جى جى
ان شاء الله البنات يردوا عليكى الصبح اخر يوم فى الشغل
وهيكون فيه تواجد من بنات كايرو

wbmylove
اهلا بيكى معنا منوره الصفحه المشاريب ديما بتكون على كبير الصفحه
وهو عارف نفسه

حبيباتي بنات بلدي والله اسعدتني رددكم وانا رديت عليكم وضحتلكم بعض النقاط
مشكورييييييييييييييييييييييييييييييييييييييييييييييييييين كلكم وانا فعلا نفسي نتعرف علي بعض اكتر
سلامي ليكوا لكم انا تقريبا اعرفك معظمكم
لكن متكلمتش غير مع سندريلا انتي اول وحده عرفتها انها مصريه من قسم الاسره
وام ابيها ولولو وكوين وان شاء الله اتعرف علي البقيه

طيب أنا كل يوم اسلم ومش حد بيرد عليا ولا بيسأل فيا الا نودي حبيبتي ربنا يقومها بالسلامة ان شاء الله

اوعو تفتكروني زعلانة :( ولا غضبانة :D :16: ولا حاجة

ابدا ابدا ابدا :icon33: :icon33: :icon33:

ازيكم يا جماعه وحشتوني جدا والله لدرجه مفيش وقت حتى اقرا حاجه ياريت تبعتولي على الخاص والله مشتقالكم جدا دون ونودي وشيري وام ياسمين وايمان ومسلمه ومون33 والجميع والله العظيم بسلم عليكم كلكم ومخي مش ساعفني على الاسماء والله وحشتوني
اخباري انا في نفس الشكرة بس ماركتنج ويعني الوضع ماشي بصعوبه شويه والشركه التانيه اتاخرت عليهم جابوا واحده وكل شئ نصيب ادعولي والله محسنوليش اي شي غير ان دوامي مريح بس الحمد لله بصراحه كده احسن الف وحمد وشكر ادعولي

ثانيا ابن اخويا اسمه باسم عنده 7 شهور ومراته مكنتش بتخلف بقيلها 6 سنين والود جاله فيروس غريب بيهاجم جهاوز المناعه في الدم وبيقتله المصيبه انه الدكاترة عرفوا بعد اسبوعين عضلت قلبه تعبت واخويا برضه اسمه ايمن رائد وبيعيط لي في التليفون نفسيتي والله تعبانه جدا ادعولوة يا جماعه ربنا ينجيه يارب يارب امين

ثالثا : اخويا احمد الصغير وهو نقيب برده في الجيش عمل حادثه في الطريق وربنا نجاه لكن للاسف مش قادر يعيش بدون مسكنات قويه ودلوقتي بيتعالج مره تانيه في مستشفى المعادي وماما هتجنن وانا هنا هتجنن عليهم ادعولي يا جماعه

رابعا زوجي العزيز عنده ماتش اليوم مع فرقه صعبه جدا اسمها اتحاد كلبا هزموا فرقه جوزي قبل كده 5 ربنا يستر وفريق جوزي يتعادلوا حتى او يفوزوا

معلش نكدت عليكم بس والله فعلا وقفكم جنبي طول الفتره ديه ودعائكم بيخفف عليا غربتي وحزني ووحدتي ربنا ميحرمنيش منكم ادعولي من قلبكم ربنا يهديلي عمر وعلي احسن عمر راخر كرهني حياتي لا بيذاكر ولا بيصلي ولا بيسمع الكلام وانا بضربه وبس مش عارفه اتفاهم مع حد

ادعولي ارجوكي اللهم ارزق من دعالي بمثل ما دعا لي امين يارب العالمين

اللهم اغفر للمسلمين والمسلمات والمؤمنين والمؤمنات الاحياء منهم والاموات
واللهم اتنا في الدنيا حسنه وفي الاخره حسنه وقنا عذاب النار

اللهم امين وان اخر دعوانا ان الحمد لله رب العالمين وسلام على المرسلين
اللهم صلي وسلم وبارك على سيدنا محمد

ايناس

السلام عليكم و رحمة الله و بركاته

صباح الخير على احلى اخوات في الدنيا

وحشتوني جدا جدا جدا و الله و سامحوني على غيابي بس عندي دور برد و التهاب في الحلق بقالي حوالي 10 ايام دلوقت و للاسف مفيش أي تحسن، اضطريت اني اغيب و اقعد من الشغل كام يوم بس اضطريت تاني انزل الشغل و كانت النتيجة ان صوتي كان شبه ضايع اليومين اللي فاتوا لكن الحمد لله على كل حال. الف شكر لكل حبيباتي اللي سألوا عليا سواء هنا او بالتليفون و ربنا ما يحرمني منكم ابدا. و دلوقت اسمحولي ارد عليكم بس اذا نسيت اسم او نسيت تعليق سامحوني لاني لسه تعبانة و مع ضغط الشغل كمان حاسة اني مش مركزة اوي

كهرمانة حبيبتي، بتوحشينا اوي و الحمد لله انك بتطمنينا عليكي و المهم انك متغيبيش اوي، ربنا يتمم لك حملك على خير و يرزقك و زوجك برزق البيبي و يوفق زوجك في الحصول على وظيفة مناسبة. ربنا يكرمكم و يسعدكم يا جميلة. و اتفضلي كوباية زبادي بالفواكه (ممنوع الشاي و الكافيين عشان البيبي ياهانم!!!)

زئردة الجميلة، انا شفت لك مشاركاية عالماشي، يا جميلة وحشتيني و يا ريت تنورينا على طول، المضيفة مفيش فيها عزومة و لا دعوة للحضور، انتوا اصحابها و لازم تنوروها على طول

الفراشة الطايرة منورانا يا قمر دايما، و كيكو و روزاريو و wbmylove و جي جي و بتول كلكم منورين و يا ريت لو تطلوا علينا كده على طول

حبيبتي كوووووووووووووين، فينك يا مرمر؟؟ طمنينا عليكي على طول و مش معنى ان ميبقاش فيه تشات ان ميبقاش فيه كلام خالص، يعني نحاول نطمن على اخبار بعض مع وضع اي معلومة مفيدة تكون عندنا. ربنا يقومك بالسلامة من العملية اللي حتعمليها و ييسرها لك

فطووووووومة ام ابيها، واحشاني اوي اوي و حشتني ياسمينة و يا رب تكونوا بخير يا قمر. بس انا زعلانة من الافكار السوداء الغريبة اللي في دماغك دي، و اياكي اسمعك بتتكلمي كده تاني!!! يا بنتي انتي عبيطة!!! بقى تضيعي احلى فترة بتقضيها مع بنتك في انك تخافي من الموت!!! يا ستي ما كلنا حنموت في أي لحظة، لكن المهم اننا طول ما فينا نفس داخل و نفس خارج نستغلها في زيادة ايماننا و ترسيخه و كمان في اننا ننفع اللي حوالينا و نتتفع من نعم ربنا. يعني كل لحظة بتقضيها مع بنتك دي تعتبريها هي دي الذكرى الحلوة اللي حتفضل بعد كده طال العمر او قصر. لازم تخلي كل لحظة في تربيتها و كل لحظة بتقضيها معاها لحظة تفتكرها هي بعد كده. اسفة اي طولت عليكي بس مش عاوزاكي تفكري كده تاني ابدا، و لنا كلام مخصوص مع بعض بعد كده (عشان اشد ودنتينك براحتي!!)

سندريلا، تعرفي انك كنتي دايما عاملة جو للصفحة و شقاوة كده!! ربنا يسعدك و يهنيكي و يجمعك على زوجك على خير و يرزقك الذرية الصالحة

ام باسل، بتنوري الصفحة بطلتك يا جميلة و جزاكي الله خيرا على سؤالك الدايم عني. يا رب تكون صحتك انتي و الاولاد بخير

رواء الاسلام، وحشتيني جدا و منورة الصفحة بكلامك و بتوقيعك و بكل حاجة :)

شيري، وحشتيني جدا جدا، و شكرا على سؤالك عليا و على ذوقك. البقاء لله فيمن توفى و مش حاقدر اقول اكتر من اللي قالوه البنات بس بلاش نخلي التجربة دي تجربة يأس و اكتئاب، و يا ريت نخليها تجربة عبرة و موعظة و موقف زي ده يدفعنا اكتر اننا نقرب من ربنا و نتعرف على ما لم نعرفه من ديننا. نجري نجيب المصحف و نكثف قراءتنا، و نجيب التفسير و نقرأ و نفهم و نصلي السنن مع الفروض و نكثر من الدعاء و الاستغفار، يعني نحاول ننبه نفسنا للي غفلنا عنه بدل ما نضيع في دوامة الحزن اللي هي اسوأ مضيعة للوقت. ربنا يسعدك و يهنيكي و يوفقك و يرزقك الزوج الصالح

دندونة، انتي الروح اللي في الصفحة دي بجد، اي مشاركة بتشاركيها بتنور الصفحة و بتنور وشوشنا احنا بالبسمة. ربنا يبارك لك في صحتك و في زوجك و اولادك و يحفظكم من كل مكروه. و شكرا على الرابط يا جميلة انا شفت العروض اللي فيه و ربنا يكرم ان شاء الله. سلميلي على مووتي كتير و قوليلها الف سلامة على النت :(

ام ياسمين ايمان، ربنا يعلم اني باحبك في الله و يا رب تكوني دايما بخير و صحة و سعادة

وسام، ازيك يا قمر؟؟ ربنا يوفقك و يبارك فيكي و يكرمك

داريييين اهلا و سهلا يا جميلة. انا شفت مشكلتك و اسمحيلي ارد عليكي هنا في السريع، شوفي مش معنى انك قاعدة في البيت تبقي سطحية التفكير. انتي درستي في مجال عملي و معنى كده ان مخك معتاد على التفكير و التشغيل، و ممكن في بيتك وو مع النت تتعرفي على التطورات الموجودة في مجالك و في مجالات تانية كتير اهمها الديني طبعا. و ممكن لو انتي اهتميتي بتنمية و تثقيف نفسك تلاقي صحباتك دول جنبك صفر عالشمال!! صدقيني ممكن تطوري نفسك بالقراءة الكتير و البحث عن الجديد و تتطوري شخصيتك انتي و تنميها و تبقى عندك ثقة في نفسك. زوجك على حق في رغبته انك متشتغليش لانه ادرى بوضع البلد اللي انتوا فيه و عاوز لك الخير. انتي عنده ماسة و درة لازم يحافظ عليها، و ده مش غلط فيه بالعكس ده شئ يشكر عليه و ارفع له قبعتي تحية له لانه اتصرف صح. اشغلي وقتك بتربية ابنك ربنا يحفظه ليكي و بتثقيف نفسك و بتنمية شخصيتك و صدقيني صحباتك همه اللي حيتغاظوا منك بعد كده و يقولوا ياااااااه هي بقت كده ازاي!! ياللا بقى ابدأي الحملة و توكلي على الله

ام جوجو لولو العسل، ازيك يا جميلة؟؟ شوفي يا ستي بالنسبة لموضوع الحمل، انا اؤيد انك فعلا تفكري في الموضوع و تحاولي انك تجيبي بيبي تاني دلوقت تربيه مع جوجو و يكبروا سوا و ترتاحي مرة واحدة. اما الموضوع التاني، انا معنديش علم فقهي لكي أفتي لكن رأيي البسيط هو ان زوجك بياخد راتب على وظيفته او على شغله اللي بيؤديه و مفتكرش ان سواء البنك اسلامي او غيره الموظفين فيه مسئولين عن تعاملات البنك نفسه. هو مش بيشتغل و عنده نية المشاركة في اعمال ربوية هو بيشتغل لان مجال المحاسبة هو ما درسه و تعلمه و هو سبيله للحصول على ما ينفق به على أسرته. انا طبعا لا باحلل و لا باحرم و لا باقول رأيي في العمل في البنوك، ده مجرد رأيي في موضوع الوظيفة نفسها. و ربنا ييسر لكم الخير اينما كنتم

هبة حبيبتي، هاه افتكرتي كنتي حتسألي في ايه يا هبة؟؟؟؟؟ وحشتيني يا هوبا

اينا الغالية، ربنا يسر لك الحال و يهديلك اولادك و ييسر لك امورك و يوفق زوجك في عمله. و الف الف سلامة على اخوكي و على ابن اخوكي، ربنا يقومهم بالسلامة ويلبسهم ثوب الصحة و العافية

اليانورا و اولادها الحلوين :) مش عارفة اذا كنت باركت لك قبل كده و الا لا، بس الف الف مبروك يا قمر و ربنا يجمعكم على خير و يوفقكم، بس انتي رجعتي حطيتي الولد اللي بيبكي ليه؟؟

فين الحبيبات الغايبات؟؟؟ ام زياد و بليكان و لا روزا و ام احمد و منى عبد العزيز و بتول و كاااااااات و رانيا سبانيش و شيرين ام ادهم و زوجي = الحياة و بنت الشمال و موون و كيوت جمانة و داليدا؟؟ طولتم الغيبة

مسلمة، جزاكي الله خيرا على الحاجات الجميلة اللي بتنزليها بجد باستفيد منها جدا. ربنا يبارك فيكي و يرزقك الذرية الصالحة و الف سلامة عليكي و على اختك و والدتك

سمسم ام ياسمين، اخبارك ايه يا قمر انتي و ياسمين؟؟ متغيبيش عنا كتير و نورينا دايما يا جميلة

روشانا الجميلة، بتسعدني مشاركاتك معانا و منورانا دايما. ازاي بنوتك الامورة؟؟

ميرو، ازيك و ازاي شدونة؟؟ بتاكل كويس و لسه لسه مجنناكي؟؟؟ وحشتيني يا محاميتي العزيزة :)

رووني حبيبتي ملكة الافتكاسات، انتي زعلانة ليه يا جميلة؟؟ يعني اغيب كام يوم الاقيكي زعلانة؟؟ البنات مش بيطنشوا حد و الله، هي المشكلة ان الصفحات و الردود بتبقى كتير و الاسامي كمان ما شاء الله كتير و بيبقى صعب يفتكروها كلها. بس انا اسفة اني مكنتش موجودة و مردتش عليكي. ياللا تعالي بقى انا عاملة لك واحد كابتشينو مخصوص :)

راجعة لكم تاني بهدية حلوة و مفيدة ان شاء الله :)