

انا كنت شايفاكوا بتتكلموا علي نضافة وبتاع...انا اول مالقيت نفسي لوحدي قلت انا عمري ماعملت لنفسي بالسويت في المنطقة الصعبة وبقيت مش عارفة اعمل ايه جالي مرة تخلف عقلي وجربت بالموس كان زي الزفت والاطران فضلت بقي ورا السويت بس بعملها كل فترة لاني بتعب منها جدا وبيطلعلي حبوب في المنطقة حد يعرف ليه ياتري؟؟؟

اسكتوا بقي عشان اضحكوا..انا كنت فاردة شعري باعشاب مدام فوزية واول ماعملتها جالي اكتئاب من الهباب اللي مبيطلعش من شعري والشعرة نفسها كانت تخينة اوي اصلا النتيجة بتبان بعدها بشهر مثلا تكون الريحة راحت كمان...
المهم هو كويس مش وحش صحيح شعري بيقع والحمل مكمل عليه الحمد لله بس هعمل ايه كدة احسن من شعري بكتييييييييير هو كان فتلته ناعمة بس لا ينفع يتسيب ولا حتي يتعمل ديل حمار
المهم بقي دلوقتي شعري نبت من قدام شوية مفيش فرق كبير بس فيه تكسيرات طبعا...جوزي بقي لما يقعد جلسة تامل في شعري وابقي انا عاوزة اقوله ياعم ماتدور وشك بتتفرج علي ايه يقولي"شعرك والله حلو بس مش عارف ليه من تحت انعم من فوق" انا بقي اقوله خلقة ربنا بقي اعمله ايه...اه لو عرف الحقيقة المرة انا لحد دلوقتي مش عارفة هعمل ايه لما يطول اكتر من كدة ازاي هحط الاعشاب دي تاني دي كانت علقة كرهتني في نفسي...ربنا يعيني والله دي مأساة فعلا

يالا اشوفكم علي خير بقي وادعولي الله يخليكم كتير

صباح الخير عليكم ..
كهرمانه منورنا .. ايه الغيبه دى كلها .. ضحكتينى والله على موضوع شعرك ده :) مش عارفه فعلا تعملى ايه مش بيقولوا الكدب ملوش رجلين ربنا يكون فى عونك وعلى فكره سندريلا بقت مدام حمدي .
انا مش عارفه ليه البنات بيفتكروا ان لما ماحدش يرد يبأه طناش !! والله يا جماعه الواحد لما بيعرف حاجه بيقولها ما اظنش ان فيه حد فينا بخيل احنا كلنا اخوات والى بتعرف رد على حاجه اكيد بتقول مش حتبخل بالمعلومه .. ولا ايه ؟
لولو انا بصراحه مع راى رواء اسالى دار الأفتاء احسن من اى واحده فينا حتجاوبك او اقولك حاجه تانيه .. ادخلى هنا فى المنتدى فى قسم التوعيه الاسلاميه واساليهم وشوفى يمكن بردوا يفيدوكى احسن مننا .
نودى انتى لسه تعبانه يا جميل .. يلا بأه تعالى نورينا المكان ضلمه من غيرك يا قمر .

انا اهه باسلم على كهرمانة ام النونو ولوكاشا ام جوجو ودارييييييييييين وكل الناس

كهرمانة ارشح لك بقى دكتوري اسمه خالد سويدان والعيادة بتاعته امام قسم النزهة في مصر الجديدة وهو فعلا شاطر وهايل جدا

ازيكم يا بناااااااااات
اهلا يا كهرمانه اتارى الصفحه منوره انتى طلعتى منين ربنا يقومك بالسلامه وعقبالى كده
وميرسيه اوى على دعوتك الجميله يارب يسمع منك ويكرمنا ويرزقنا عاجلا غير اجل مش عارفه ليه كلامك ديما بيعطينى دفعه للتفاؤل مع ان الظروف كل مدى فى الاسوأ لللاسف ربنا يستر على الاجيال اللى جايه . بس انتى عمرى ما شفتك اون لاين على المسنجر ليه
مش عارفه ناس كتير بتترعب من المسنجر ليه ماعدا واحده كده هيا عارفه روحها اسمها يبدأ بحرف ال د

شيرى
ازيك عامله ايه دلوقت انا علطول مدام حمدى وعلطول متفرقين ربنا يصلح حالنا جميعا ويريح قلوبنا ويلهمنا الصبر
يا لوكاشا
انا والله خفت فعلا اجاوب بثقه لأن الموضوع ده اختلفوا عليه كتير ازاى احنا هنعطيكى فتوى انا اللى اعرفه انه البنوك الاسلاميه فقط هيا اللى مضمون فلوسها للأن فيما عدا ذلك كله ربوى
وبردوا مش واثقه طبعا من الاجابه
وسلامى لكم جميييييييييييييعا