وداعا لرائحة البصل

رائحة البصل تعنى ان الامن الغذائى مستتب فالبيت

اذا عاد زوجك من عمله ولم يستمتع برائحة البصل تفوح من يديك الجميلتين
فقد يساوره القلق من انك معندكيش ضمير ومعملتيش اكل النهارده

او عملتى عمله سوده وطلبتى اكل جاهز
او عمله العن وهتاخديه تاكلو عند مامتك (حماته)
ولذلك عليك ان تخبريه انك قد توصلت لوسيلة للتخلص من رائحة البصل قبل ان يقتله القلق

الوصفة
1-انك تعملى الاكل من غير بصل
2-تجيبى طباخ او طباخة
3-منفعتش الاولى ولا التانية مبدهاش اقولكم السر وامرى لله
اجعلى اخر ما تفعليه فى المطبخ هو غسيل الارز فغسيل الارز بعد تقطيع البصل يزيل رائحة البصل

طبعا الارز المصرى وليس الامريكى
طيب مش عامله ارز النهاردة تحطى شوية ارز تنقعيهم فى مياه

وتغسلى بيهم ايدك بعد الانتهاء من اعمال البصل والتوم
طيب معندكيش ارز غلبتونى
شوية نشا فى مياه تدعكى بيهم ايديكى وبعدين تصبنيها تبقى تمام

بتقولى ايه معندكيش نشا ياسنه سوخة

خدى دى : تدعكى ايديكى بشوية زيت وبعدين تصبنيها كويس (مفعولها اقل من النشا والارز)
بتقولى ايه ريحة البصل مسكت فهدومك
الحل

تغيرى جلابية العجين اللى انت لابساها بقالها شهر دى وطلعى الجلابية النايلو

اللى امك جهزتك بيها من 20 سنة بخيها كالونيا 5خمسات والبسيها قبل ماجوزك ييجى

ومتنسيش فيه اختراع حديث اسمه الدش ادخلى الحمام بصى فوق هتلاقيه

افتحيه واقفى تحتيه شويه قبل ما تقابلى المحروس جوزك وحضرى بصلة تفوقيه بيها

يمكن يغمى عليه من التغيير المفاجىء اللى حصل او يفتكر انه غلط فالعنوان

ماما

لقيت المقاله دى من منتدى حلو اوى استنوا لما انزل لكم حاجات تانيه

مطبخ مامتكم فى رمضان

مطبخنا فى رمضان المفروض ألا يستهلك منا وقتا كبيرا حيث أن رمضان وقته ثمين لايعوض ولذلك إليك بعض الأفكار

التى تساعد على توفير وقت المطبخ فى رمضان

قبل رمضان:

فى الأيام الأخيرة من شهر شعبان جهزى مستلزمات المطبخ بحيث تكون لديك وجبات نصف مجهزة او سابقة التجهيز

عصجى كمية من اللحم المفروم وضعيها فى أكياس وجمديها

كمية من صدور الفراخ المتبلة جاهزة لعمل البانيه ومن الممكن أيضا الإحتفاظ بها مغطاة بالبيض والبقسماط

وجاهزة للتحمير (جربتها ونفعت)

البصل يمكن تقطيعه بحسب الطلب سواء شرائح أو مكعبات صغيرة وتشويحه فى الزيت قليلا وتجميده

يمكنك الإحتفاظ ببصل مبشور للتتبيل مجمدا

الثوم يمكن الإحتفاظ به فصوص أو مفروم فى برطمان فى الثلاجة أو مجمد

خلطة المحشى يمكن عملها بدون إضافة الأرز والإحتفاظ بها ويضاف الأرز عند لف المحشى

صوانى البطاطس يمكن تجهيزها نصف سوا وتجميدها وكذلك المكرونة بالباشميل

صينية الرقاق يمكن تسويتها نصف سوى والإحتفاظ بها مجمدة

يمكنك لف كميات من السمبوسة وتكون جاهزة للتحمير

قطفى كمية من الملوخية (أو خللى أم عبده مرات البواب تقطفهالك) وإغسليها جيدا ونشفيها وجمديها فى أكياس

بعد غمسها فى ماء مغلى لثوان قليلة وعند إستخدامها قطعيها بسكين وهى مجمدة

جمدى كمية من الخضار كالبامية والفاصوليا وجهزى مع كل كيس كيس فيه التسبيكة التى ستستخدميها للطبيخ

جهزى كمية من الشربات (الشيرة )لزوم الكنافة والذى منه

القطايف ممكن حشوها وتكون جاهزة للتحمير

تجنبى فى رمضان المواقف التى تعرضك للعرق وفقدان كمية كبيرة من الماء حتى لا تستنفذى قواك فى المطبخ وتحرمى

من القيام فى الليل أو تصلى وانتى تعبانة بمعنى انك لا تقفى فى المطبخ والفرن والع مثلا او تخرطى بصل وتفقدى ماء

على شكل دموع وخلافه ممكن مثلا تجهزى السلطة من بدرى وتقللى من كمية المأكولات التى تحتاج إلى تحمير لفترات طويلة

(ما حبكتش يعنى فى رمضان )

كل ده طبعا محتاج ان يكون عندك ديب فريزر او فريزر كبير أو عند جيرانك ديب فريزر تتقلى عليهم وتحطى حاجتك فيه

طيب مافيش يبقى على الأقل العصاج والبصل والثوم والخضار المجمد يكون جاهز وربنا المعين

جددى نيتك فى وقفتك فى المطبخ حتى يحسب لك بأجر وشغلى جنبك قرآن أو درس دينى لتستفيدى من الوقت

وربنا يتقبل مننا جميعا الصيام والقيام.

ماما

منقووووووووووووووووووول

أمى هاتى 50 جنيه أجيبلك هدية

إستيقظ حنكش 17 عاما (إسمه الحقيقى تامر ولكنه يفضل حنكش ) كعادته بالطبل البلدى ليذهب لكليته

وقبل أن ينزل دار الحوار التالى

عاوز 50 جنيه

ليه

كده عشان أجيبلك هدية عيد الأم

ياسلام عليك يا إبنى ربنا يخليك لى

إيدك بقى على الخمسيناية

هديتى إنك إفتكرتنى فى اليوم ده كفاية عليا كده

لأه بس أنا بقى عاوز أجيب الهدية هاتى الخمسين جنيه

شوف أنا هديتى إنك تنجح السنة دى

باقولك إيه إنتى ماصدقتى هى هدية وخلاص إيدك بقى على الخمسين جنيه

كفاية وردة بجنيه انا هابقى مبسوطة

لأ عاوزة أصحابى يقولو على إيه هننزل كلنا مع بعض كل واحد يجيب هدية لمامته عاوزانى أبقى أقل منهم

يعنى مش حكاية ماما يرضيها غيه حكاية شكلك قدام أصحابك

هنقلبها غم عالصبح هاتى بقى الخمسين جنيه

مافيش خمسين وهتروح على كليتك مفيش نزول مع صحابك

كده طيب إبقى شوفى بقى مين اللى هيروح كليته ومين اللى مش هينزل مع صحابه

ونزل حنكش ورزع الباب وقلب ماما يتعصر من الألم إن دى آخرة تربيتها

مش مهم الهدية كلمة حلوة كفاية --البر ياناس-- راح فين البر الشباب جرى لهم إيه بس

أكيد ماحدش فيكم حنكش مش كده



مامتكم

ميليسيا شكرا يا حبيبتى كتر خيرك

اه بسلم عليكم لكم واحده واحده والله بس بنسى وبخاف مقلوش حد
ماشى
كل واحده ليها منى سلام وبوسه

ماعدا ابله دون:30:

هبه اركزى يا ماما واهمدى شويه :32: دوختينى وراكى